انا بنت عشرينية عايشة بالغرب من لما كان عمري ١٢ سنة. انا من طول عمري شقية و راعية مشاكل و متمردة على وضعي.. بس علاقتي مع ربي رغم شكوكي المتكررة بوجودو احيانا.. كانت دائما قوية.. و بما انو عائلتي متفككة و ما حدا كتير فرقان معو شو عمل بعمل بحياتي .. كان الله على طول هو مصدر حماية و سند و متل الأب بغياب أبي .. حتى لو قرأت علمياً و فكرياً عن ان حقيقة وجود الله من صنع الانسان.. في شي جواتي بخاف يترك هالهالة المقدسة حولو.. لانو متل الأب و الحماية بالنسبة الي.
عالعموم، انا مؤخراً يعني تقريبا من حوالي سنة .. صرت أمارس الجنس بشكل مفرط .. مع مين ما كان و كيف ما كان.. انتقاماً من نفسي و من واقعي و من الوقت و من كلشي.. بس بكل مرة يصيبني شعور كبير بالذنب اتجاه ربي .. لاني بحسو على طول حدي و ما بيقصر معي بشو ما بطلب.. ف ما بدّي اغضبو و اعصيه بهيك امر.. و بشكل متكرر من غير خجل و رادع... بس شهوتي مسيطرة عليي و حتى لما بسيطر عليها.. الواقع الي انا عايشة فيه بيحفزها من اول و جديد
انا بشهادة العالم الي حولي.. عندي قدر من الجمال و الاغراء.. من صغري بلفت نظر حتى لو ما بعمل شي ..انا بلغت على صغر.. و تكاويني بارزة كتير بالنسبة لعمري.. هالاشي كان واحد من أسباب الخلافات مع اهلي .. و حتى مع اَي شب بصاحبو.. على طول في شك و غيرة او احيانا رغبة جنسية فقط .. هيك احيانا بيبان كاني بنت هوى بس لانو شكلي او الطريقة الي بعبر فيها عن نفسي بتحوي بهالاشي .. بس انا مو هيك..
الخلاصة. كيف فيي اتصالح مع حالي؟ كيف فيي لاقي نقطة الوسط بين اني ما اغضب ربي و ما حس بالذنب على طول .. و بين اني مارس واقعي بشكل طبيعي بين أصدقائي و بيئتي الي تربيت فيها ؟ انا عندي صراع داخلي كل يوم و هالاشي عّم يعزبني كتير .. يا ريت حد يساعدني بنصيحة.
شكرًا على الرد أخي
بس للاسف انا ما فيي اتزوج لانو ما في رجال عربي بيرضى بوضعي السابق..
و بالنسبة للوقت انا وقتي جدا مشغول لاني بشتغل و بدرس بذات الوقت و بمارس عدة رياضات و هوايات و بسافر كتير بين المدن بشكل دائم..
بس ممكن لازم خفف من علاقاتي مع رفقاء السوء .. بالرغم انو هالاشي صعب بحكم عدم وجود عائلتي بجانبي. :(
انا قرأت شروط التوبة مؤخراً و عّم اشتغل عالموضوع و انشالله الله يوفقني و يساعدني بهالاشي... بس الناس مو دايما بتغفرلك الي راح.. عالعموم انا قاصدة وجه ربي قبل كلشي ف مو كتير هاممتني هالنقطة.. بس حبيت علق انو الزمن اتغير و الناس اتغيرت. اغلب الرجال حاليا مانو مستعد يتعب مع شريكتو و على شريكتو تا يبنو حياة افضل .. اغلبن بدن اشيا جاهزة و سريعة و "جديدة" و ما بدها كترة غلبة ووجعة راس.. هاد غانيك عن الشك الي رح يستمر طول العمر. بس عموما شكرًا ع المداخلة اخي .. الله يجعل كلماتك الحلوة بحق العباد بميزان حسناتك. امين يا رب.
ماشاءالله، الله يسعدكم و يهنيكم. بالاخر الله بيعطي الناس على قد النوايا. شكرًا جزيلاً لانك شاركتني قصتك يا اسامة:) مع اني بحس احيانا هيك قصص خيالية من خلال الي بشوفو بهالدنيا بس رح حاول ما فكر بسلبية و اتوقع الأفضل دائما. و ممكن متل ما قال شخص بالردود السابقة.. ممكن يكون هالتفكير السلبي بالاشياء المنيحة تلبيس من الشيطان كرمال ما اتوب.. و الله اعلم.
