ازيكم عاملين اى...
فكره أنك انسان بتسعى على رزقك فى مجالك أيا كان مجالك دا اى دى احلى حاجة ممكن تشعر بيها وانت بتعمل دا أيا كان نتيجه السعى دا اى جاب نتيجه فوريه او نتيجته اخرت بس الفكره أنك بتسعى وانت عندك اقتناع تام فى أنك بتطبق حرفيا كلام ربنا عز وجل وهو انه سبحانه وتعالى جابك الأرض ورزقك المعيشه عليها على شان بس "تسعى" ...
تسعى فى العباده وتحافظ عليها
تسعى فى عمل خيرى وتحافظ عليه
تسعى فى أنك تتجوز وتحقق دا
تسعى فى رزقك وشغلك وتحقق دا
تخيل كل اسسيات الحياه دى محتاجه كلمه تسعى قبلها
فا بجد لازم يكون فيه سعى على شان من غيره صدقنى هتكون عايش من غير اى هدف.
اسعى وخلى املك فى الله كبير أسعى وانت مصدق فعلا انه عنده رزق ليك جميل وهو بس مستنى يشوف صبرك وتعلقك بيه على شان يديك المعاد المناسب لنتيجه سعيك دا.
والله ربنا جميل اوى اوى ورحمته كبيره وخزائنه مليانه بس مستنى مننا أننا نتحرك.
التعليقات
كلام جميل، لكن على أرض الواقع أغلبية الناس تسعي وهم يرغبون في رؤية نتيجة لهذا السعي، بل أن البعض يريد رؤية نتيجة فورية، وإذا لم يحصل عليها قد يغضب ويهمل أو يترك السعي في الطريق الذي كان يسيره، أو يقوم بتغيير اتجاهه.
يبقى السر فى ايماننا بربنا عز وجل سبحانه وتعالى كاتب لينا الخير فى كل حال تخيلى انسان بيسعى وهو راضى عن اي قدر ربنا هيضعه فيه هل هيزعل هل هيمل اكيد لا ليه لانه عارف انه ليه مدبر...
مثال بسيط جدا زمان واحنا صغيرين مكناش ندرك حاجه خالص كنا مبنفكرش فى اى حاجه ليه لاننا كنا معتمدين على ببانا او مامتنا فا كنا بنخرج معاهم واحنا مطمنين ونعمل كل حاجه واحنا مطمنين وعلى فكره انا عايز اعرف حضرتك نقطه ان اى فعل احنا بنعمله هو سعى ايا كان هو اى
تكمله المثال فا كنا بنعمل دا لاننا عندنا يقين كبير بيهم وعندنا يقين ان اى حاجه مش هيعملوها هيكون فيها ضرر علينا
فيجب على الانسان ان يتعامل مع رب العباد بذلك النمط بل واكبر منه يقينا نحن فى رعايه الله سبحانه وتعالى فماذا نخاف
تحليل رائع ومحفز جدا السعي هو الفارق الوحيد بين العيش بهدف والعيش على الهامش النتيجة دائما على الله لكن الحركة مسؤوليتنا نحن شكرا على هذه الطاقة الإيجابية والتذكير الراقي
العفو منك يا صديقي العزيز وأشكرك جزيل الشكر على تفهمك ورقيك في الحوار وتقبلك للاعتذار وهذا التقبل يعكس وعيك الكبير وعمق تفكيرك وأنا بدوري أتمنى لك يوماً سعيداً ومليئاً بالنجاح والتوفيق ويسعدني دائماً تبادل الآراء والنقاش معك في مجتمع حسوب بكل ود واحترام متبادل فالاختلاف في وجهات النظر لا يفسد للود قضية بل يثري عقولنا ويفتح لنا آفاقاً جديدة للفهم والتحليل طالما أن الاحترام هو الأساس الذي يجمعنا دائماً
من وجهه نظرى يا صديقى على هذه المقوله هى ان تسعى لامر ما ايا كان هو اى والسعى يكاد ان يكون فيه جهد كبير بالنسبه لك وفى المقابل متلاقيش نفسك وصلتله او كانت نتيجته عكس ما كنت متوقعها وتلاقى ان ال كنت متوقعه ممكن يكون اذى ليك او انه كان هيسبب ضرر وهنا بقا تيجى حكمه ربنا سبحانه جل فى علاه انه يبقى عارف الصح ليك طبعا بس هو مبسوط انك بتسعى تحت طاعته وحكمته سبحانه وتعالى
وهنا بقا بتيجى لذه الانتصار انك تستغرب وتقول بعدها يارب انا كنت بسعى لكذا وانت اعطيتنى كذا يمكن ال هيعطيهولك دا اكثر من المتوقع تخيل...
اضرب مثلا خفيف كدا فى طالب ثانوى عام كل واحد بيبقى ليه حلم وهدف بيسعاله طول السنه فى مذاكره وصبر ومره واحده ميحققوش ويدخل مجال اخر فربنا يرزقه منه رزق كبير اوى فا يبقى منبهر من دا وهكذا
اسف انى مجاوبتكش على طول فى اول التعليق بس حبيت اوضحلك فعلا صحه المقوله ان فعلا ممكن اسعى لحاجه يا اما ربنا يرزقنى بغيرها يا اما ربنا منعنى عنها وفى كلا الحالتين خير كبير من المولى عز وجل واكيد مش هزعل لانى بسعى وانا على يقين بنتيجته سبحانه وتعالى.
هناك أيضًا بعض الأشخاص يرزقون من غير سعي فيجب أن يدرك الإنسان أن الحياة ليست عادلة حتى لا يصل إلى مرحلة يأس عندما لا يحصل على نتيجة وما نحصل عليه في النهاية سنحاسب عليه لكن فكرة السعي المطلق تجعلنا نحبط عندما نتجاهل أن بعض الناس يصلون إلى ما يريدون بفضل ظروف مثل المال أو العلاقات أو النفوذ من غير أي مجهود
انا متاكد ان حضرتك بتكتبى التعليق دا من الواقع ال ممكن بيبقى موجود حاليا وممكن يبقى من قبل كدا كمان بس انا متاكد ايضا ان حضرتك عندك يقين ان كل واحد ليه رزقه وان الارزاق دى مقسمه من قبل بدايه الخليقه وسبحانه وتعالى خلقنا على شان نسعالها ودا ال بيندرج نحو السعى فا لو بصينا من الواقع ان فكره السعى نفسها رزق من الله سبحانه وتعالى
وفكره ان فيه ناس بترزق من غير سعى دا رزقهم وال عمل كدا ربنا ومش لازم ابص ليه واقارن نفسى بيه كل ال انا مطالب بيه ابص فى طريقى على شان متعبش من كتر ما ببص لطريق غيرى
وان فكره ان هناك اناس لديهم نفوز او علاقات او اموال فهذا رزق ويمكن هو سعى ليه قبل كدا ومعظم الناس ال معاها اموال طائله بنلاقى سواء موروثه او غيره بنجد ان فيه شخص سعى قبلهم على شان يحقق دا ليهم ايا كان السعى الخاص بيه حلال ام حرام بما يرضى الله ام بما لا يرضيه بس هو فى الاساس سعى لذلك جاء الجيل ال بعده وجد هذا وهكذا
فا ملخص كلامى ان مفيش حياه من غير سعى وصدقينى لو كل واحد هيقول ان الحياه ليست عادله فا محدش هيتحرك من مكانه
احنا ممكن نقولها ان كل واحد سعى بقدر الامكان وربنا ال اختار لكل واحد نتيجته بدرى وفيه ال اخرهاله وفى كلا الحالتين خير ليه من المولى عز وجل