فيه ناس بتلعب كوره في الشارع وناس تمشـي تغني , تاخد صـوره في الشارع.. فيه ناس بتشتم بعض, بتضرب بعض.., تقتل بعض في الشارع !! فيه ناس تنام ع الارض في الشارع فيه ناس تبيع العرض في الشارع.. وفي الشارع..., اخطـاء كتـيره صبحت صحيـحه! لكــن صحيح حتكون فضيحـه, لو يوم نسـينا و بوسنا بعض في الشارع ؟!!

انا كنت ولد صغير مقرود كأنى فار زي الجن المصور م الضحك والهزار اجرى فى غيطان بلدنا وأصاحب الشجر أعمل من حبه مدنة أطلع بيها القمر من غير ما أعرف ولا أدري حبيت بلدنا موت لو جعت كنت أجرى أزرع بلح وتوت كان يومها البحر قدي وكان سيفى خشب لكن بأقدر وأعدي وما أعرفش السبب غير إنى ولد صغير أصغر من الصغار لكن عفريت مصور ومحير الكبار

النهاردة فاتت عليا اطياف فاتت اطياف اليتامى والارامل والعواجيز فى الخيام والحوامل والاطفال فاتت بقلبها الشفاف اتمزعت صرخات فى الضلوع شابة مهمومة عينها مليانة دموع النهاردة فات عليا كل احلام الربيع كل ازهار البساتين والطفل الرضيع كل اشجار الجناين والفروع كلهم فاتوا يطوفوا ، يشوفوا يسألوا عن الجراءة يسألوا عن البراءة ويسألوا عن الاطياف اللى فاتت واللى جاية والاحلام الوردية النهاردة فات هلالى والتقانى من بعيد كان حزين وتعيس وخالى كان جى يبلغنى السلام من طيف اسير مليان وجيعة النهاردة

عشش الضباب في قلب البلد لعقود الشارع اتملى بصوت الزحيف الدنيا تشتى وتعكر المولود الدموع كانت مغطية الرصيف   ليلة عتمة من ليالى الخريف ممزوجة النجوم بغيام عواصف الارض ساكنة والشوارع جيف المطر كالدمع لامع لكن مخيف   اكره ما عينى تشوف نومة الفقير فالطل وادي الحيطان بايشة وكاشفة الكل بأيدنا نصحي نملك الدنيا والمقادير بس الايدين مجروحة م الجنازير   وقف الامل خرسان على الابواب دقدق على قلوب البنات دبلان وقف الامل حسران ومتحطم ودمع عينو نازل حزين متقطم يروي

مرة فكرت في نشر مقال عن مآسي الإحتلال عن دفاع الحجر الأعزل عن مدفع أرباب النضال وعن الطفل الذي يحرق في الثورة كي يغرق في الثورة أشباه الرجال قلب المسؤول أوراقي و قال اجتنب أي عبارات تثير الإتفعال مثلا خفف مآسي لم لا تكتب ماسي أو مُواسي أو أماسي شكلها الحاضر إحراج لأصحاب الكراسي إحذف الأعزل فالأعزل تحريض على عزل السلاطين وتعريض بخط الإنعزال إحذف المدفع كي تدفع عنك الإعتقال نحن في مرحلة السلم وقد حرم في السلم القتال إحذف

انا غول وجيت اقلق منامك يا مصرى ياللى وطيت مقامك صبحت عيضة بعد احترامك وفاح حشيشك وباخ غرامك لولا سلامك غلب كلامك لأكلت لحمك قبل عضامك فضحت روحك فضيحة وحشة وبعت ناقتك وجبت جحشة ولك حكومة تغوى المجاحشة الحق فيها جريمة فاحشة لولا سلامها غلب كلامها لأكلت لحمها قبل عضامها اياك على الله يابن الفراعنة ما دمت شايف حالتنا لعنة تقوم تجاهد جهاد بمعنى يا ويل عذولنا إذا اجتمعنا لولا سلامه غلب كلامه لأكلنا لحمه قبل عضامه الغلب كله كان

حالو حلاليلا جاى فى الموكب راكب مركب شايل شيلة متغمس بالدم العربي متنصب للفُجر الغربي تسقيفة وتهليلة الدم السايل متساب مقفولة فى وشه الابواب ومجازر بالكيلة حالو حلاليلا تسقيفة وتهليلة

