يا ليل بلادنا المدهون بالعطن وريحة الماضي ممزوجة بالعفن يا صبح يا مهزوم على جبين المظلوم امتى تقوم ببركان الغضب

طريد ومستني الغارة جدع وواقف بجسارة لا يهمني كونك مبسوط لا يهمني ضربك بالسوط ازاي تعيش راسك مرفوع وازاى يزفك قطر الموت حاولت استني الجاني حفرت قبره بوجداني لقيت دموعي سبقانى ازاي تعيش راسك مرفوع منصور وهازم شبح الموت

عبد الحفيظ ذكرى الراوي ابو رؤؤف و البسطاوى شغال قصاد الصيدناوى فى فرع مكتب شهر عقارى اقرع و شناباته عريضة مؤمن ولا تفوتو فريضة إلهي ما يحطو فى ضيقة يشوفها بايع ولا شارى حضرله ورقة بخمسينة تيجى الاصول من الخزينة اسأل عليه ام سكينة أو يحيى مكاري متكلموش الضهرية علشان ميعاد الضبطية روحله تلاقيه العصرية عند نسيم جاري طبت نيابة المطرية عليه في يوم الصبحية لقوا الشيكات والمصوغات وفضيحته كانت سَهاري

طول بالك يا ابو مِسِعد البندقية الراكدة هيجيها يوم وتعند وتشد الزند للعالي ويكر عدانا طوالي وتجيب النصر الغالي طول بالك يا ابو مِسِعد بكرة نلم العنقود السايب المفرود ونرجع المفقود طول بالك يا ابو مِسِعد عايزة طولة انفاس عرّق الانطاع دساس وما دام وياك الناس مد الخطاوى وافرد طول بالك يا ابو مِسِعد

ابن الوادي الأخضر نبات طارح هزيل دبلان يلعب وياك حزر فزر وانت المسكين خلصان عينى عليك يا ضناي محبوس فى الجنة او ممسوك الحكم كاويك يا مملوك والنيل مخنوق مستني تفوق وانت مسكين خايف مخنوق عينى عليك الحكم لصاحب الحكم والارض لصاحب الملك بكرة الميعاد نلم الولاد نلضم ونهتف فى البلاد نملا البراح بنور الصباح بكرة نناديك يا عرق الشقا يا عامل هتعمل يا فلاح هتزرع يا ورد الجناين هتطرح وتفرع ويصدح وادينا مين هيعادينا ساعة الحصاد ساعة الاغاني وضم

يا منادي الحي الدور الجي هاتلنا عصفور يكبر ويصول يعزف ويقول الدور الجى يا منادي الحي هات المفاتيح فلاحنا فصيح يعزق ..يعرق ولا زيه زي يا منادي الحي صوتك مخروع حسك ممنوع ألمك مسموع هاتلنا نبوت لاجل نغني للدور الجى يا منادي الحي القلب جسور والناي مكسور والسجن بسور ولا فيش ازهار يا منادي الحي هات العصفور حر ومفتول يحرت ف البور تسرح المي يكبر زرعي ويشع الضي يا منادي الحي الدور الجى

سير على دربك وعَلّى بكرة شمسك راح تخلى الدنيا نور شد عزم البندقية يابن فلسطين العفية فارس جسور هب هَبة دب دبة شب شبة الله اكبر يا نسور

تدور الأرض تلف تدور تعيش مهزوم تموت منصور تعيش منصور تموت مقهور تعيش مقهور تموت مسرور تدور الأرض تلف تدور عاصرت الريح الطوافة وضل النسمة الخطافة وساعة الليل الخوافة تدور الأرض تلف تدور تلف تدور عليك الدور تعيش مجبور تموت مذعور تعيش مذعور تموت مجبور تدور الأرض تلف تدور عاصرت الليلة البدرية وندي الأرض الزهرية والشمس المتغمية عليك الدور تلف تدور تلف تدور عليه الدور

سيادة العربجى بندق الشوربجى موَقف الشارع و ابن اخوه العُصبجى قال ايه حماته جليلة سرقوها مرسى و عديلة و زُهير بتاع البليلة و سمسم الطبلجى و دارت العركة ساعة نزل الخبر فى الاذاعة واتلمو شلبى و رفاعة و نُصير البوسطجى و جه الشيخ عطا الله و طل بس طلة لقى شوال الغلة عند فريد القهوجى و طب المخبر عكاشة قالوله فُرجت يا باشا احنا فى ساعة بشاشة و نهارنا بنفسجى

