مرحبا
رح احكي عن شغلة كتير مزعجة بشخصيتي. دائما بحاول اخلي لشخص يلي حدي يرتاح بس ما بيطلع ب ايدي ، وعندي شغلة قلة الكلام كتير بشعة، مثلا رفيقتي زعلانة كتير من شغلة صايرة معها انا ما بعرف اواسيها مهما حكيت وحاولت ف بختار الصمت بس هو كمان ما بيفيد، مثلا طلعنا انا ورفيقتي لبرا ف ما بعرف افتح حديث او الاقي شي نحكي فيه ، عطول انا لطرف الساكت وهاد الشي خلاني جدية حتى مع رفقاتي المقربات و هل شغلة كتير بشعة لانو اذا ما حدا حكا انا ما بحكي ، عطول انا لطرف يلي ما بيحكي لانو ما عندي شي احكيه ، مافي ولا شي بيخطر عبالي وهي الشغلة صرلي بعاني منها شي سنتين لانو قبل كنت انسان ما يسكت وطول الوقت احكي ومشهورة بهل شغلة ويحاولو دائما يسكتوني لاني بحكي كتير بس هلا صرت عالعكس تماما ، ف شو بتنصحوني ساوي لاغير هالشي :(
التعليقات