كان لدي صديقه..كانت هذه الصديقه بتحبني كتير..ونا اكيد كنت احبها ولازلت..في فيوم من الايام قعدنا نحكي احنا ومجموعه من البنات التانيين..صحبتي صارت تحكيلي عن حبيبها وشو بعمللها وهيك يعني..فانا من كتر ما الكلام الحلو صار بدي احب واعيش هاد الشعور..فيوم من الايام صحبتي قررت تلتقي بحبيبها..ونا وافقت قلتلها تمام شافته وسلمت عليه وهيك وبعدين صار يقولها انه هو بوصلها على البيت وهي وافقت..بعد ما كل واحد رجع على بيته حكتلي شو صار وانا كتير كنت مبسوطه لالها بعدين حكتلي انه حبيبها بدو يشكرني لاني اقنعتها انو تشوفو وبالمناسبه..كانت هاي اول مره هي بتلتقي فيه..شكرني وهيك قلتله عفوا وهيك بعدين بعد يوم..صديقتي قالتله انه انا حابه اعيش هاد الشعور وانه بدي اجرب..حكالها عندي الموضوع وهيك..بعد من يوم حكتلي صحبتي انه في واحد حابب يتعرف عليكي وهيك يعني وهاد الواحد كان جايبو حبيب صحبتي ..بعدين انا قبلت اضافته وقلت مرحبا وبلشنا نسولف و هيك كان بالبدايه كتير بارد وهيك بس بلش يلين علي بعد يومين تلات.. بعد هيك بيوم من الايام صحبتي قالتلي خلينا ندخل جروب فيو حبيبها و الي تعرفت عليه دخلنا وقعدنا نسولف وهيك فقررنا نحكي مكالمه وحكينا وهو صار يقلي انه بحبني وانه انا حبيبتو وهيك بعد ايام كتير قررنا انه نلتقي كلنا وانا كنت خايفه اهلي يعرفو بس بعد تفكير وافقت وفعلا رحنا بعد المدرسه وقعدنا في مكان انا وصحبتي بعديها التقينا فيهم وحضنا بعض يعني حضنت حبيبي وصحبتي حضنت حبيبها وقعدنا نسولف كلنا وضليت طول الوقت ماسكه ايده وحاضنته وانا كتير كنت مبسوطه وصحبتي مع حبيبها بعديها قررنا خلص انه كل واحد يروح على بيته بعد ما وصلنا البيت كلنا حبيبي حكى لحبيب صحبتي انه انا عجبتو واني كتير حلوه وانو حبني كتير وهيك بعد بيوم من اللقاء حكينا مكالمه وضحكنا وهيك واستمرينا على هاد الحال مده..بس كان في مشكله وحده انه هاد الشخص الي حكيت معه كان ما برد بسرعه ودايما مشغول يعني كان يرد بعد بساعات..وهاد الشي كان يقهرني..بس مع ذلك ما كنت اهتم..فجاه بيوم من الايام كنا عم نحكي انا وصحبتي مكالمه فكانت عامله مشاركة شاشه يعني بقدر اشوف مع مين بتتراسل وشو بتفتح وهيك فسالتها اذا بعتلها اشي او رد عليها حكتلي لا والحمدلله انه صاحبتي كان عندها حساب حبيبها يعني حبيبها معطيها حسابه راحت فتحته وبعتت لحبيبي وفعلا رد بسرعه بس انا كنت باعتله كان ما برد من 3ساعات راحت بعتتله قالتله تعال مكالمه هو ما كان يعرف انه الي عم تحكي معه هي صحبتي هو مفكر انه صاحبو بعديها بعتتلو حكالها انه ما يحكولي انه عم يرد حكيت لصحبتي اسالي ليش ما بدو يرد علي حكا انه اشي خاص وما حد يدخل وهيك انا هون انهرت وزعلت كتير بعدين خلص اتخذت قرار بكامل رضاي اني اشيلو من حياتي وخلص انهي بس بدون وداع وفعلا عملت هيك..بس الي عنجد اثبتلي انه ما بحبني وانه كان ماخذني تسلاي هو اني لما شلته من كل مواقع التواصل الاجتماعي حتى ما سال عني ولا حتى حاول يوصلي بالعكس كمل حياته بشكل عادي وهاد اليوم الرابع النا واحنا ما منحكي وعنجد انا مستحيل اني ارجعلو لانه واحد بلعب بالناس وبمشاعرهم وبعديها بتركهم...فالحمدلله الله كشفلي حقيقته قبل مااتعلق في كتير والحمدلله انا هلا عايشه طبيعي ومش زعلانه بالمره بالعكس اعتبرته درس وعبره والحمدلله دائما وابدا وبتمنى ما حدا يوقع بخطاي وانه اذا بدو يخوض هاي التجربه انه يختار الشخص الصح...والسلام عليكم
اروي لكم قصتي...
