لماذا يتعامل الأخ دائمًا مع الأخت الوسطى بلُطف ويُهمل الأخت الكبرى بعد كلّ خلاف، رغم أن هذا التصرف يُسبب الغيرة ويزيد المشاكل بينهما؟

اللي حاصل بينك وبين أختك مش مجرد "هزار سخيف" أو "خناقة لحظة" — هو تراكم إحساس بالتمييز وعدم الإنصاف، وده اللي بيخلّي أي خلاف بسيط يولع بسرعة.

أخوكي، رغم إنه بيحاول "يهدّي الموقف"، مش بياخد باله إن طريقته بتأذي الطرف التاني بدون قصد. هو بيختارك لأنك الأقرب له وبيحس إنك بتفهميه، فبيتعامل معاك طبيعي عشان يطمن الجو، بس في المقابل هو بيزود المسافة بينه وبين أختك الكبيرة بدون ما يحس.

عن نفسي لو مكانك ممكن اعمل شوية حاجات زي أنك تختاري وقت هادي جدًا، وقولي لأخوكي بحب وهدوء مش بلوم، أنك مقدرة أنه بيحاول يهدي الدنيا بينكم، لكن لما بيختارك دائمًا ويترك أختك، هي بتشعر إنك ضدها، وده بيخلق توتر أكتر.

خليه يحس إنك بتفكرّي في العيلة كلها مش في نفسك.

بعد كده، حاولي تصالحي أختك بطريقة مش مباشرة، مش بالاعتذار أو الجدال، لكن بحركة بسيطة زي:

تبعتي لها صورة قديمة ليكم وتكتبي "فاكرة دي؟

أو تجيبي حاجة صغيرة ليها وتقوليلها "افتكرتك لما شوفتها".

الحاجات الصغيرة دي بتكسر التجمّد اللي بينكوا من غير كلام كتير.

أخيرًا، حطي في بالك إن أختك الكبيرة ممكن تكون غيرتها مش من الموقف بس، لكن من القُرب بينك وبين أخوكي، خصوصًا لو هي حاسة إنها فقدت مكانها كأخت كبرى أو إن محدش بيقف في صفها.

يعني الحل مش في الخناق، ولا في إنك "تتنازلي" طول الوقت، لكن في إنك تفهمي دوافع كل طرف وتتعاملِي معاها بحكمة، وده اللي فعلًا بدأتي تعمليه، فكمّلي كده ❤️

ما السبب في موقف أخوكي؟ لا أتوقع أن السبب مقتصر على أنه يفضلك، فمن خلال كلامك واضح أنه يتجنبها فهل هذا سلوكها بالعموم والذي قد يكون دفغه لذلك؟

نقطة ثانية من طرفك، لماذا لا تحلي انت المشكلة وتخلقي مساحة بينك وبين أختك، طالما حزينة على رد فعل أخوكي وتمييزه، يعني مثلا ممكن وقت الخناق تخبريه ألا يتدخل وتحلي المشكلة أنت وهي فقط دون تدخل منه طالما الأمور خلافات وشجارات عادية.

أيضا عندما يعزم أخوكي عليك بالطعام لماذا لا تأخذي منه دون إخباره وتشاركي مع أختك حتى وأنتم على خلاف، وبذلك تشعر بحبك لها مترجم لفعل وقيسي على ذلك بكل الحالات

للأسف الأخت الكبيرة بتتعرض لصدمة في الطفولة، وهي بعد ما كانت الطفلة الوحيدة المدللة اللي بتحصل على كل الاهتمام، تجد أنه جاء طفل / طفلة غيرها، وهذا الطفل الرضيع بطبيعة وضعه يحصل هو على كل الاهتمام من الأم والأب، وبيتم إهمال الأخت الأكبر باعتبار أنها كبرت خلاص، دا بيخليها تشعر أن المولود الجديد سرق منها اهتمام وعطف وتلومه، وتلوم كل من بداخل البيت على سحب بساط الاهتمام من تحت قدميها، دا برأيي يفسر كتير من تصرفات الأخت الكبرى عموماً.

لكن لو أي حد جرب يتقرب منها أظن هيلاقي نتايج كويسة جداً لأنها مفتقدة اهتمام اتسحب منها وقت الطفولة، وحتى في الغالب بتلاقي علاقاتها مع المجتمع بره كويسة جداً، لأنها بتحاول تعوض اللي اتاخد منها جوا البيت.

ببصو دائما الخت الكبيره بتكره اخواته الصغيره عشان همه اللي بيدلعو اكتر منه وبتكراهم