زى ما للمش دوده
للوطن راخر جاروده
نازلة تحرت فى الفلوس
والحقيقة اليغمة حلوه
ناس فى حظ وناس فى بلوه
حسبنا الله فى الكابوس
تعريضات شىء بالزكيبة
ترشيحات شىء بالضريبة
قصره – نواب والسلام
اية كتابة واية قراية
صهين – الاخلاص كفاية
بس ممنوع الكلام
طول ما عهد الود ماشى
السودان ميهمناشى
فليعيش (بطل) السودان
مصر- رخره فدا عيونه
لو يبيعها – الله يصونه
واحنا نغرق للودان
إشطبوا (أحيه) بتاعته
واهتفوا (تحيا) براعته
تحيا مصر بنص نيل
(حزب وطني) ليه يحافظ
عالسودان ويقول (سى حافظ)
إن بيعه مستحيل؟
غش يا رمضان(1) فى عرضك
مش ضرورى تؤدى فرضك
الفروض صبحت عيوب
خش من باب المزايدة
اللسان دا مافيهشى فايدة
دى اللغة لغة الجيوب
بديع خيرى
1. محمد حافظ رمضان رئيس الحزب الوطنى آنذاك
