انا غول وجيت اقلق منامك
يا مصرى ياللى وطيت مقامك
صبحت عيضة بعد احترامك
وفاح حشيشك وباخ غرامك
لولا سلامك غلب كلامك
لأكلت لحمك قبل عضامك
فضحت روحك فضيحة وحشة
وبعت ناقتك وجبت جحشة
ولك حكومة تغوى المجاحشة
الحق فيها جريمة فاحشة
لولا سلامها غلب كلامها
لأكلت لحمها قبل عضامها
اياك على الله يابن الفراعنة
ما دمت شايف حالتنا لعنة
تقوم تجاهد جهاد بمعنى
يا ويل عذولنا إذا اجتمعنا
لولا سلامه غلب كلامه
لأكلنا لحمه قبل عضامه
الغلب كله كان إيه اساسه
غير الخلاف دا اللى دقنا كاسه
ياهل البلد دى يكفى تقاسوا
واتحدوا واحيوا الوطن بناسه
لولا سلامكو غلب كلامكو
لأكلت لحمكو قبل عضامكو
يرجى الدخول لحسابك أو تسجيل حساب لتستطيع إضافة تعليق
حساب جديد
دخول