كيف أنظم وقتي في رمضان؟

أنا مثلك، تعودت النوم في وقت مبكر والاستيقاظ في وقت مبكر، وسأثبت ذلك في رمضان لكن ربما أنام على الساعة ١٢ أو ١١ والسحور قبلها وفقط هكذا أو اصحى قبل الفجر وأتسحر وأصلي وأرجع إلى النوم

بالنسبة لي متعة رمضان في وقت السحور وصلاة الفجر دا بالنسبة لي شرط أساسي في يومي بس المشكلة لو قررت انك تنام في اوقات نومك الطبيعية هتجد صعوبة جدا في الاستيقاظ للسحور وهتكسل. وفي نفس الوقت لو قررت تسهر فانت كدا يعتبر بتضحي بصباح اليوم التالي وممكن يكون على حساب الجامعة او الشغل. الموضوع محتاج تنظيم اكتر ممكن يكون مناسب اكتر لو ننام بعد التراويح مباشرة لكن الشوارع والأجواء في مصر لا تشجع على ذلك أبدا 😅.

فعلا نفس المشكلة. بحس الجدول دا مجرد حاجه وهمية بنخدع بيها دماغنا إننا بننجز فعلا لكن الحقيقة ان مفيش جدول واحد عملته في حياتي مشيت عليه اكتر من اسبوع مثلا.

وأظن الدخول بحماس شديد في أي شيء ووضع التزامات ثابتة لمدة شهر بنفس الروتين، يجعلنا نخمد ونيأس ولا نفعل شيء في النهاية

فعلا العقل بيمل وبيتكاسل لو فضلنا نطلب منه حاجه مثالية يلتزم بيها بدون أي سماحات او حرية وفي الآخر بنضطر اننا نسوف أو نرجع تاني لعادتنا المريحة. لكن دا رمضان مش اي وقت ولا اي عادات دي المفروض عادات دينية اللي الانسان أصلا عايش عشانها فاحنا مضطرين نتعامل علي هذا الأساس ونركن العاطفة والتكاسل على جنب دلوقتي.

كانت هذه مشكلتي أيضاً، لكن في مرحلة بناء العادة هذه الجداول مهمة جداً، في لقاء للعظيم نجيب محفوظ كان يتحدث عن عادته في الكتابة وكان جدولة صارم جداً فهو يلتزم يومياً بالكتابة من الرابعة عصراً إلى السابعة مساءاً، ويلتزم بذلك يومياً حتى وإن لم يكن لديه ما يكتبه، ثم قال أنه بعد مدة من الزمن على هذا الجدول الصارم أصبح الإلهام لا يأتيه إلى في هذا الموعد وبكثافة، وأصبح يستمتع بهذه الصارمة بل ويشتاق لها أثناء اليوم، بالنسبة لي أتفق معكي أننا أضعف منه بالتأكيد وربما لا يمكننا الإلتزام إلى هذا الحد ولكنني أرى أن في مرحلة بناء العادة على الأقل وهي بالنسبة لي 90 يوم، يجب أن نلتزم بهذه الصرامة ولا نقسوا على أنفسنا إذا أنتكسنا عنها أثناء المدة لكن علينا في فتره الإنتكاسة على الأقل أن نلتزم بجزء ولو بسيط جدا منها حتى تظل مستقرة في عقلنا كعادة يومية إلى أن ندمن عليها

كلامك واقعي وصح جدا، لكن ضغوط الحياة والشغل بتخلي أغلب الناس تدخل رمضان وهي مستنزفة طاقتها أصلا. مش كل الناس عندها القدرة والوقت تبدأ تجهز من رجب وشعبان، فالجداول دي بتبقى محاولة أخيرة لإنقاذ ما يمكن إنقاذه.

صدقت فعلا فالعمل أيضا عبادة لكن الواحد اصبح بيتأثر بما يراه علي وسائل التواصل بمجرد ما أشوف حاجه فوق طاقتي بحس إني متأخر عن غيري وبحبط من قبل حتى ما أبدأ.