مقتبس
محاولاتك للتلاعب بالشخص من خلال الهجوم عليه و الصراخ و الإهانة أو إنك تنتقد حاجات في شخصيته و طبعه على أمل إنه يعمل اللي إنت عايزه؟ مش بتوصلك لمكان كويس و لو هو عمل اللي إنت عايزه مرة؟ مش هيعمل اللي إنت عايزه عشر مرات، ف محاولاتك للتلاعب هي كلها مرتكزة على إحساسك بالعجز،
ماحدش بيستخدم التلاعب عشان يوصل للي هو عايزه و هو مش حاسس بالعجز، أي حد بيلجأ للتلاعب بيبقى عاجز، و عمومًا؟ تلاعبك مش بيخدمك برضو و بتبقى في نقطة العجز اللي إنت حطيت نفسك فيها من خلال محاولاتك للسيطرة على غيرك،
لازم تفهم إن مالكش سيطرة على غيرك و ماتقدرش تتحكم في حد غير نفسك،
ف إنت قدامك حاجة من إتنين: يا هتمشي من العلاقة يا تتقبل الشخص زي ماهو، لا هتحاول تغيره و لا هتحاول تفرض عليه إنه يكون الشخص اللي إنت عايزه يكون عليه، و هتغير توقعاتك تجاهه،مش هتتوقع منه حاجات هو ماعندهوش القدرة إنه يقدمها لك، توقعاتك تجاهه هتكون محدودة و متناسبة مع طبيعته،