هاد مو اسمو غباء لو سمحت\ي انت ما بتعرف\ي قديش اسلوبه كان حلو وعنجد بخليكي تصدقي انه خلص نصيبك اجاكي
😂 غير قمة السذاجه والغباء بعرف إنه الطعم لاصطياد الوحده إن كانت بريئة ولا جريئة وبعدها من يلحس العسل تقعد تندب حظها وتبكي على حالها وتفيق من حقيقة الحب والوهم اللي عاشته ومنهن عادي تجرب مره ومرتين وثلاث يمكن شي مره راح تضبط معاها ومنهن من تحب لحس العسل وتصير هذا طريقها ومنهجها بالحياة دام مستفيدة مادياً والله المستعان.
بعرف كتير وفوق ما تتصوري
يجب أن تحمدي الله يا لين على انتهاء الأمر عند هذا الحد فهذا النوع من العلاقات قد ينتهي نهاية سيئة جدًا للبنت قد تندم عليها طوال حياتها.
عزيزتي هذا ليس حبًا بكل تأكيد، هو مجرد إنجذاب للجنس الآخر وهو طبيعي في سن المراهقة لكن ما ليس طبيعيًا هو تطور العلاقة إلى المقابلات واللمسات، والدليل على أنه لم يكن حبًا هو أنك لم تختاري حتى هذا الشخص بل اختاره شخص وقدمه لك وأنتِ أقنعتي نفسك به لأنك تريدين تجربة ذلك الشعور، كما أنك لم تجدي الكثير من الصعوبة في قطع علاقتك به.
أنصحك بالصحبة الصالحة وحفظ نفسك ومشاعرك للشخص الذي يستحق والذي يسعى هو من أجلك ويطرق باب أهلك.
للأسف يا لين الكثير من الشبان يتسلون بالفتيات، فهو يعتقد أنه كما النحلة التي ترتشف الرحيق من الأزهار، أنتِ الزهرة وقد أخذ الرحيق منك، واعتقد أنه الآن بصحبة زهرة آخرى او أزهار آخر.
عزيزتي لين ربما عليكي أن تعيدي النظر في علاقتك بهذه الصديقة، أقدر أنكِ في مرحلة المراهقة، وأن هذه المرحلة تتسم بالمشاعر الفياضة ولكن لدينا مثل في مصر "الصاحب..ساحب"، يعني الصديق يشد صديقه في الطريق الذي يسير فيه، والطريق الذي تسير فيه صديقتك طريق الخطأ وهي بالفعل سحبتك في طريقك، تذكري أن من البداية أنه تم تدبير هذه العلاقة، يعني لم تختاريه ولم يختارك .
أيضاً موضوع التلامس والأحضان هذا خطأ وحرام، يجب أن تتوبي عنه، والدك ووالدتك أعطوكي الحرية فلا يجب أن تخونيهم وتخوني نفسك!
نصيحتي حاول أن تركزي على دراستك، ضعي مجهودك وطاقتك بها واشغلي نفسك بصالح الأمور، توضأي وصلي إلى الله واطلبي منه أن يمنحك السكينة والطمأنينة
التعليقات