شكرًا اخي مرة تانية على كلماتك الجميلة و الحكيمة .. انشالله اقدر حب هالامور .. اليومين السابقين كنت عّم فوت على مواقع إسلامية اقترحها بعض الي ردوا علي هون .. بس قلبي انقبض و حسيت بعدم ارتياح و انتماء.. بس رح حاول اضغط على نفسي و اطلب من الله يحببني بالإسلام.
عيب يا رجل اتق الله
المرأة التي تابت بين يدي النبي بعد أن زنت قال النبي عنها انها تابت توبة لو وُزّعت على أهل المدينة لكفتهم
ليكن بعلمك أني لست المجهول الأول الذي عرض الزواج منها
إلا أنه ليس أضر على الإسلام والمسلمين من فكرك هذا,
إياك أن تغتر بحالك أو تزدر غيرك لمعصيته وإلا وجدت من حالك تبدلاً وندمت حينها أشد الندم.
والله ما أضر على الإسلام والمسلمين الا فكرك انت ومن على شاكلتك من المميعين والمتساهلين بأحكام الشريعة!
انا ذكرت آية مفهومها واضح وصريح وتأتي أنت وتنكر عليّ لأني ذكرتها!
كلامي ليس موجه لها فقط ولكن لها ولغيرها ذكور أو إناث ممن استباحوا محارم الله
ودع عنك العبارات الناعمة التي لا فائدة منها
واعد قراءة موضوعها وترى فيه من استباحة الزنا والتساهل به الشيء الكبير، لدرجة صار مثل اساسيات الحياة لها، وتبريرها إنه انتقام من الواقع! ههههههه والله ان مثل هذه الكلمات ليست الا مستوردة من الغرب!
لست أحد المجهولين السابقين
انا ذكرت آية مفهومها واضح وصريح وتأتي أنت وتنكر عليّ لأني ذكرتها!
إي نعم معناها واضح لكن وعلى فرض أنها قبلت الزواج به فهل تحسبها لن تتوب؟
حتى هي ليست تبحث عن زوج
وحتى في التعليقات الأخرى تحذير لها من الزواج على هذه الحال وأن التوبة شرط لصحة الزواج
كلامي ليس موجه لها فقط ولكن لها ولغيرها ذكور أو إناث ممن استباحوا محارم الله
كيف استباحت؟
أظنك تعرف الفرق بين الاستباحة والعصيان مع العلم بالحرمة؟
ودع عنك العبارات الناعمة التي لا فائدة منها
واعد قراءة موضوعها وترى فيه من استباحة الزنا والتساهل به الشيء الكبير، لدرجة صار مثل اساسيات الحياة لها، وتبريرها إنه انتقام من الواقع! ههههههه والله ان مثل هذه الكلمات ليست الا مستوردة من الغرب!
هي لا تعيش بين مسلمين وحتى والداها تفرقا ولم تجد من يعلمها الإسلام أفنردها هكذا على أعقابها فتذهب للنصارى والملاحدة؟؟؟؟
ثم ما هذا النصح لو صمت لكان أفضل
ابك على خطيئتك يا أخي واتق الله نحن في أيام حرم.
وأرجوك لا ترد علي لا تريد فرقة وسمني في قلبك كما شئت (مميع.... ) فالعفو بيننا
صدقني ما قلتَه يشبه حال عابد بني إسرائيل الذي جاءه القاتل ليتوب فقال له لا توبة لك!
صدقت وقلت ما أود قوله،
حتى ولو فعلت ما فعلت لا يحق له قول ما قال، ويقول تفسير الاية واضح، هو اصلا لم يذكر الآية بطريقة صحيحة وفرضاً لو أنها زنت بدل المرة مائة اهذا يبيح له ان يصفها بالخبث ولو تعريضاً؟!، أموقفها اشد ام من قتل المائة نفس؟، الم يسمع عمن تكرر منه شرب الخمر و يأتي في كل مرة للنبي ليطهره فيتكلم الحاضرون عن تجرأه على المعصية ليرد النبي عليهم لا تعينوا الشيطان على أخيكم!!، ثم هو يسمينا مميعين وهو القائم على حدود الله المتمسك بها!!، لن اقول الا اصلح الله حالنا وحالك لكن تذكر قول النبي( ..فليقل خيرا أو ليصمت)
-المجهول الثاني
هههههه يا جماعة شبكن عليي انا ما عّم اشحد عريس، بس عّم اطرح مشكلة بتواجهني و صدقا بعاني منها مش اكتر. الله يصلحنا اجمعين.
يجب أن تتوقعي هذا الشيء
الموقع فيه مراهقين (15 سنة فأكثر وربما أقل من 15)
لذلك لا تلقي بالا لهم قد يكونون بعض الصبيان الذي لم يجدوا ما يلعبون به.
الله يصلحنا اجمعين.
آمين
التعليقات