هذا اكثر شي يقهر و مؤلم انو تشوفين بنت زيك زيها واقفة ضدك

بالعكس هو عطاء مو ذنب او شي عار بس ع كولتج رواسب جاهلية و حتى اجهل منهم و هذولة الي يلصقون اي شي بالدين معتبرين الدين غطاء الهم مع انو الدين رفع مقام المرأة

بعد بكرا امتحاناتي تبدي و ان شاء الله اطلع معدل و ابشرج لان حاليا جاي احاول ابعد

صحيح رؤية الرجل ان البنت اضعف منه يحسبه اهانة الهة مع انو لو نلاحظ البنت حتى ب وقت الحيض نلاحظ شايلة مسؤوليات م يقدر رجل بالغ صاح يتحملهة مع انو حتى التعدي ع الرجل "اعتداء" ممكن يصير بس لأن هو م يحمل عادي و هو شايل عيبه..... اما عن كره النساء صح عالمي بس لازم بالعربي يخف او اصلا ينقرض خاصة مع ديننا الاسلامي الي كرم المرأة و حطلهة مكانة عالية

ان شاء الله 😞😞

و هذا الي داعاني منه حاليا م اقدر ادرس ب تركيز و حتى نزل مستوي الدراسي مقارنة ب حياتي قبل الجهاز و السوشيال و المقاطع المسرعة

صحيح....

لا هذا الشي غالباً م ينطبق ع البنت خاصة ب مجتمعنا العربي الي اذا كانت ب عائلة محافظة احتمالية كبير جداً انتقالها بعد الزوج الى عائلة محافظة و يمكن اكثر من عائلتهة

م اعرف يمكن بعدني م وصلت للوعي الكافي لحتى يخليني اتجاوز اي شي خاصة و انو الكلمات من حد غالي ع قلبي تصير صعبة يمكن بمرور الوقت اقدر اتخطى

صحيح بس م نقدر نجزم انو ماكو بنات حاليا او عوائل بشكل عام معطين حرية البنات بالحد المسموح و يدعمون البنت اذا كانت عندها مشروع و طبعا هذا الشي يكون من صغر مو فجأةً طبعاً اذا كانت مقيدة بالصغر و من كبرت فجأة اعطوهة مساحتهة راح تستغلهة ب اشياء مو حلوة

حاولت هواي بس دائما اجد نفسي استرجع الكلمات القاسية من الاشخاص الي احبهم_____اني غاليةةة كُللللش هو اني اكو اغلى منيي ههه

19 مقبلة ع 20 م عدنه هيج شي بالعراق يعني نسافر للبحر و هيج

بنت عمي اكبر مني ب سنة تقريبا بس كانت بالعطلة الصيفية تسافر ويه امها لمحافظة اهل امها او ابوهة يخرجهة ب نزهة و بسبب شغل والدي و قرب اهل ماما م كنت اطلع ابدا الا حين بابا تكون عنده عطلة يخرجني للاسواق اشتري و ارجع .....ههه اني احب اركب الدراجة بس للأسف م تعلمت عليهة

بما اني ب مجتمع م يعرفني ف اني انسانة داخليا حسااااسة لابعد حد مع انو م يبين ع شكل او طبعي هذا الشي و غالبا اني احب ادفن هذا الشعور اني ممكن كلمة تبقى باليي طول العمررر و مستحيللل انساهة حتى بعض الاحيان تخليني ابكي بالخفاء فقط لتذكري لتلك الكلمة المؤلمة ف دائما انصح المقربين مني لا يكولون الي اي شي يجرح لأن مستحيل انسى و يمكن بمرور الوقت احقد

الصبر و هذا لاحظته ب نفسي و تركيز ع موضوع واحد و عدم دخول ب اكثر من موضوع ب آن واحد ابسططط شي اني م اكدر اتابع مقطع لدقيقة ب سرعة طبيعية احس ب ستريس و تعب

تصدك م ادريي حتى لحد هسه اذكر انو حتى اهلي استنكروا من كلت الهم م راح امتحن بالجامعة

رسالة من الله اني مؤمنة انو اي شي يصير حتى لو بسيط هو رسالة من الله يجي ك احساس او موقف او اي شي ثاني لو نرجع لأي لحظة و نركز راح نلاحظ اكو رسالة ربانية فادتنا بوقت ثاني

و اللهِ راح يكونوا رحموا بحالي اذا م عرفوني مش محتاجه اثبت الهم اصلا غالباً راح اكون فرحانة ... يمكنن فقط راح اثبت لبابا و ماما من خلال شغلات اعرفهة عنهم او اسويلهم شغلات تذكرهم ب الاء مثلااا مع بابا راح اشوفه اني شكد ذكية و افهم بالحاسوب اكثر منه هو خريج هندسة الحاسبات و ماما راح انرفزهة انو اني طبخي طيب و اني ماكو مني و الله م خلق غيري هههه اما الباقين م مهتمه يعرفوني و الله

الاهل مممم عامةً مامي و بابي الي غالباً م كان عدهم رئي بخصوصنا و خاصةً عمي لأن كان خايف ع بنته الكبيرة ف عشان م تنقهر و تشوفني اطلع جلسني بالبيت معاهة

حرفيا اني هوااي تصيبني هاي الشغلة يعني مرة اصريت ع ماما طلعني كالت الي خليهة اليوم الثاني رغم كنت ب صحة جيدة و م كنت اعاني من اي ألم لكن احساس داخلي جان يريدني اطلع اليوم مو يوم ثاني و حرفيا صبحت مريضة بدون ادنى سبب

م ادري بس حبيت اشارك شي احس بي دائما و مرات انصدم

مع انو اني مو هواي قوية بالدين يعني الله يثبتني و يقوي ايماني .......حرفيا صح عبالك رادار فجأة احس اكو شي جواي يحجي و يكولي مثلا لا تسوين هيج او ابتعدي عن هيج

ما كان اكو احتمال اروح امتحن بالتربية لان اصلا حسب السنين السابقة هي فقط لدراسات المهنية و التجارة و ابدا مو للعلمي او الادبي فقط فجأة كلت راح امتحن بالتربية

فلم عن المفاتيح سحرية اريد مفتاح الذاكرة اريد ادفن ذكرى سيئة

راح احاول اطلع لشارع و العب لان اغلب طفولتي م جنت اطلع راح اصنع الي ذكريات الى حين عودتي ك بالغة