قبل ١٢ سنة صارت اشاعات لحدث غريب بالأردن و هو اشي عجيب غريب اسمه الباص السريع

و الناس اللي انبسط و اللي خاف انه اشي جاي من آخر الزمان و اشي حكى الله اعلم نعيش لنشوفه أو لأ و اللي صار يتخيل عمان رح تصير إشي فخم (مع إني أشك بيوم نصير إشي فخم)،، المهم!!!!!!!!

صارت الشوارع تسكر وتفتح واشي تحويلات واشي مباني و إشي اعلانات

ك شعب أعطينا الحكومة والقائمين ع المشروع سبع سنين بعدين احتلينا مسارات الباص السريع عشان خلص (قبعّت) من اليوم فش باص سريع احنا الباص السريع 💪👏

يللا يا ولاد البسوا و جهزوا دلة قهوة وشاي و عالممشى نروح ننبسط

طبعاً خلال هال١٢ سنه سكتونا بأشي اسمه الباص المكوكي

اه طبعاً مهو إحنا مشاريع الحكومة عنا هيك مبدأها (زت اسم مشروع و ابدا في اللي بعده) ما في وقت الدنيا بتمشي و بنمشي معها

المهم جابولنا باص طابقين و حكولنا يللا لفوا عمان و شوفوا شوارعها بربع دينار و هاي البلتاجي بمناصبه كلها اللي شغلها رح يطلع فيه

كانت حركة لطيفه بس برضه بنرجع لنفس النقطه (مع إني أشك بيوم نصير إشي فخم)

و بعد ١٠ سنين الناس صارت تنضغط من كلمة الباص السريع و ما صدقت انه ممكن هالمشروع يكون حقيقي

و هوووب بين يوم وليلة بنصحى الصبح بنلاقي اشي غريب بمشي بمسار الباص السريع

طبعاً احنا صاحيين مش فاهمين القصة فكيف نترك إشي مش معروف يمشي بمسار الباص السريع احنا نستغل مسار الباص السريع لأشي غير الباص السريع معلش غيرنا لأ 🙂

و زاحمنا و الله و خنقنا أنفاسه و الشاطر اللي بزنقه أكثر،، و المسا بنكتشف انه هالاشي اللي حاربناه هو نفس الاشي اللي من سنين بنستناه 😢😢

و الناس ما صدقت إنه هالكائن المحتل هو نفسه الباص السريع

و لليوم و لبكرا و لعشر سنين ما رح نقتنع فيه

..

و السؤال اللي لازم كان يكتبوه بدل اعلانات الباص السريع

هو احنا كشعب ممكن بيوم نصير اشي فخم؟؟

و هو عنجد كل الفشل و عدم التطور سببه كذب وفساد الحكومة؟؟ أو احنا عنجد مأثرين ع تطور هالبلد 😶

#الشعب_الفخم

#متى_نصير_مثقفين_فكرياً

#آلاء_أبو_شيخة

#الباص_السريع

#ماله_الكوستر