الموت له ابواب وله بحور وسحاب راح يسحبك فى سكوت متنتظرش الموت اتفتحت ابواب السماء بالاندهاش مين دا اللى مات ولسه مجاش مين اللى مستنى ومين موعاش ارمى حملك وفوت على كل البيوت هيحزنوا في سكوت وميرقعوش بالصوت راح يسحبك فى سكوت متنتظرش الموت متنتظرش الارض الخضرة والحلم السعيد الحقلك تذكرة واهرب غريق أو شهيد ايه اللى مستنيه أو لسه هاتجنيه مكنش اللطم راح تكون زغاريد راح يسحبك فى سكوت متنتظرش الموت أمام المدينة كل فليسوف محتار ومنتظرش الموعد المختار

القمر غاب الليلادى وانطفى الشبابيك اتسكرت والضجيج اختفى الشح ملا حواصل الفلاحين وقت الطحين والفقير محروم من النوم والدفا النهاردة الليلة غبرة ليلة النجم العفيف اللى كان مولود شريف واُغتصبوه بعد ما غاب الخريف النهاردة العيد عيدين الفقير ماسك رغيف على رصيف المقبرة النهاردة الشمس... بتغنى وتصدح حق ولادي هيرجع حق ولادي.. هيفرح لما تنطرني السما النهاردة القمر ضياه... اخف من الشموع الاغاني على وشوش الفقرا دموع العيال فى الحوارى والنجوع حيرانين النهاردة الليل مخيف والبدر غايب من العيون اتبعترت

يا طير وأنت صادح عالي سلم عل العيال والحارة يا حافظ وصايا الأرض يا جانح في عرض الفجر سلم عل العيال والحارة غطيهم في عز البرد لو زاد النواح استشهد وإن طال الأسى إتنهد وفى قبر الشهيد إتمدد سلم عل العيال والحارة شبك للي كان بيأدن في صلاة الضحى والفجر غنيلهم على القانون غنى في إكتمال البدر السجن بعرض وطول ونحيب العيال مغزول وصراخ البكاري الحور من طعن القريب بالغدر سلم عل العيال والحارة الليلة تجيب ليلتين والجنة بقيت بروحين

الدم مبدور على الشجر الدم يصرخ على الحجر الدم فى أرضك وأرضى يا عرب الدم عربى العيال ترضع وتنزف والطيور فى القبر تعزف لحن عربى الجبين المحنى عار فى شريعة المستجار وفى شريعة كل عربى انت عربى؟ الشجاع هاجر تركته البطل سيفه سلبته الشهيد انت دبحته انت عربى؟ يا حمام رفرف سمع كل الدنيا النايمة طوف على الكل نادى وعرف الحر ما تكل عزايمه اعزف على وتر الاجداد لحن صمود وإستشهاد وتاريخ محفور بالامجاد كاسر قيد الاستعباد ارسم على ارض

السلام عليكم وليكم ليكم عليكو سلام الدم طرطش عليكم ولا انين الرٌكام عصفور وفى المٌلك سارح سارح بيعبر بيوت وغيطان وفى عتمة الضلمة حارس للنسيم والزعفران مزقوا صاروخ أمريكانى لغوص الدم الحيطان عروسة لعبة وصٌحبة فى عتمة الليل الكئيب وفول سوداني وغٌربة هلال بجانب صليب الدم طرطش عليكم ولا دا صوت الحٌطام سلام عليكم وليكم ليكم عليكو سلام

اضربوا يا ولاد اضرب يا ابو زيد رجالة شٌداد و النصر اكيد لا يهمك ترك و امريكان ولا فرس ولا حتى الرومان اضرب وصلى على العدنان اضرب يا موحد الاديان اضرب يا عبيد اضرب صهيون نصرك مضمون تطرح غزة تين وزيتون اضرب اضرب النصر اكيد

يا زارعين الأمل بالكفاح المبين أهدى سلامي للمكافح الشقيان صباح مبتسم بالرضا وبالعرق وبالمشاكسة والصدام الدائمين الأرض دوارة ما بين ضحكة ودموع والفقير بجسارة ما بين الشقا والجوع والعجلة دوارة بمقاومة أو بخضوع ويتامى بين خًذلان وأنين دم الشهيد مطموس بالثروة والطغيان والشرف مغموس بين سجن أو سجان والفقير مدهوس في غيطان النسيان والطريق عايز الجرئ

حى على الجهاد حى يا عرب قوم شد الزناد دا النصر اقترب غزة بتنادينا ايدك فى ايدينا و القدس تناجينا قوم حى على الجهاد حى يا عرب احفظ عرض اخوك وارض امك و ابوك من صهيون صعلوك بايح دمهم قوم حى على الجهاد حى يا عرب وعد الله مٌحقق ركب النصر ساير شد الهمة و إلحق قوم حى على الجهاد حى يا عرب

