انا ممكن اختصر لك الفرق فى نقطة واحده فقط هى ان مجتمع الوردبرس اكبر بكتير من مجتمع البلوجر ، بمعنى ان اى شيئ ليه علاقة بتحسين جود المحتوى او التهئية لمحركات البحث او ثيمات سواء عربية او انجليزية هتكون متوفرة بوفرة على الوردبرس البلوجر قيمته الوحيده انه لو حابب تاخدى خبرة مجانيه
انا كمستقل بشوف ان التعامل بحترافية يلزم ان اراعى مصالح صاحب الشغل زى ما انا اراعى مصالحى انا كمان علشان احنا الاتنين نخرج كسبانين من الشغلانه . لذلك فى حالة زى اللى انت بتتكلم عنها لازم المواجهه الحاسمه وتكون قرارك واضح فيه معاه اى كان القرار ده . الوضوح والحسم بيوفروا وقت كتير ليك وليه !!!
فتح الله عليك فعلا هو ده بالظبط اللى بيخلينى ارفض اى تفاوض على الوقت لان جودة الشغل هو اللى هيتحكم بيها عليا فى كل الاحوال سواء من العميل المستعجل او غيره
اهتمامك بمعرض اعمالك وتطويره بساعدك جدا فى التفاوض تانى حاجة هو طريقة بناء عرضك وازاى تجاوب فيها على السؤال الاهم ليه انا اهم حاجة لازم توضحله انت هتنفذ مشروعه ازاى لازم تفهم منه اهدافه وتوقعاته للمشروع اللى هيشغلك فيه
من تجاربى كمستقل العميل اللى يحس انى متساهل فى السعر بيحس انى مش شاطر وممكن يدينى شغل وحش او ممكن يكون ده تشجع لصاحب المشروع انه يضغط اكتر علشان ياخد شغل اكتر ببلاش ومش من ضمن الاتفاق