Abdalrahman_Mohamed

وسائل التواصل الاجتماعي بطبيعه الحال هو مكان لمشاركه الاراء والتجارب، كل شخص ممكن يكون بيعرض فكرته الي مش بالضروره تكون عامة ومفيده لكل الناس، لكن هي نصيحته الشخصية الي من حقه يقول انصحك تجرب كذا وكذا عشان يكسب متابعين السوشيال ميديا بتعرض المحتوى الي يخلي الشخص يفضل مواصل على برنامج التواصل فانا مش معترض على ان كل واحد يقول التجربه الي عنده على شكل نصايح حتى لو كانت انصاص اراء لو هو معندوش غيرها، انما المشكله فالمتلقي الي بيستسهل وبياخد

رحت شفت فيديوهاته بنفسي عشان اسمع واحكم بنفسي.... مش بحكم بالشكل لكن اول ما شفته فبودكاست طويل عامله كان وهو لابس اسوره ف ايده وده حاجة لوحدها تشكك، يعني بناخد اول حاجة عندنا فالكلية ان مظهر الدكتور مهم وهو طالع لابس اسوره وفاتح اول 3 ازرار فالقميص وعامل شبه البلطجية بتوع اول الشارع، وارجع أأكد تاني ان انا مش بحكم من الشكل لكنها صوره اوليه اول حاجة مفيش دكتور بيتكلم بثقه بالشكل ده، كل حاجة فالطب بتعتمد على تجربه المريض

انا سمعت كلام عن الشخص ده بس مبحثتش عنه، لان كل الكلام الي انا سمعته كان كافي بالنسبالي ان هو يعرفني ان الكلام كله مش منطقي مش هو الدكتور الوحيد فالدنيا، لو الشركات عايزه المريض ياخد ادويه عشان تكسب فلوس فانت عندك دكتور عارف المرض وعارف تأثير الدوا على الجسم، وعندك صيدلي عارف تركيب الدوا وتأثيرها ومجربهم كلهم فالمعامل وقت الدراسه كل دول غفلوا عن المعلومات الي ضياء العوضي بيقولها!!! كلهم اجمعوا على حاجات غلط، كل الدكاتره متعلمين، نفس العلم

جلوسي فاماكن مختلفه كان معتمد على فكره ان انا بركز فالمحاضره ايا كان المحيط وعشان اتعامل واشوف الفئات المختلفه من الطلاب، لكن مع التشتت الي انا بحس بيه من فتره للتانية كان صعب عليا ان انا اركز او اعطي طاقه ان انا احاول مع الناس فمكنتش بتحسن ولا بحاول مع الناس!! اظن فعلا المفروض كنت اخد بالي من الحال الي انا فيها قبل ما اقرر ايه الي انا هعمله وهل اقدر اعمله ولا مش هقدر الفتره ده لايا كان السبب

حنان على الاخرين ده جايبها من فكره ان انا كنت زعلان على حال المجتمع وبحاول اصلح الي اقدر عليه لكن زي ما انت فكرتني صحيح (ومن جاهد فإنما يجاهد لنفسه) ان شاء الله احاول تاني بإخلاص اكتر

شكرا على مشاكة تجربتك الشخصية انا فعلا تذكرت ايام انا مش بكون فاهم فيها بشكل كويس (على حد ظني) بس لما احاول اشرح لشخص بيكون شرحي كويس وهو بيفهم فعلا، بس مشكلتي بتكون فالنقاشات بس عامة انا فاهم بس مش بستوعب فوقتها مش اكتر، وهحاول تاني بإذن الله

امم، بالنسبه للخبرات انا عديت بمواقف مختلفه عن الي الشخص الي قدامي عدا بيها يعني لو هو مش هيبقا عنده نفس كم الخبرات الي عند شخص كبير، لكن هيبقا عنده خبرات مختلفه بسبب اختلاف المواقف

انا اكتر كلام منطقي قرأته واغناني حرفيا عن اي كلام تاني عن موضوع المال ده كانت فروايه "خوف" وكان بيقول احد الشخصيات فيها: " المال لا يشتري السعادة، لكنه يمنع الشقاء" حد الشقاء هو الحد الي انت بتتكلمي عليه من الفواتير او الضرائب والايجار وغيره من اساسيات الحياة فقط، انما الي يزيد عن ده ممكن يكون نعمه او نقمه على نفسية الشخص ورضاه ونظرته للعالم واهدافه وغيره كتير

اقرأ روايات بكل بساطه !!