مشيت وحدانى يوم مفزوع وتوهنى السكات والجوع وكان يومها الكلام ممنوع فى الارض البدرية مشيت وحدانى خالى الامل مشيت فى حر ما يٌحتمل مشيت ساكت بخنوع مٌكتمل فى الارض البدرية مشيت محنى الرأس مهزوم وكل الخلق دايرة تحوم وناس جوعى وعبيد مختوم وليل شاحب هواه مسموم فى الارض البدرية ومشيت وتنى ماشي وماشي خلايق متساقة غنم ومواشى مشيت فى عتمة مبتتنحاشي فى الارض البدرية خطوة تجر رجل فى رجل مازال القلب جوا السجن ولسه الامل مفقود ولسه السجن بباب مصفود

على الهامش واقف فى طابور مترين وسيادته قاعد مفرشخ عينيه رايحين جايين يقلب دا فى مية ودى فى ميتين وانا اللى كل ما أوصل أرجع مع الواقفين والحاجة صبحية من الصبح مستنية والبُكّ عمران.. شبعان من النقدية وجنابه مفرودة.. وممدودة نواحيا يا رب يا عالم بحالى وحال الكل مسيرى يوم اتعتق من دا الوجع والذل وأرتاح من السروح زى بتوع الفل

بلغ وشد على المرسال الارض تنبت إستبسال والصدر هيرضع الانجال عزة ومقاومة وبسالة بلغ وعلى الصوت واهتف الارض من حسك ترجف على سلاحك وإستنزف النصر شَّيم الرجالة بلغ وسمع كل الكون بكرة الكفن يحرق صهيون لابد شمس الحرية تطل تحرق كل جبان بلغ سلامى لمهاجرين بلغ سلامى للصامدين بلغ سلامى لفلسطين بلغ بإن أكيد راجعين

الاسم انا يارا السن انا لسة بضفارة الاهل انضربوا فى غارة والعالم مستنى إشارة يا خسارة يا ميت الف خسارة نفسى ألعب زى بنات الحارة وأروح مدرستى معايا كراستى وأبقى الاولى بكل شطارة لكن .... يا خسارة يا ميت ألف خسارة أنا نفسي فى ساعة ونظارة وفى فستان أحمر بفيونكة وعروسة لعبة وزمارة لكن .... يا خسارة يا ميت ألف خسارة

هل تعلم يا عزيزى القارئ إن الحرب فى باب اللوق أسروا نبيلة وفكرى وطارق من سكان شارع البرقوق تعرف إن الحرب فى غزة حرب فى طنطا والشرقية تعرف إن قنابل غزة بتموت طفلة مصرية فكرك يعنى هتعمل حاجة احلق دقنك زى العادة افشخ ضبك وبكل سذاجة اشرب بيبسى وقهوة زيادة فكرك يعنى هتعمل إيه اطلع على القهوة اللى فى بيتكو اتفرج على الاهلى وإدكو بكرة القذف هييجى حارتكو حنشوفك راح تعمل ايه

افتح باب الجنة يا رضوان فى شهيد من غزة طالع رهوان عيل متشعبط فى ديل امه و ابوه سابقه و سته و عمه و اهل الحتة قرايب وجيران افتح باب الجنة يا رضوان افتحوا علطول عيل مقتول ماسك فى ايديه سبحة وقران خليه مفتوح عيل مدبوح ماسك فى ايديه فرشة والوان افتح باب الجنة يا رضوان

يا أيها الذين خنعوا واستسلموا راكبين مراكب ورق جاثين أليست الوصاية بأن تخشوشنوا وسارعوا إلى نٌصرة المستضعفين هل هلال الكفاح واستبشرنا حق المقاومة مباح على الأرض سطرنا المجد للأحرار والعار لليائسين فلتحيا فلسطين لتحيا فلسطين مرفوعة الرأس والهامة التضحية ركن وفرض للعيش بكرامة يا محنى لا تدبحنى وأنضم للصامتين وليسقط كل مشين ليسقط كل مشين ويعيش كل مقاوم ويعيش كل شهيد وليسقط كل مساوم رح ضلى على أرضى ما اتركها ليوم الدين فليحيا الفدائيين المجد للصامدين فلتحيا فلسطين

يا ذاكرين للحق فى علاه يا راكعين للمولى تجلاه أنا المدافع وأنا الرصاص أنا المقاوم بلا انتكاس أنا المجاهد صامد على خط النار وعذرك واهى يا خالق الاعذار طريق النصر خطيته وبأستمرار بالامل والصبر والاخلاص مين المبتلى فينا ومين مظلوم مين المكافح ومين مهزوم بأيديا هكتب حرية والنصر المحتوم لا تهمنى الاديان ولا الاجناس أنا رسول الحرية محطم القيود أنا شهيد القضية ممزق الحدود نهتف بصوت عالى لنصرنا المعهود نهتف بكل عزيمة كل حماس طعم الحرية ما أحلاه