الحلقه ٢
نادر طلع من الفيلا وركب عربيته وساق بأسرع ما عنده وبيحاول ينسى الحوار اللي دار بينه وبين والده وراح قعد على الكورنيش وفضل قااعد كتير لحد ما الشمس طلعت عليه
نسيب نادر شويه ونروح لبيت من الطبقه المتوسطه في حي العجوزه
تقف سيده في اوائل الاربعينات وتقوم بفتح ستائر المنزل الواسع ذات الطراز القديم لتدخل اشعه الشمس مصاحبه اشراقه وبدايه جديده في حياه اهل هذا المنزل الصغير الملئ بالسعاده والحب بين افراده فتحت ستائر هذا المنزل لتظهر سيده يتضح علي ملامح وجهها ملامح السيده المصريه ذات القلب الطيب والحنون السيده المصريه التي تهتم لاولادها وتحلم بأن يصلو الي ما يتمنوه انها هذه الشخصيه والام الحنون بعد ان انتهت من تحضير الفطور لاسرتها ذهبت نحو غرفه ابنتها وطرقت بضع طرقات على الغرفه ثم دلفت الي الداخل
سميره(والده البطله) :مايا يا ميمو اصحى ياقلبي بقا هتتأخري كده
مايا بصوت ناعس:ايوا يا سمسمه انا هصحي اهو خمس دقايق بس
سميره:يا بت قومي بقا هتتأخري يا دكتور
مايا وقد هبت واقفه من فراشها:ايه ده صح الشغل انا هتأخر ده اول يوم فين الهدوم والا اقولك بسرعه بسرعه الفطار لا انا الأول لازم اشرب نيسكافيه
سميره:ههههههه هو انتي هتفضلي طول عمرك طفله كده لسه بدري يا حبيبتي براحتك بس يلا قومي اغسلي وشك
قامت مايا وغسلت وشها وطلعت وقفت ف البلكونه تشرب النسكافيه بتاعها ف البلكونه
اول ما الشمس قابلت وشها الخمري الناعم بان جمال عيونها العسلي الفاتح ف الشمس وشعرها الاشبه لليل داكن هي فتاه في ال٢٦من عمرها تخرجت من كليه الطب وبدأت العمل في إحدى المستشفيات حقا انها فتاه جميله جدا واجمل ما يميزها شخصيتها القويه وثقتها بنفسها وعلى رغم الظروف القاسيه التي مرت بها مع اسرتها الا انها كانت دائما شديده قويه لا تهتز من الازمات ثابته كالجبل هادئه كالبحر دائمه الامل وكانت دائمه التفاؤل بأن الله يخبأ لها الأفضل من الاشياء وترضي بقضاؤه لها هي ايضا يمكنها قرأه الشخص الذي يقف أمامها في دقائق قليله وتعرف اذا كان متوترا ام مسرورا ام سعيدا وكانت تجد في مساعدتها للاشخاص راحه نفسيه لها لذلك قررت ان تلتحق بكليه الطب لان اسعد لحظات ستمر عليها وهي ترى ضحكات الأطفال الذين سوف تساعدهم
نعود مره اخري
رن موبايل مايا
مايا:الو يا قلبي
ندي:ايوا يا ست مايا انتي صحيتي والا لسه هنتأخر ع المستشفى ولو اتأخرنا هنتهزء وهتبقى من اولها شغلانه وحشه يلا قومي بسرعه بسرعه
مايا:اييه ياماا البلاعه اللي اتفتحت دي وبعدين شغلانه هو انا بنت خالتي شغاله على عربيه كارو انا صحيت اهو بشرب النسكافيه وجيالك
ندي:اوعي تتأخري يا بت
مايا:ماشي يا رخمه يلا هش بقا ورايا مصالح عاوزه البس
ندي:ماشي يا رخمه يلا سلام
