ليه الحل في الإدمان؟
ناس كتير بتهرب من مشاكلها وتلجأ للإدمان كأنه "حل سهل".
بينغمسوا فيه بقوة، لدرجة إنهم ما بياخدوش بالهم من الوقت، ولا من نفسهم، ولا حتى من الواقع.
بيحسّوا كأنهم انتقلوا لعالم تاني… عالم عارفين كويس إنهم هيخرجوا منه تعبانين، ندمانين، وخسرانين.
بس للأسف… مرتاحين.
أيوه، مرتاحين ولو بنسبة بسيطة.
والراحة دي – رغم إنها مؤقتة – بتخليهم مستعدين يخسروا كل حاجة: نفسهم، وقتهم، أخلاقهم.
زي بالضبط اللي بيختار يعيش باقي عمره في ذنوب ومعاصي، وبيتجاهل جحيم الآخرة، علشان ما "يعكننش" على نفسه في الدنيا.
بس هل فعلًا الإدمان، بكل أنواعه، يستحق إننا نضيّع نفسنا عشانه؟
ولا المفروض نعمل وقفة؟
نواجه شهواتنا؟
نهذب نفسنا؟
ونحميها من خطر الراحة الزائلة… الراحة اللي نهايتها هاوية؟
✍️بقلم: حياه إسماعيل
يرجى الدخول لحسابك أو تسجيل حساب لتستطيع إضافة تعليق
حساب جديد
دخول