هههههههه انا اول مرة بفوت ع الموقع ف ما بعرف صراحة.. بس في ناس كتير محترمة و عقلانية ماشالله.. بس ايه اكيد ما بتخلى من الصبيان

الله يسعدك

شكرًا يا عمري على موقفك و كلماتك معي .. و بالنسبة لأخ انا ما ادعيت اني مريم العذراءً.. انا عّم اعترف اني غلطانة و بدّي نصيحة و ارشاد لانو ما بقدر احصل على هالارشاد لا من عائلتي ولا من أصدقائي و بواجه صعوبة .. بس الله يسامحك على كل كلمة ..

شكرًا على الفيديو .. تابعتو و ما استفدت منو شي و ما رد على سؤالي .. هاد اضافة الى اني مع كل احترامي .. ما بشوف انو عائشة مثال رائع يحتذى به مقارنة بعده نساء بالتاريخ الإسلامي او غير الإسلامي .. و انا بتكلم عن نفسي بالاخر.. الي حابب عائشة تكون منارتو و قدوتو باهلاً و سهلا بهالمنطق

انا برأيي المؤمن الحق لحالو رح يرجع من الإلحاد للإيمان اذا كان صادق مع نفسو و صادق في بحثو .. و في اسوء الحالات اذا ما رجع للإيمان كلياً رح يصير " لا ادري " بس على الاقل صاحب حجج علمية و لاهوتية قوية. اما الانسان الي عّم يلحد كرمال يتميز او كرمال يتهرب من فريضة معينة ف هاد ما فيه خير لا بأيمانوا و لا بألحادوا .. كومبارس و رح يضل كومبارس اذا ما صدق مع نفسو قبل ما

من عيوني. شكرًا على الاقتراح الله يسعدك.

الله يجزيك الخير اسامة اخر جملة كتير اثرت فيني .. فعلا معك حق .. انا لو ما كنت عاصية بشكل كبير ما كنت فكرت بربي و لا بالتوبة. ميرسي كتير على كلشي و لا على كل كلمة.. ربي يكتر من امثالك و يثبتك على هالطريق و يهدينا و يصبرنا اجمعين.

شكرًا اخي مرة تانية على كلماتك الجميلة و الحكيمة .. انشالله اقدر حب هالامور .. اليومين السابقين كنت عّم فوت على مواقع إسلامية اقترحها بعض الي ردوا علي هون .. بس قلبي انقبض و حسيت بعدم ارتياح و انتماء.. بس رح حاول اضغط على نفسي و اطلب من الله يحببني بالإسلام.

ماشاءالله، الله يسعدكم و يهنيكم. بالاخر الله بيعطي الناس على قد النوايا. شكرًا جزيلاً لانك شاركتني قصتك يا اسامة:) مع اني بحس احيانا هيك قصص خيالية من خلال الي بشوفو بهالدنيا بس رح حاول ما فكر بسلبية و اتوقع الأفضل دائما. و ممكن متل ما قال شخص بالردود السابقة.. ممكن يكون هالتفكير السلبي بالاشياء المنيحة تلبيس من الشيطان كرمال ما اتوب.. و الله اعلم.

امين يا رب .. شكرًا اخي و فعلا معك حق اغلب تصرفاتي هي هرب من واقعي.. بس استعملت كلمة شبقية لاني حسيت مع مرور الوقت اني بدأت اكتسب هالصفة مع كتر الممارسة. الله يغفر ألي و الك و لجميع المسلمين. شكرًا على كل ردودك و نصائحك الجميلة.

انا قرأت شروط التوبة مؤخراً و عّم اشتغل عالموضوع و انشالله الله يوفقني و يساعدني بهالاشي... بس الناس مو دايما بتغفرلك الي راح.. عالعموم انا قاصدة وجه ربي قبل كلشي ف مو كتير هاممتني هالنقطة.. بس حبيت علق انو الزمن اتغير و الناس اتغيرت. اغلب الرجال حاليا مانو مستعد يتعب مع شريكتو و على شريكتو تا يبنو حياة افضل .. اغلبن بدن اشيا جاهزة و سريعة و "جديدة" و ما بدها كترة غلبة ووجعة راس.. هاد غانيك عن الشك الي

هههههه يا جماعة شبكن عليي انا ما عّم اشحد عريس، بس عّم اطرح مشكلة بتواجهني و صدقا بعاني منها مش اكتر. الله يصلحنا اجمعين.