ندى وهي ابنه خاله مايا وصديقتها المقربه لها فهي تعتبرها كأختها وهي ايضا حافظه أسرارها وهي فتاه تمتاز بالبشره البيضاء المشربه بالحمره التي تمتذج مع عينيها البنيتين المضيئتين وشخصيتها الطفوليه وهي ايضا في سن مايا وقد تخرجت معها من كليه الطب
دخلت مايا ولبست هدومها وطلعت الصاله عشان تفطر
ادهم(اخو مايا) :صبااحو يا دكتوره
مايا:صباح الخير نق فيها بقا
ادهم:ليه بس يا دكتور ده انا فرحانلك جدا الحقيقه
مايا:ماشي يا اخويا البس بقا عشان توصلني ع الكليه
ادهم:ليه وانا خلفتك ونسيتك لا طبعا مش هوصل حد انا تعبان ومكسل انزل اصلا
مايا:برااااحتك بس ندى كانت جايه معايا يعني
ادهم:ايه قله الادب دي لا احنا معندناش بنات تخرج لوحدها انا لا يمكن اسيبك تروحي لوحدك
مايا:ايوا كده اتعدل وبعدين طلاما انت بتحبها يبقى روح اتقدملها
ادهم:مانا بس مستني بس هعمل حاجه ف دماغي كده وطيراان على خالتي حبيبتي
مايا:خالتك برضو ياض
ادهم:بتقولي حاجه يا بت
مايا مازحا:بت ايه لا انت خدت عليا اوي
أدهم وقد قام من مكانه:مانا لو قمت كسرت دماغك هتعرفي خدت عليكي ازاي
مايا وقد جرت من امامه:هأهأ ولا يهزني يا حبيبي اصلا
أدهم وقد اتجه نحوها:طب وربنا لانا موريكي يا مايا
مايا وقد إحتمت خلف والدها:بص يا بابا الواد ده عاوز يعمل فيا ايه
عادل:بس ياض انت بتضايق اختك ليه
ادهم:انت تعرف عني كده يا حاج ده انا ملاك بجناحات
مايا:كداب ياض كنت عاوز تضربني
عادل:انت اتجننت ياض عاوز تضرب اختك وانا عايش
(عادل وهو والد مايا وادهم وهو موظف بسيط في احد الجهات الحكوميه ولم يؤثر ذلك علي حياته هو واسرته بل كانو فخورين به دائما ومعتزين به وهو ايضا يتميز بحبه الشديد لاسرته فهو مستعد الي التضحيه بكل مايملك من أجلهم)
نعود مره اخري
ادهم:لا عاش ولا كان يا بابا ده انت الخير والبركه
عادل:ربنا يخليكو ليا يا ولاد انتو السبب في اني عايش اصلا ربنا يخليكو ليا انا عشت لحد اليوم اللي شفتكو قد الدنيا كلها كده فعلا ربنا عوضني
مايا/أدهم مستغربين:عوضك عن ايه يا بابا
عادل مغيرا الموضوع:ها لا ابدا يا ولاد يلا نفطر بقا بدل ما الفطار يبرد وبيني وبينكو ميتتاكلش وهو سخن اما هيتتاكل وهو بارد
مايا/ادهم:هههههههه
سميره:سمعتك على فكره ربنا يسامحك
عادل:لا هو انا اقدر ده انتي الخير والبركه
سميره:طيب يلا يا ولاد الفطار جهز
عادل:عاوزك تشدي حيلك كده يا مايا شويه كده وهفتحلك عياده مخصوص ليكي انشاء الله
مايا:انشاء الله يا بابا ادعيلي انت بس ربنا يكرمني في المستشفى دي
ادهم:وانا ابن الغساله يا حاج والا ايه انت مخلف سوسن مانا ظابط قد الدنيا اهو
عادل مازحا:ربنا يخليلي حسك ف الدنيا يا سوسن يا بنتي وبعدين انت لازم توصل اختك النهارده
مايا وهي تنظر لادهم:اه مهو طبعا يا بابا لازم هيوصلني النهارده مش كده يا ادهمممم مش انت هتوصلنا اقصد توصلني
ادهم:كح كح ايوا طبعا لازم اوصلككك يا مايا يا حبيبتي يلا قدامي بقا عشان هنتأخر
