نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي

انا كنت ولد صغير مقرود كأنى فار زي الجن المصور م الضحك والهزار اجرى فى غيطان بلدنا وأصاحب الشجر أعمل من حبه مدنة أطلع بيها القمر من غير ما أعرف ولا أدري حبيت بلدنا موت لو جعت كنت أجرى أزرع بلح وتوت كان يومها البحر قدي وكان سيفى خشب لكن بأقدر وأعدي وما أعرفش السبب غير إنى ولد صغير أصغر من الصغار لكن عفريت مصور ومحير الكبار

النهاردة فاتت عليا اطياف فاتت اطياف اليتامى والارامل والعواجيز فى الخيام والحوامل والاطفال فاتت بقلبها الشفاف اتمزعت صرخات فى الضلوع شابة مهمومة عينها مليانة دموع النهاردة فات عليا كل احلام الربيع كل ازهار البساتين والطفل الرضيع كل اشجار الجناين والفروع كلهم فاتوا يطوفوا ، يشوفوا يسألوا عن الجراءة يسألوا عن البراءة ويسألوا عن الاطياف اللى فاتت واللى جاية والاحلام الوردية النهاردة فات هلالى والتقانى من بعيد كان حزين وتعيس وخالى كان جى يبلغنى السلام من طيف اسير مليان وجيعة النهاردة

مرة فكرت في نشر مقال عن مآسي الإحتلال عن دفاع الحجر الأعزل عن مدفع أرباب النضال وعن الطفل الذي يحرق في الثورة كي يغرق في الثورة أشباه الرجال قلب المسؤول أوراقي و قال اجتنب أي عبارات تثير الإتفعال مثلا خفف مآسي لم لا تكتب ماسي أو مُواسي أو أماسي شكلها الحاضر إحراج لأصحاب الكراسي إحذف الأعزل فالأعزل تحريض على عزل السلاطين وتعريض بخط الإنعزال إحذف المدفع كي تدفع عنك الإعتقال نحن في مرحلة السلم وقد حرم في السلم القتال إحذف

انا غول وجيت اقلق منامك يا مصرى ياللى وطيت مقامك صبحت عيضة بعد احترامك وفاح حشيشك وباخ غرامك لولا سلامك غلب كلامك لأكلت لحمك قبل عضامك فضحت روحك فضيحة وحشة وبعت ناقتك وجبت جحشة ولك حكومة تغوى المجاحشة الحق فيها جريمة فاحشة لولا سلامها غلب كلامها لأكلت لحمها قبل عضامها اياك على الله يابن الفراعنة ما دمت شايف حالتنا لعنة تقوم تجاهد جهاد بمعنى يا ويل عذولنا إذا اجتمعنا لولا سلامه غلب كلامه لأكلنا لحمه قبل عضامه الغلب كله كان

حالو حلاليلا جاى فى الموكب راكب مركب شايل شيلة متغمس بالدم العربي متنصب للفُجر الغربي تسقيفة وتهليلة الدم السايل متساب مقفولة فى وشه الابواب ومجازر بالكيلة حالو حلاليلا تسقيفة وتهليلة

يا شمس الصبح الباهي نور الحرية طريقي يا شهيد الأرض الزاهي نور صلواتي وأناشيدي ومسير الحق يعود يا سلاحي يا فجر جديد يا مجاهد شفع ووتر ولهيب الأرض يزيد يتحقق بك المجد والحق مسيره يعود في اليوم الموعود وتتحرر بلادي

ناح النواح ودار من دارنا لأبعد دار بطل عنيد وشهيد نغزل زجل وأشعار سعد وهو سعيد هتاف صراخه يعيد جيفارا والمختار ربط على سلاحه الزند ويا الإيد حالف بإنه يعيد النصر يمحى العار تجرى العيال حواليه لأجل ما تفديه القلب متحنى والقبر مستنى يا سعد يا ادريس https://suar.me/rOMJ7

يا معداوى سد القناوى خلى البنات تبدر تقاوى يتمد زرعى وافرد شراعى يطرح وادينا غلة وغناوى سد القناوى يا معداوى

تخطف من قلبى طلة زى الشمس المطلة نتنشئ منه هلة ويسرى السلسبيل روح البلد بناسها تدبل يروح كنسها وإن نخ المصرى يوم واقف على الباب حارسها https://suar.me/eMYx4

على رجلي دم .. نظرت له ما احتملت على إيدي دم.. سألت ليه؟ لم وصلت؟ على كتفي دم.. و حتى على رأسي دم أنا كلي دم .. قتلت؟... ولا اتقتلت عجبي!!

