فتاة شبقية بحاجة لمساعدة

بعتذر على التأخر في الرد بس بظن الإخوة كفو وفو

انا عّم حاول غير من واقعي..

ايه انت عم تحاولي وهذا شي منيح وأقوى دليل أنك طلبت المساعدة.

بالولاية الي انا عايشة فيها ما فيها مسلمين كتير او عرب بشكل عام.. و اقرب مسجد يبعد ٣ ساعات عن بيتي ..

المسجد بعيد لهيك شو رايك أنك تروحي تصلي مرة في الأسبوع أو الأسبوعين أو حتى شهر صلاة الجمعة

و صراحة هو مسجد متشدد جدا .. الناس الي فيه ما بترحب فيكي ان كنتي مختلفة عنهم شوي.

هلا لو أنت رحت لصلاة الجمعة زي ما بتعرفي الصلاة لها شروط ومن ضمن الشروط أنك تستري نفسك بعرف هادا صعب عليكي لكن الصلاة متكنش إلا بيه.

وبالنسبة للناس في المسجد انت رح تكون في حجرة النساء وإذا رفضوا كلموك افتكري أنك جاية تصلي مشان الله تعالى مو مشانن.

و بالنسبة لرفقاء السوء ما رح قلك انا مجبورة عليهم .. بس رح قلك اني اذا تركتهم بصفي وحيدة كلياً و هالاشي بيرعبني .. ممكن تحكيلي الله معك أنتي مو لحالك .. صحيح.. بس الواقع مختلف.. انا بشر بالاخر و ما بقدر انعزل عن العالم. بالأخص انو اكتر من نص يومي برا البيت بحكم شغلي و دراستي بطبيعة الحال.

اه بعرف صعب الواحد يغير صحابو في لحظة وحدة هلا صحاباتك عم يأثروا فيكي بس ليه متكنيش انت الي بتأثري فيهم؟

يمكن صحاباتك ملحدات أو مسيحيات ليه متفكريش وتجربي تدعيهن للإسلام من ناحية تربحي أجرهم وأجر الدعوة (حتى لو ماصاروش مسلمين) وتبعدي عن المعاصي.

وإذا ما نجحت أو ما حبيتي الفكرة السابقة

جربي تغيير صحاباتك بالتأكيد في بنات في جامعتك ما راح يشجعوكي على شي انت ما ترضيه

و بالنسبة للزواج انا ما بدّي اتزوج من باب ردة فعل او هرب من واقع.. بدّي اتزوج لاني فعلا راغبة بهالاشي .. بدي حدا يتقبلني متل ما انا .. اكيد ازا اتزوجت رح اترك الخطيئة هاد شي اكيد ..

لا انت ماراح تهربي من الواقع.

الشهوة فطرة وغريزة في الإنسان وماهي عيب وهاي الشهوة ليها 3 طرق لنتعامل معاها

الأولى في الحلال وتكون عن طريق الزواج

الثانية في الحرام وتكون عن طريق المعصية

والثالتة تكون حلال وهي كبح الرغبة مثلا عن طريق الصوم

برجع لكلامي السابق

الأولى في الحلال وتكون عن طريق الزواج

أنا فاهم كلامك انت ما بدك تتزوجي علشان الشهوة بس ولا أنا غلطان؟

وأنا معاكي فهاالشي لأنو الزواج مسؤولية وأولاد ومصاريف

ومن هي النقطة يبقى حل واحد حلال هو كبح الشهوة ويمكن استعمال الصوم وهو ناجح جدا (على حسب إرادتك) بالإضافة لأنو أمر نبوي.

بس ما رح اقدر اتغير كلياً من ناحية اللبس و التصرفات .. حاولت كتير بس ما قدرت..

روحي شوي شوي بس ما تنسي تتوكلي وتنوي أنك ترضي الله (عشان تاخدي أجر كمان)

بلشي أنك تلبسي ملابس طويلة قبعة....(ما بقدر اساعدك اكتر من هيك لأنو ماني بنت :) فاعذريني. بس انت بنت وعندك أفكار)

انا ما رح احصل على اهتمام و محبة و امان من حدا ازا جسمي كلو مغطى

المحبة تكون للقلوب يلي يحبك عشان حاجة في جسمك أو لأنو عندك مال أو غير هيك ما يستاهل اهتمامك وبعرف انك بتعرفي هاالشي بس الخوف مسيطر عليكي واتذكري أنو يلي يحبك عشان جسمك (أو شي آخر) في أي لحظة راح يتركك ويخليكي وحدك

بس لما يحبوكي لشخصيتك هيكون كلام غير

و عّم اتجنب التواصل .. ما بقدر عيش بعيدة عن العالم ..

