3

المدير وشنطتة

في عالم الإدارة العجيب، بنقابل أنواع كتير من المدراء: فيهم القائد الملهم، وفيهم المتحكم المتسلط، وفيهم كمان المدير اللي ما يقدرش يتحرك خطوة من غير "شنطته".

والمقصود بالشنطة هنا مش الصانصونايت اللي بيحط فيها أوراقه المهمة، لأ دي شنطة بشرية، بيمشي بيها في كل مكان. تلاقيها داخلة معاه الاجتماعات، طالعة معاه من المكاتب، واقفة وراه في المؤتمرات… موجودة في الصورة حتى لو مالهاش أي دور!

المشكلة مش بس إن "الشنطة" دي ما عندهاش فكر ولا رأي، لكن الكارثة إنها ساعات بتدخل في أمور ملهاش فيها أي خبرة، لمجرد إن المدير مدّيها "تفويض مش مظبوط". فبدل ما يكون التفويض وسيلة لتنظيم العمل، بيتحول لترخيص عبثي يخلي الشنطة تتكلم وتقرر، وتخبط في كل حاجة… والناس كلها عارفة إن الكلام ده مش طالع من عقلها أصلاً.

المدير اللي ماشي ومعاه شنطته بيبقى عامل زي الممثل اللي محتاج كومبارس دايم يخلي المشهد يبان أكبر. لكن في الحقيقة، المشهد بيبقى مكشوف جدًا: مدير محتاج جمهور خاص للتصفيق، وشنطة راضية تلعب دور قطعة الإكسسوار.

يا ترى، إمتى نلاقي مدير فاهم إن القيمـة مش في عدد "الشنط" اللي حواليه، لكن في العقول اللي تضيف له، وتناقشه، وتصححه؟ لأن الإدارة مش عرض مسرحي… ومش محتاجة شنط، محتاجة شركاء

يرجى الدخول لحسابك أو تسجيل حساب لتستطيع إضافة تعليق
حساب جديد دخول

التعليقات

0
Seham_Sleem أضف ردا

رأيي أنك متحامل على تلك الفئة التي تسميها "شنطة" فحتى إن كان دورهم هو عمل موكب للمدير والتدخل بآراء ببعض الأمور فالعيب الأكبر هنا على من وظفهم وأعطاهم تلك الأدوار منذ البداية.

المدير الذي يفعل ذلك ربما يريد إظهار هيبته ومدى سلطته، أو أنه متأثر بصورة المدير في الأفلام 😅

0
George_Nabelyoun أضف ردا

في رأيي الخطأ الأكبر على الشنطة😄 فبدل أن يكون ملازم غير مفيد للمدير ويرافقه أينما حل وارتحل، أليس ربما كان عليه أن يجد عملاً حقيقياً مفيداً يقوم به، حتى إذا رحل المدير يجد مكان ثابت له في ترسانة العمل؟

0
Seham_Sleem أضف ردا

وماذا إن كان هذا هو عمله الذي تم تكليفه به من قِبل الشركة أو الإدارة؟

0
George_Nabelyoun أضف ردا

السكرتير أو المساعد له مهام محددة ومعروفة ويكون في أغلب الوقت مشغول بها وبعد أن ينتهي منها يرفعها ويسلمها للمدير، لكن لا يوجد توصيف وظيفي يقول أن موظف يلازم مديره في كل مكان يذهب إليه، ولا تكون له مهام واضحة يتم تقييمه بناء عليها، بل كل ما يفعله هو التجول مع المدير وإبداء الآراء أو انتظار التعليمات.

0
George_Nabelyoun أضف ردا

لقد شاهدت بالفعل مثل ذلك، ومن الغريب أن الشخص الذي يمثل الشنطة لم يكن له أي دور حقيقي وفاعل، بل كان كمجرد ظل يرافق صاحبه، وكنت أشفق عليه فلا أعرف ما الذي يجعل من إنسان أن يرضى بدور مثل هذا!

0
Mai_Easa22 أضف ردا

المشكلة الأكبر هذه الثقافة لا تضر المدير فقط بل توقف طموح الفريق كله لأن الموظفين الذين لديهم أفكار حقيقية يشعرون أنه لا توجد فرصة للمشاركة الطريقة الوحيدة للبقاء هي أن يكونوا مثل الشنطة ما نحتاجه ليس مجرد مدير يتخلى عن الشنط بل بيئة عمل تحترم الحوار وتقبل النقد إذا كان النظام الإداري قائمًا على الشفافية وتقييم الأداء لن يكون لأي شنطة مكان طبيعي لأنها لا تعيش إلا في ظل المجاملات أما إذا كانت المؤسسات تبني قراراتها على الولاء الشخصي بدل الكفاءة سنستمر في رؤية الشنط في كل مكان ويضيع الهدف الحقيقي من الإدارة وهو خدمة المصلحة العامة وتنمية العقول