المشاكل النفسية بين الماضي والحاضر: المشاكل النفسية بالشكل دا اصلا مشكله حديثه بسبب الافكار الكتير والمتضاربه الي بتخلي الشخص قدام خيارات كتير واراء كتير وطرق تفكير كتير جدا فيكون الانسان تايه مش عارف هو بيعمل ايه ولا بيعمله ليه بسبب المعطيات الكتير الي بتتقدم ليه الماضي كان الثقافه مصدرها واحد، الاهل والبيئة، العلم والعادات سواء ايجابية او سلبية، بيتم تقبلها، عشان مفيش غيرها، ونادرا ما هتلاقي ان حد كان بيحاول يغير حاجة الكل بيعملها من حوله بدون استثناء، منين يعرف

 انه حصل علي دكتوراه في اللغه العربية في كلمة "حتي" فلم؟ كان استاذ اللغه العربية بيقول ان واحد قريبه كان عامل بحث عن كلمه "حتى" بس مش متذكر ان هو جاب سيره الدكتوراه

انا مكان ما بشوف كلمه "تطور" ده مش بستريحلها، انا مش عارف مدى صحتها او خطأها كفكره عامة، لكن المهم خدي بالك من الطريق او الاشخاص الي بيتعمدوا كتير على الكلمه ده بالنسبه للحيوان: لو نزلنا تحت اكتر لمستوى الحشرات، فالحاجة الي تخلي النمل يجمع غذاء للشتا ويمنع نفسه من اكلها فالصيف ممكن يخلي الكلب يعمل كدا عادي، وكذا مع كل الحيوانات الي بتخزن اكلها عشان فتره الشتا ومش بتاكلها فالصيف يعني عموما الكلب ليه دماغ بيفكر بيه عادي، الكلب

لو الموضوع متفق عليه فالخطوبه يبقا النقاش ينتهي ب "انت قلت كذا فالخطوبه" وانتهى على الرغم من اني معترض على استخدام الاساليب الحادة الي زي ده بين الزوجين بالنسبه للتهديد فاظن لو لجأت للقانون هتعرف تطلع بيه تهديد اقوى يخليه يخاف لو هي تعرف محامي كويس فعيلتها، على الرغم من ان برده استخدام القوه بالشكل ده متبنيش اسره وبيت ولا هدوء واستقرار فالبيت خليها تكلمه على الاقل على الطفل الاول، مش هو المهم الي موجود دلوقتي، لو خلفنا دلوقتي هكون

حسيت الكلام مضحك بشكل محزن

فعلا دا من اكتر الحاجات الي بتكون رهيبه وبتخلي الشخص متحمس عامة للعلم اكتر مع احساسي انه مع التعلم بشكل سليم مش همل من التعلم!

التفاصيل الصغيره العشوائية ده بتيجي من دماغي انا بشكل عشوائي زي المثل بتاع التقويم ده لكن التفاصيل المهمه هي الي انت بترسمها للهدف بتاعك، كلها تفاصيل الهدف بتاعك واي نقطه او تحسن فاي حاجة منها او عاده هيكون خطوه للهدف ومش هتحس بالنتيجه غير بعد فتره بعد ما كل خطوه صغيره تكون انبتت شجره النتائج