غابة كلابها ديابة نازلين في الناس هـم واللي ينام في الغابة راح يتاكل هم واللي يدور وشه في غمضة عين يتهم واللي يغيب عن جحره لاجل القوت والمم يتخان من ورا ظهره أو يتاخد خم غابة بتاكل ميتة غابة بتشرب دم غابة كلابها ديابة نازلين في الناس هم غابة وناسها غلابة خيخة لا ناب ولا فم متكلين عالصدفة متاكلين بالهم واحنا يا ملح الغابة هم يحرك هم ضايعين وسط ديابة مش فاضيين نهتم فاهمين وبنتغابى مش راضيين نتلم

زى ما للمش دوده للوطن راخر جاروده نازلة تحرت فى الفلوس والحقيقة اليغمة حلوه ناس فى حظ وناس فى بلوه حسبنا الله فى الكابوس تعريضات شىء بالزكيبة ترشيحات شىء بالضريبة قصره – نواب والسلام اية كتابة واية قراية صهين – الاخلاص كفاية بس ممنوع الكلام طول ما عهد الود ماشى السودان ميهمناشى فليعيش (بطل) السودان مصر- رخره فدا عيونه لو يبيعها – الله يصونه واحنا نغرق للودان إشطبوا (أحيه) بتاعته واهتفوا (تحيا) براعته تحيا مصر بنص نيل (حزب وطني) ليه

كان لي بيتين وكان لي غيطين وكان لي سودان راح يا خسارة كرب جسيم و أونطة وسيم لطعوا الختم علي التقسيم والباشاوات رهن إشارة النيل ايه الفاتحة عليه خدوا جغبوب وحانزعل ليه تسقط رخره فى خرارة أوطان مين أصحوا يا نايمين يحيا زيور(1) وقولوا أمين اسم الله بقت له وزارة والدستور خلاه طرطور اما صحيح مخلص وكسور والاخلاص شغل دوبارة(2) والتنفيض من غير تعويض والأمة الخرسا حاتبيض والحالة شقارة و قاره والترشيح لهجة وتلقيح والقط استلم المفاتيح والامة صبحت فارة

اكره واكره واكره بس حب النيل وحب مصر اللى فيها مبدأ الدنيا دى مصر يا شهدى فى الجغرافيا ما لها مثيل وفى التاريخ عمرها ما كانت التانيه

اولها سكة تانيها زكة وتالتها فُرقة واخرها عركة سكة هنمشيها ومشوارها مش مضمون زكة لحد الولى العاشق المسجون فُرقة ومين يفارق الاحباب والعشرة عركة بين الاحباب اخرتها تهون يا مشوارنا العجيب يا سكة الشقيان ياما عاشق في حب الوطن حيران هون علينا الفٌرقة والغربة للأوطان نرجع نشاكس ويرجعلنا الوطن فرحان يا بحر يا غادر يا مفتري وقادر ازاي يهون عليك تبلع شباب واديك وتقتل المستقبل تدمع بعين الغدر وتبتسم في الفجر ازاي نأمن ليك ودمنا يعاديك وحلمنا يموت فيك يا

طريد ومستني الغارة جدع وواقف بجسارة لا يهمني كونك مبسوط لا يهمني ضربك بالسوط ازاي تعيش راسك مرفوع وازاى يزفك قطر الموت حاولت استني الجاني حفرت قبره بوجداني لقيت دموعي سبقانى ازاي تعيش راسك مرفوع منصور وهازم شبح الموت

هلى يا شمس البشاير طابت وآن الأوان طلي وحلي الستاير نور الأشاير يبان وارخي الضفاير مناير فوق الزمان والمكان مصر الشباب العزيزة قامت وكان اللي كان مصر اللي خاضت ليالي بحر الضلام الرهيب تسهر عليها المبالي تزعق ولا من طبيب عرف بلاها ودواها بعيون شبابها النجيب تسلم عيون الأطبا ويعيش حكيم الزمان قال الشباب المداوي شقشق يا نور الصباح تظهر أصول البلاوي تطهر عيون الجراح يخضر عود الأغاني يسري العبير فى البراح تسرح فى مصر الأماني زي النشيد والأدان مصر