لا مين حكالك هيك؟

فيكي تتتواصلي مع صحاباتك، هل مثلا أنك تغطي مفاتك راح يشكل حاجز بيناتكم؟

و برجع بحكي انا ما عندي اهل مهتمين او شبكة تدعمني بالحياة.

عندك الله وعندك نحنا ليه في رايك اسمنا مسلمين نحنا اسمنا هيك عشان نكون اخوة

بعرف ما في حدا منا موجود جنبك بس فيكي في أي لحظة تستعيني بينا في هذا الموقع أو غيروا

وحتى ولو مفيش حدا

خليكي شجاعة وحاربي الحياة بحالك

هاد واحد من أسباب تمسكي بالله ..

انت في الطريق الصح بس لازم تكملي المشوار وتوصلي لنهايتو

بس برجع و بحكي احيانا الله بيحطني تحت اختبارات انا ضعيفة جدا اني واجهها لوحدي تحت كل هالضغوط بكل امانة.

بعرف

بس شوفي من ناحية أخرى مين منا جاب في كل امتحاناتو في المدرسة 100/100؟ ولا حدا

لهيك معلش نفشل في بعض الاختبارات بس بنرجع ونراجع أخطاءنا الي عملناها ونحاول نصححها وندعي الله تعالى أنو يعينا ويسامحنا.

وكمان شوفيها من ناحية أخرى كل هالاختبارات الجوائز الي بتاخديها عليها لا نهائية (بجد هي infinite)

ودليل كلامي:

{۞ إِنَّ اللَّهَ اشْتَرَىٰ مِنَ الْمُؤْمِنِينَ أَنفُسَهُمْ وَأَمْوَالَهُم بِأَنَّ لَهُمُ الْجَنَّةَ ۚ (........) وَمَنْ أَوْفَىٰ بِعَهْدِهِ مِنَ اللَّهِ ۚ فَاسْتَبْشِرُوا بِبَيْعِكُمُ الَّذِي بَايَعْتُم بِهِ ۚ وَذَٰلِكَ هُوَ الْفَوْزُ الْعَظِيمُ (111)} (سورة التوبة)

وهاي نصايح أخ لأختو لهيك فيكي تسألي أي سؤال

إضافات أخيرة:

نحنا هلأ بأفضل أيام في العام (أول عشر أيام في ذي الحجة) ونحنا بشهر من أفضل الشهور، وأجر أي حاجة في هاد الأيام مضاعف كتير كتير تصوري لو أنك استثمرتي ب 1 سنت ورجعلك مليار دولار!!! شي مو معقول صحيح هيك الحسنات هالأيام

والخير كتير فيكي تذكري الله

مثلا تقولي <اللَّهُ أَكْبَرُ كَبِيرًا وَالْحَمْدُ لِلَّهِ كَثِيرًا وَسُبْحَانَ اللَّهِ وَبِحَمْدِهِ بُكْرَةً وَأَصِيلا ، لا إِلَهَ إِلا اللَّهُ حَقًّا يَقِينًا> وهالكلمات خفاف عاللسان وأجرهن مثل وزن السماوات والأرض

وفيكي تقراي القرآن العظيم

أو تتصدقي

أو تبري والديك (بعرف الأمر صعب بس في النهاية هما يظلوا والديكي وليهم عليكي حقوق على الأقل إذا ماكان بدك تزوريهم أرسليهم هدية أو مسج في mail أو email)

بس كمان الذنب في هالأيام وزنو كتير كبير وعقاب كبير كمان هليك باتمنى أنو الله يحفظك هالأيام ودايما من الوقوع في المعصية

ولو وقعتي فيها متنسيش أنك تستغفري بس حاربي الشهوة والله يعينك

وبرجع ذكرك إذا عندك أي سؤال اسألي :)