هو كدا تماما

أنه يتعامل مع أشياء عامة جدًا هي ده ملخصه فكره العادات الصغيره كلها فعلا، لكن المشكله الوحيده انه مع الانشغال بنسى اهمية الفكره واتوه بعدها فتره لحد ما يكون في شيء يرجعني لنفس الفكره تاني، انا بسجل يومياتي وبلاحظ دا جدا جدا فتكرار الافكار الي انا بشوفها مبهره وبتتكر على ذهني من فتره للتانية وكل مره بنبهر بيها اكنها جديد

الوقت غير مناسبًا الآن الفكره ده وشبهها كانوا من اكتر الحاجات الي بتيجي فدماغي واظن انها شائعه، بس انا مش عارف الي بيفكر كدا -ومنهم انا- بيفكر كدا عشان هو فعلا مقتنع ان الوقت مش مناسب ولا عشان هو مكسل يعمل مجهود فدماغه بتبرر الكسل وخلاص ولا هي ملهاش مقياس اصلا وبتختلف من شخص للتاني

الأهم هو أن يكون الهدف واضح ومقنع جدا لصاحبه، الناس والأصدقاء ليسوا حكما هنا الهدف مش واضح للاطراف عشان يقتنعوا، بس عشان الي بيحترم وقتك واهتمامك يكون عارف ان انت عندك حاجة تتعمل والي مش بيحترم اهتماماتك يعرف ان انت فيه حاجة هتعملها مش هيكون بنفس جرأه الاعتراض من لما تروح تعمل حاجة ومحدش عارف انت بتعمل ايه، فكل واحد يكون عايز او عايز يطلب منك حاجة او غيره شكرا على النصائح، عامة انا بقرا حاليا كتاب "العادات الذرية" وفالكتاب

اسوا حاجة ممكن يعتمد عليها الانسان فحياته هي فكره "قوه الاراده" بتخليه يحس لما تحصل مشاكل ان المشكله فيه هو نفسه، وفنفس الوقت مش بينتبه للاسباب الي بتخليه يعمل الفعل ده عشان يتجنبها بحجه ان هيخلي عنده "قوة اراده" !! لازم يكون فيه قائمة بالحاجات الي ممكن تخلي فعل معين يفشل عشان تعرف تعالج السبب لما تظهر مشكله هل تعتقدون أن هذه العادات سهلة التطبيق في ظل ضغوط المدرسة، الأصدقاء، ووسائل التواصل الاجتماعي؟ هي مش سهله التطبيق فالوضع العادي عشان

بخاف عند التفكير فالجمله بشكل مبالغ فيه واعاده صياغتها ان الكلام يظهر ان هو متكلف مش طبيعي او مش اسلوبي الشخصي

اكيد الافكار اهم، على الاقل بالنسبالي، ودا السبب الي انا جاي عشانه اصلا، لكن لما لقيت ان اغلب الكلام الي هنا فيه لغه عربية فصحى وان دا افضل فالكتابه فقلت ان انا مش حابب يكون مستوايا اقل من الي موجودين، حتى لو مش حاجة اساسية بس اظن انها بتتلاحظ، مش كدا برده ولا انا مكبر الموضوع؟

انا بقرا بين الكتب الي بالعربي وبين كلام السوشيال ميديا الي بالعامية بس مش بلاحظ تغيير كبير بين طريقه الكلام او مش بلاحظ الفارق اصلا غير لما اقارن بشكل واعي!

دليل الادانه هيحط الطرف التاني فخانة المتهم، هيبرر، هيحاول يهرب بقدر المستطاع اكتر من الاعتراف او محاوله التغيير الدليل لو اتواجه بيه بشكل مباشر هيخليه يحس ان هو مجرم، هيخلي العلاقه بعد كدا تكون متوتره اكتر ولو افترضت ان المشكله اتحلت فعمره ما هينسى موقف زي ده وهيعمل مسافه كبيره فالعلاقة بينهم انا شايف ان عند بدء كلام زي دا الطرف الاول يوضح للطرف التاني ان هو بيحبه -حتى لو مكنش كدا حاليا!- وان هو بيتقبله بعيوبه وان هم عايزين