نوح راح لحاله و الطوفان استمر مركبنا تايهه لسه مش لاقيه بر آه م الطوفان وآهين يا بر الأمان إزاي تبان و الدنيا غرقانه شر عجبي

يا شمس الصبح الباهي نور الحرية طريقي يا شهيد الأرض الزاهي نور صلواتي وأناشيدي ومسير الحق يعود يا سلاحي يا فجر جديد يا مجاهد شفع ووتر ولهيب الأرض يزيد يتحقق بك المجد والحق مسيره يعود في اليوم الموعود وتتحرر بلادي

ناح النواح ودار من دارنا لأبعد دار بطل عنيد وشهيد نغزل زجل وأشعار سعد وهو سعيد هتاف صراخه يعيد جيفارا والمختار ربط على سلاحه الزند ويا الإيد حالف بإنه يعيد النصر يمحى العار تجرى العيال حواليه لأجل ما تفديه القلب متحنى والقبر مستنى يا سعد يا ادريس https://suar.me/rOMJ7

يا معداوى سد القناوى خلى البنات تبدر تقاوى يتمد زرعى وافرد شراعى يطرح وادينا غلة وغناوى سد القناوى يا معداوى

ولدي نصحتك لما صوتي اتنبح.. ما تخافش من جني ولا من شبح .. وان هب فيك عفريت قتيل اساله .. ما دافعش ليه عن نفسه يوم ما اندبح .. عجبي

بنغنى على الربابة وسط الضباع وديابة ودبيب الدب المسعور ام لسان ازرق وبنابة عرى الشجرة والصبارة كانت السما زرقا وبخيوط والبلبل زقزق مبسوط والتعلب عمال بيدور وسط الزرعة بديل مربوط وبينقش بانيابه اشارة ينعق وش الصبح غراب وينادى اصحوا يا اغراب والفيل بينقرش بحوافره وحدانى وملوش اصحاب ديله مشبك قط بفارة يمشى معانا الواد شرفنطح متئنزح مرة ومتنحنح ولسانه تملى بيئبح لكن قلبه بيحكى كلام وعيونه مليانة مكارة جوا الدنيا هو ملكها براها يعافر يشابكها تقدر هى مرة عليه مرة

أجراسُ العودةِ إنْ قُرِعَتْ .. أو لمْ تُقْرَعْ فلِمَ العجلةْ؟ لو جئنا نقرعها حالا .. كانتْ "دُمْ تكُ" كالطبلةْ فالعُرْبُ بأخطرِ مرحلةٍ .. وجميع حروفِهمُ عِلّةْ أغرتهم كثرتهمْ لكنْ .. وبرغمِ جموعِهُمُ قِلَّةْ وبوادي النّملِ إذا عَبَروا .. سَتموتُ مِنَ الضحكِ النّملةْ فسليمانُ العصرِ الحالي .. مشغولٌ في مَلءِ السلّةْ وحديثٌ عن حربٍ كُبرى .. أو صفقةِ قرنٍ مُخْتَلّةْ مِسْمارُ الحائِطِ ملكُ جُحا .. سِمسارُ الحيِّ .. وفي غفلةْ سينادي"أونَ ألا دُوِّيهْ" .. بازارُ الأرضِ المُحْتَلَّةْ ويعودُ لِيُكمِلَ سهرتهُ ..

قد آن يا كيخوت للقلب الجريح أن يستريح ، فاحفر هنا قبراً ونم وانقش على الصخر الأصم : " يا نابشا قبرى حنانك ، ها هنا قلبٌ ينام ، لا فرق من عامٍ ينامُ وألف عام ، هذى العظام حصاد أيامى فرفقاً بالعظام . أنا لست أُحسب بين فرسان الزمان إن عد فرسان الزمان لكن قلبى كان دوماً قلب فارس كره المنافق والجبان مقدار ما عشق الحقيقة . قولوا " لدولسين " الجميلة .. " أَخْطَابَ " .. قريتى الحبيبة

على رجلي دم .. نظرت له ما احتملت على إيدي دم.. سألت ليه؟ لم وصلت؟ على كتفي دم.. و حتى على رأسي دم أنا كلي دم .. قتلت؟... ولا اتقتلت عجبي!!