معك حق بس كمانا نص المسلمين المتبقين هُن من سكان شرق أسيا او أفغانستان و ما شابه .. ما بحس اني ممكن لاقي لغة حوار مشتركة مع هالافراد. بحكم الاختلاف الشاسع بالثقافة .. لا هُن عرب و لا هُن امريكان. بس بالاخر كلشي نصيب و الله يكتبلنا الي فيه الخير.

أمين يا رب العالمين.. شكرًا اخي على المساهمة .. انشالله اعمل بهالاشي الي افترحتو عليي.. و ربنا يهدينا و يغفر لنا خطايانا اجمعين.

يا عمري الله يسعدك و يهنيك وين ما كنت تكون.. كلامك جميل جدا و مليان محبة و طاقة و تفاؤل.. شكرًا كتير لحضرتك و انا صورت اجزاء من هالكلام و رح عقلن على باب غرفتي.. شكرًا لانك ما كنت تقليدي بنصائحك و أعطيتني افكار عملية.. لاني انا الي فترة ع هالحال و جربت كتير طرق تقليدية.. و كمان شكرًا لحسن ظنك و إيمانك فيني.. انا فعلا لازم اقنع نفسي اني إنسانة مو سيئة و إنما تصرفاتي هُي السيئة و لازم

معك حق ما في شي بيجي بسهولة. انا من فترة ما نزلت على البلدان العربية ف صراحة ما بعرف كيف حال الناس هونيك.. بس شكرًا على تعليقك انا ما فكرت فيها بهالطريقة.

الله يهديني مثل ما هداك. شكرًا ع الرد.

تقبل بشو؟

ما بعرف اذا هي طبيعتك بس اسلوبك هجومي .. لو انا قدرت حل الامور بهالبساطة الي بتتكلم فيها ما كنت جيت هون و طلبت مساعدة.. عالعموم شكرًا على مساهمتك و انا رح اقرأ هالدعاء قبل ما نام ما يوم .. و بالنسبة لسؤال: انا عايشة بالولايات المتحدة الأمريكية، ف لغتي هي الإنجليزية بس انا كمان بتحدث العربية بطلاقة ما في مشكلة.

ما بعرف ازا انتي بنت او شب .. بس شكرًا كتير على الرد الجميل.. يا ريت لو كان عندي حدا من عيلتي بحاكيني بهالطريقة.. الله يسعدك يا رب. انا عّم حاول غير من واقعي.. بالولاية الي انا عايشة فيها ما فيها مسلمين كتير او عرب بشكل عام.. و اقرب مسجد يبعد ٣ ساعات عن بيتي .. و صراحة هو مسجد متشدد جدا .. الناس الي فيه ما بترحب فيكي ان كنتي مختلفة عنهم شوي. و بالنسبة للمدينة صعب غيرها على

امين يا رب شكرًا اخي على الرد. بالاخر دوام الحال من المحال.. الله يطعمني الإرادة الي تخليني غير من هالاشي الي انا عليه. و يحببني بالعفة .. لاني جربت لباس السترة من قبل و شعرت بالاشمئزاز من شكلي.. للاسف حاولت حب هالاشي بس ما قدرت. بس انشالله خير. و انا مسلمة بالمناسبة.

شكرا على الرد! الكلام اهون من الفعل. جربت ساوي هالامور و ما مشي الحال لفترة طويلة. كتير صعب صفي نيتي كلياً بعد ما مرق كتير عليي. و بالنسبة لتعليقك على الزواج.. ف احنا الاثنين شرقيين على حسب تقديري و بنعرف على شو بيدور الرجال الشرقي وقت الزواج. ان كان عايش بالغرب او بالشرق.

شكرًا اخي رح جرب هالمواقع و عل و عسى يتحسن الحال.

شكرًا على الرد أخي بس للاسف انا ما فيي اتزوج لانو ما في رجال عربي بيرضى بوضعي السابق.. و بالنسبة للوقت انا وقتي جدا مشغول لاني بشتغل و بدرس بذات الوقت و بمارس عدة رياضات و هوايات و بسافر كتير بين المدن بشكل دائم.. بس ممكن لازم خفف من علاقاتي مع رفقاء السوء .. بالرغم انو هالاشي صعب بحكم عدم وجود عائلتي بجانبي. :(

فكرت بهالحل ، بس صعب لاقي ابن حلال يتزوج إنسانة متلي.