2

فتاة شبقية بحاجة لمساعدة

انا بنت عشرينية عايشة بالغرب من لما كان عمري ١٢ سنة. انا من طول عمري شقية و راعية مشاكل و متمردة على وضعي.. بس علاقتي مع ربي رغم شكوكي المتكررة بوجودو احيانا.. كانت دائما قوية.. و بما انو عائلتي متفككة و ما حدا كتير فرقان معو شو عمل بعمل بحياتي .. كان الله على طول هو مصدر حماية و سند و متل الأب بغياب أبي .. حتى لو قرأت علمياً و فكرياً عن ان حقيقة وجود الله من صنع الانسان.. في شي جواتي بخاف يترك هالهالة المقدسة حولو.. لانو متل الأب و الحماية بالنسبة الي.

عالعموم، انا مؤخراً يعني تقريبا من حوالي سنة .. صرت أمارس الجنس بشكل مفرط .. مع مين ما كان و كيف ما كان.. انتقاماً من نفسي و من واقعي و من الوقت و من كلشي.. بس بكل مرة يصيبني شعور كبير بالذنب اتجاه ربي .. لاني بحسو على طول حدي و ما بيقصر معي بشو ما بطلب.. ف ما بدّي اغضبو و اعصيه بهيك امر.. و بشكل متكرر من غير خجل و رادع... بس شهوتي مسيطرة عليي و حتى لما بسيطر عليها.. الواقع الي انا عايشة فيه بيحفزها من اول و جديد

انا بشهادة العالم الي حولي.. عندي قدر من الجمال و الاغراء.. من صغري بلفت نظر حتى لو ما بعمل شي ..انا بلغت على صغر.. و تكاويني بارزة كتير بالنسبة لعمري.. هالاشي كان واحد من أسباب الخلافات مع اهلي .. و حتى مع اَي شب بصاحبو.. على طول في شك و غيرة او احيانا رغبة جنسية فقط .. هيك احيانا بيبان كاني بنت هوى بس لانو شكلي او الطريقة الي بعبر فيها عن نفسي بتحوي بهالاشي .. بس انا مو هيك..

الخلاصة. كيف فيي اتصالح مع حالي؟ كيف فيي لاقي نقطة الوسط بين اني ما اغضب ربي و ما حس بالذنب على طول .. و بين اني مارس واقعي بشكل طبيعي بين أصدقائي و بيئتي الي تربيت فيها ؟ انا عندي صراع داخلي كل يوم و هالاشي عّم يعزبني كتير .. يا ريت حد يساعدني بنصيحة.


التعليق السابق
0
Zozita_hermanos أضف ردا

شكرا على الرد!

الكلام اهون من الفعل.

جربت ساوي هالامور و ما مشي الحال لفترة طويلة. كتير صعب صفي نيتي كلياً بعد ما مرق كتير عليي.

و بالنسبة لتعليقك على الزواج.. ف احنا الاثنين شرقيين على حسب تقديري و بنعرف على شو بيدور الرجال الشرقي وقت الزواج. ان كان عايش بالغرب او بالشرق.

0
مجهول أضف ردا

جربت ساوي هالامور و ما مشي الحال لفترة طويلة. كتير صعب صفي نيتي كلياً بعد ما مرق كتير عليي.

مع مين تصفي نيتك؟

اخلاص النية هو أنك تساوي الشي لوجه الله فقط بمعنى أنك ما تساويهش علشان الناس يقولوا هي ساوت وفعلت.

جربت ساوي هالامور و ما مشي الحال لفترة طويلة

ليش منو لي قال الخير سهل؟

الدنيا هي حياة ابتلاءات ومصائب والجزاء والجوائز تاخديهم في الآخرة ويمكن في الدنيا وانت لازم متستسلميش،

كلنا لينا ذنوب كبيرة ونتوب منها وأحيانا نتعثر ونغلطوا ونعودوا ليها بس مثل ما احنا عدنا لهيك الذنوب نعود للتوبة والطريق الصح.

عموما أنصحك بهذا الدعاء:

اللهم إني أعوذ بك من الهرم وأعوذ بك من التردي وأعوذ بك من الغم والغرق والحرق والهرم وأعوذ بك أن يتخبطني الشيطان عند الموت وأعوذ بك من أن أموت في سبيلك مدبرا وأعوذ بك أن أموت لديغا

كان رسول الله صلى الله عليه وسلم يتعوذ من جهد البلاء ودرك الشقاء وسوء القضاء وشماتة الأعداء.

كان من دعاء رسول الله صلى الله عليه وسلم: اللهم إني أعوذ بك من زوال نعمتك وتحول عافيتك وفجاءة نقمتك وجميع سخطك.

اللهم إني أعوذ بك من الهم والحزن والعجز والكسل والجبن والبخل وضلع الدين وغلبة الرجال.

أخيرا أتمنى تجيبي على هذا السؤال:

ما هي الدولة التي تعيشين فيها؟ وإن لم تريدي الجواب فما هي لغتك الأجنبية؟ (انجليزية، فرنسية، ألمانية...)

0
Zozita_hermanos أضف ردا

ما بعرف اذا هي طبيعتك بس اسلوبك هجومي .. لو انا قدرت حل الامور بهالبساطة الي بتتكلم فيها ما كنت جيت هون و طلبت مساعدة..

عالعموم شكرًا على مساهمتك و انا رح اقرأ هالدعاء قبل ما نام ما يوم ..

و بالنسبة لسؤال: انا عايشة بالولايات المتحدة الأمريكية، ف لغتي هي الإنجليزية بس انا كمان بتحدث العربية بطلاقة ما في مشكلة.