جوا الزنانين ساكن قلبى بده يفط ، نفسه ينط ويهرب بى نفسه يلاقى الزحمة ويلعب ويغنى المواويل ويشط نفسه يحب على السور ويشب ويطلع بى نفسه يحس بملمس شمس يجرى فى شارع يفضل فارع ويخش العكس نفسه يطير عكس السير يركب بدال ويشد السير يملأ الدنيا غنا وصفافير يرجع صبى جوا الزنازين ساكن قلبى لسة بيحبى وهيهرب بى

يا أبناء صلاح الدين لتزفوا شهداء حطين لترفرف أعلام الثورة وتتمختر في سماء فلسطين رفي يا أعلام الحرية النصرة شديدة وقوية والهمة الوطنية عفية بالدم تنادي فلسطين يا أبناء صلاح الدين أرض وابتنبت أبطال شيبة ورجالة وأطفال عالظالم يا زمن دوار في الغربة قضينا سنين يا أبناء صلاح الدين ثورة ثورة يا فتيان بالأحجار رجم الشيطان يا أرضي غليان غليان ونرجع أمجاد حطين يا أبناء صلاح الدين هبي هبي يا عروبة ردي الارض المسلوبة نبنيها طوبة طوبة و أنضموا سنوا

الفجر طالل بالدموع والحسرة اتبعرت لمتنا وع الرصيف منكسرة صبح الفقيد عناقيد ومتنطورة وأزاي هتيجي يا بكرة تنزل دموعي وتسيل كماء المطر السلسبيل الطفل متمزع على الجدران انفاس الشهيدة والشهيد تعلى للسما تجلجل مين دا اللى مات وأستعجل مكانش فاضل في العمر مطرح؟! مش يمكن بكرة الزرعة تطرح تفرد وتطرح عود صلب شديد الغارة نورت عتمة ليلنا المخيف حرقت خيام الثكالي والايتام جايز بكائيات العشق لها مطرح ولا هنكتب شعر للتبكيت جايز نوحد صفوفنا وسيوفنا يمكن نفوت علي القبر بحروفنا

هبط الجنيه من قمّته و المليونير : ضج و لطم ولما تهبط ذمته الحزن ينساه و الألم و لما تسقط حرمته يظن روحه محترم عنده الجنيهات كل شيء و كل شيء غيرها عدم أما الفقير قام و استجار و من الهلع قلبه انخلع بايت يفكر .. ليل نهار ليرتفع سعر السلع و اللحمه اهيه و الخضار أسعرها حتسوق الدلع ياما الجنيه رخّص رجال و غَلىَّ أسعار الغنم قالوا الجنيه ده نرفعه ونعززه ، ونقدره وكل صنف نزرعه لبلاد أوروبا نصدره

انا صياد روحت اصطاد رميت الشبك نيلنا ارتبك لقيت براد من بغداد طلعلي جني عازف مغني بالاصفاد انا قلل لى حرفي تملي ناسج الطين يا بنى ادمين صنعة مليحة ايادي فصيحة عمرها ما تجلي انا شيال صاحب عيال حامد وراضي وجيبي فاضي من وقف الحال احنا المصريين احنا عزيق الطين احنا الاولاد .. احنا الاحفاد الشقيانين

عبد الحفيظ ذكرى الراوي ابو رؤؤف و البسطاوى شغال قصاد الصيدناوى فى فرع مكتب شهر عقارى اقرع و شناباته عريضة مؤمن ولا تفوتو فريضة إلهي ما يحطو فى ضيقة يشوفها بايع ولا شارى حضرله ورقة بخمسينة تيجى الاصول من الخزينة اسأل عليه ام سكينة أو يحيى مكاري متكلموش الضهرية علشان ميعاد الضبطية روحله تلاقيه العصرية عند نسيم جاري طبت نيابة المطرية عليه في يوم الصبحية لقوا الشيكات والمصوغات وفضيحته كانت سَهاري

قصدتهم في موعد العشاء تطالعوا لي برهة ، ولم يرد واحد منهم تحية المساء ! وعادت الأيدي تراوح الملاعق الصغيرة في طبق الحساء **** نظرت في الوعـاء : هتفت : [( ويحكم ..دمي هذا دمي .. فانتبهوا )] لم يأبهوا ! وظلّت الأيدي تراوح الملاعق الصغيرة وظلت الشفاة تلعق الدماء ! #أمل_دنقل