ولدي نصحتك لما صوتي اتنبح..
ما تخافش من جني ولا من شبح ..
وان هب فيك عفريت قتيل اساله ..
ما دافعش ليه عن نفسه يوم ما اندبح ..
عجبي
عجبي - صلاح جاهين
صلاح جاهين أشعر أنه كان يلعب بالكلمات وكأنه مبتكرهها، أذكر أنني حاولت مرة في مسابقة الجامعة تقليد نهجه فلاحظ المحكم ذلك ونهرني لمحاولتي لمحاكة نهجه في الرباعيات بقولي:
عارف أن الأمر أمرك
بس غصب يارب عني
داب فقلبي يارب خوف
خوف ما يعرف يوم تأني
عالميزان الأرض شالني
وأما جاع شمر وكلني
والغريبة إني سألته
بس غض لسانه عني
هو خوف علشان مخيف
ولا خوف علشان مخافش
ولا خوف علشان خفيف
محستوش لما دخلني!
القصيدة جميلة جدا يا اسلام
والحقيقة انا لا اتفق مع الحكام
احنا بنتعلم من الاساتذة الاوائل جميعا
وقتها حتى لم يسمح لي بإكمال الإلقاء وطلب أن ألقي قصيدة أخرى رأى أنها إهانة لرموز الشعر ولليوم لا أعرف لماذا
من بعدها تقريباً امتنعت عن مسابقات الجامعة لأن بسبب رد فعله اضطريت أقول قصيدة مكنتش مجهزها ودا خلاني في المركز التالت على الجامعة رغم أني السنة السابقة كنت مركز أول شباب الجامعات في شعر الفصحى مش العامية كمان
التعليقات