مع قرب اختبار القدرات، طبيعي تحس بالتوتر، بس لا تخليه يربكك! كل اللي تحتاجه إنك تجهز صح وتدخل بثقة. هنا جمعت لك أهم الطرق اللي تخليك تذاكر براحة وتكون مستعد يوم الاختبار 

ذاكر بذكاء، مو بس بعدد ساعات المذاكرة 🎯

المذاكرة العشوائية هي أكبر سبب للقلق. لا تذاكر كل شيء دفعة وحدة، وزّع وقتك وخذها حبة حبة. جرب تقنية البومودورو: 25 دقيقة تركيز، 5 دقائق راحة، بتلاحظ فرق كبير في إنتاجيتك 

لا تفوت أسئلة التجميعات

التجميعات هي المفتاح، لأنها تعطيك فكرة واضحة عن نمط الأسئلة. كل يوم حل كم سؤال، وإذا أخطيت، لا تشيل هم، الأهم إنك تتعلم من الخطأ عشان ما تكرره في الاختبار، طبعا اذا تحتاج اسئلة تجميعات ما الك غير منصة تفوق

نومك أهم من أي شيء 😴

لا تخلي المذاكرة تسحبك للسهر، جسمك وعقلك يحتاجون راحة. نام 7-8 ساعات عشان تصحى نشيط وتكون بكامل تركيزك يوم الاختبار 

لا تقارن نفسك بأحد

دكل واحد له طريقة تناسبه، لا تضغط على نفسك وتشوف غيرك كيف يذاكر. ركّز على نفسك وخلك واثق إن مجهودك بيجيب نتيجة 

خذ نفس، واهدأ 😌

إذا حسيت بالتوتر، وقف لحظة وخذ نفس عميق، احبسه لثواني، بعدين طلّعه ببطء. كررها كم مرة وبتحس براحة غريبة، هذي حركة بسيطة لكنها تفرق كثير 

اكل زين واشرب موية 💧

لا تعتمد على القهوة والمنبهات بس، جسمك يحتاج أكل صحي يعطيك طاقة وتركيز. لا تنسى تشرب موية كثير، الجفاف يأثر على تركيزك بدون ما تحس 

خل عندك ثقة، وادخل بقوة 💪

لا تخلي القلق يهزك، انت اجتهدت واستعديت، وهذا أهم شيء. لما تدخل القاعة، قول لنفسك: “أنا جاهز، وبإذن الله بجيب أعلى درجة 

🎯 الخلاصة

التوتر طبيعي، بس انت قدها. ذاكر بذكاء، نام كويس، تدرب على الأسئلة، وخذ الأمور بهدوء. أهم شيء ثق بنفسك وادخل الاختبار وأنت مطمئن. شد حيلك، واستعن بالله، وربي يوفقك 🚀