حزينة جدا وقت نفرح بي رسالة الحجز للمفوضية اللاجئين كسودانين ،، نحن حقيقة دايسين علي الآلام بالتوكل علي الله
وما اي الام دي، دي ذكريات عمر، واماكن عشنها فيها، أصحاب وناس وأهل وشوارع،
وتراب ريحتو مسموعة في القلب،
حقيقة وتجربة ينفع تتاخد نظرية للصمود عند ناس علم النفس، وكيف رغم الحصل دا الناس دايسة علي نفسها وبتضحك،،
ناس عندها ناس ماتو،،
ناس سافرت،،
ناس قاعدة،،
زول في الشمال في الغرب في ليبيا في امدرمان في مصر في السعودية في وين ماعرف،،،
ناس فيزيائين كدا بعيدين، بس الوجدان متوهط وكانو في بيت واحد،،،
بس في تعب،،،
انا ماقادر اوصف،،،
بس تعب في الروح،،
ابقو عشرة
وبلادنا تقوم