غابة كلابها ديابة نازلين في الناس هـم واللي ينام في الغابة راح يتاكل هم واللي يدور وشه في غمضة عين يتهم واللي يغيب عن جحره لاجل القوت والمم يتخان من ورا ظهره أو يتاخد خم غابة بتاكل ميتة غابة بتشرب دم غابة كلابها ديابة نازلين في الناس هم غابة وناسها غلابة خيخة لا ناب ولا فم متكلين عالصدفة متاكلين بالهم واحنا يا ملح الغابة هم يحرك هم ضايعين وسط ديابة مش فاضيين نهتم فاهمين وبنتغابى مش راضيين نتلم

زى ما للمش دوده للوطن راخر جاروده نازلة تحرت فى الفلوس والحقيقة اليغمة حلوه ناس فى حظ وناس فى بلوه حسبنا الله فى الكابوس تعريضات شىء بالزكيبة ترشيحات شىء بالضريبة قصره – نواب والسلام اية كتابة واية قراية صهين – الاخلاص كفاية بس ممنوع الكلام طول ما عهد الود ماشى السودان ميهمناشى فليعيش (بطل) السودان مصر- رخره فدا عيونه لو يبيعها – الله يصونه واحنا نغرق للودان إشطبوا (أحيه) بتاعته واهتفوا (تحيا) براعته تحيا مصر بنص نيل (حزب وطني) ليه

كان لي بيتين وكان لي غيطين وكان لي سودان راح يا خسارة كرب جسيم و أونطة وسيم لطعوا الختم علي التقسيم والباشاوات رهن إشارة النيل ايه الفاتحة عليه خدوا جغبوب وحانزعل ليه تسقط رخره فى خرارة أوطان مين أصحوا يا نايمين يحيا زيور(1) وقولوا أمين اسم الله بقت له وزارة والدستور خلاه طرطور اما صحيح مخلص وكسور والاخلاص شغل دوبارة(2) والتنفيض من غير تعويض والأمة الخرسا حاتبيض والحالة شقارة و قاره والترشيح لهجة وتلقيح والقط استلم المفاتيح والامة صبحت فارة

اكره واكره واكره بس حب النيل وحب مصر اللى فيها مبدأ الدنيا دى مصر يا شهدى فى الجغرافيا ما لها مثيل وفى التاريخ عمرها ما كانت التانيه

اولها سكة تانيها زكة وتالتها فُرقة واخرها عركة سكة هنمشيها ومشوارها مش مضمون زكة لحد الولى العاشق المسجون فُرقة ومين يفارق الاحباب والعشرة عركة بين الاحباب اخرتها تهون يا مشوارنا العجيب يا سكة الشقيان ياما عاشق في حب الوطن حيران هون علينا الفٌرقة والغربة للأوطان نرجع نشاكس ويرجعلنا الوطن فرحان يا بحر يا غادر يا مفتري وقادر ازاي يهون عليك تبلع شباب واديك وتقتل المستقبل تدمع بعين الغدر وتبتسم في الفجر ازاي نأمن ليك ودمنا يعاديك وحلمنا يموت فيك يا

طريد ومستني الغارة جدع وواقف بجسارة لا يهمني كونك مبسوط لا يهمني ضربك بالسوط ازاي تعيش راسك مرفوع وازاى يزفك قطر الموت حاولت استني الجاني حفرت قبره بوجداني لقيت دموعي سبقانى ازاي تعيش راسك مرفوع منصور وهازم شبح الموت

وقفه يابن عم.. واحنا كم وكم، واللي بيجري بيننا، مَيّه، والا دم، واه يانهر أردن ريحك شايله هم وقفة جدعنه.. وقفة فلاحين، على راس القنا، على قلب اللعين. وقفة جبارين، بدّارين تقاوي، وقفة كدّاحين، حمّالين أساوي، نشّايين نشاوي، بنّايين علاوي، حفّارين مراوي، في الصخر الضنين. وقفة سهارين، تنقال الحكاوي، عنهم، والغَناوي، أدهم الشرقاوي، وبهيّه وياسين. وقفة مؤمنين، عارفين ربنا، صابرين من سنين، ليوم المنى، وآخرة المتم، وقفه يابن عم.. وقفة عيد لنا. والشاطر يخاطر، ويقرب هنا

أنا كنت شئ و صبحت شئ ثم شئ شوف ربنا .. قادرعلي كل شئ هز الشجر شواشيه ووشوشني قال : لابد ما يموت شئ عشان يحيا شئ عجبي

يارب ساعة إجابة ترحمنا من دى الكابوس وتزيح قوام السحابة وتفك كرب النفوس يكفانا أزمة وهبابة وعذاب وقلة فلوس حال المصاروة الغلابة يصعب يا ناس عالمجوس