اسم #وحكايه
الاسامي
تخيلوا مع كل اسم قصة.
وإن الأسامي مش بس اتعملت عشان صاحبها يبقاله هوية أو يتعرف من خلالها.
مع كل اسم ذكرى وحكاية هتفضل فاكرها وعمرك ما هتنساها. دا اللي هتتخيلوه...
بس متخافش، كل دا مؤقت لحد ما يدخل اسم بحماية وقصة مختلفة.
عارف؟ أرشيفك في دماغك هيبقي عبارة عن أسامي، ولكل اسم قصة.
وبسببه في مكان بتسمع نفس الاسم.
أرشيفك يتفتح جوه عقلك:
في اللي هتبتسم أوي وتقول: "يااااااا، الشخص دا وحشني أوي".
وفي اللي هيحسسك بنسمة العصاري اللي كلها أمان وراحة بال، وكأنه دا كان وقتك المفضل طول اليوم.
بس في كمان اللي مجرد ما تسمع اسمه، تحس أن حاجة جواك اتكسرت ألف حتة.
وفي اسم هيفكرك بـ الخُذلان.
وفي اسم هيفكرك إنك كنت عبيط أوي.
وفي اسم هيخليك حاسس إنك منتصر.
في اسم هيزعلك على حالك.
كل اسم من دول بقصة. عمره ما هيتحمي من أرشيفك إلا لما يدخل اسم بقصة وحكاية جديدة.
وقتها هو مش بيتمسح... هو بس انحط في المهملات، بس بيرجع يعمل أبديت تاني ويتجدد ويظهر ع السطح بس بشكل تاني.
اسمه: دي نفس القصة بس باسم مختلف.
وإنت اسم مين اللي كل ما تسمعه يتفتح أرشيفك ويسرد حكايته ؟؟؟