مايا:هنتأخر على شغلي صح يا ادهممم
ادهم:شغلك اه قدامي يا بت
مايا/ادهم:يلا يا جماعه احنا نازلين بقا
سميره:ربنا ينورلكو طريقكو يا حبايبي ويوفقكو
مايا/ادهم:يااارب
وبعد ما نزلو
عادل:العيال كبرو يا سميره
سميره:ايوا انا فاكره لما كانو لسه بيزحفو وبيكبرو قدام عيني حبه بحبه
عادل:بس انا مخنوق يا سميره
سميره:ليه بس كده ما احنا كويسين اهو
عادل وقد ظهرت على جبينه عبسه من الحزن:كل ما ابص للولاد احس اني كان لازم ما اسبش حقهم لازم انتقم من اللي عملو كده لو تجيلي بس الفرصه يارب شيل من اللي عليا ده شويه
سميره:استغفر ربنا يا حاج ده قضاء ربنا ومنقدرش نعترض عليه الحمدلله على كل حال احنا احسن من ناس كتير اوي
عادل:استغفر الله العظيم
وقعدو يتكلمو شويه كتار كده
ف عربيه ادهم
مايا:أدهم ادهمممممم
ادهم:ايه يا زفته يخربيتك هنعمل حادثه
مايا:امممم مهو اكيد هنعمل حادثه وانت سرحان كده سرحان ف ايه يا جميييل
ادهم:هااااح ف ندى اقصد ف الطريق انتي مالك يا اوزعه انتي
مايا:اه اه الطريق قلتلي انا اللي دماغي بتروح بعيد طب سوق سوق خلينا نعدي عليها
ادهم:اهو وصلنا اتصلي بيها خليها تنزل
مايا:اوك
رنت مايا على ندى عشان تنزل واول ما نزلت
مايا:اهو ندى هناك يا ادهم
ادهم:الله هي البت دي بتحلو كل شويه كده ليه
ندي:صباح الخير
مايا:صباح الخير
ادهم:صبااح الخير يا حبيبت.. يا ندي
مايا وقد حاولت أن تغير الموضوع ف بدأت بالكحه قاصده:كح كح كح صباح الخير يا ندى نددددي كح كح
ندي:ايه يا بنتي هتموتي والا ايه
ادهم:ياريت والله خليها تغور وتريحنا
مايا وقد ضربت أدهم في كتفه:انشاالله اللي يكرهني تصدق انا غلطانه
ندي:هو انتو علطول ناقر ونقير كده
ادهم:اه شفتي بقا رخامتها
مايا:خف يا أدهم شويه ها تعالي يا ندى جمبي خلينا نروح نشرح البشر ف المستشفي
كلهم:ههههههههه
عند نادر
كان قاعد قدام النيل وسرح شويه ورجع راسه لورا وبدأ يفتكر اللي حصل معاه من سنه
فلاش باك
نادر كان انسان محترم جدا كان شغال ف شركه من شركات باباه وكان واخد قرار انو عاوز يبدأ بنفسه وبمجهوده مش عشان هو ابن صاحب الشركات وبدأها سنه سنه لحد ما بقا رئيس شركه من الشركات دي وباباه قرر يخلي الشركه تحت رئاسته بالكامل وفعلا نادر كان مخلي باله من شغله كويس اوي وكان عاوز يعمل لنفسه اسم خاص بيه زي والده واكتر وطبعا فوزي الدمنهوري كان مبسوط من ده وكمان نادر كان منتظم ف الصلاه لحد ما ف يوم جت الموجه اللي قلبت بحر النجاح الباهر ده قلبتو جامد مخلتش فيه غير شويه رماد كان في إعلان عن سكرتيره لمكتب نادر عشان السكرتيره بتاعته استقالت لأسباب تخصها هي دخلت الشركه بنت بجيبه قصيره وشعر طويل ناعم مفرود ورا ضهرها
هايدي:لو سمحتي فين مكتب الاستاذ نادر
السكرتيره بنظره حاده:ف الدور التالت اول مكتب ف وشك
هايدي بمياعه:ثانكس
صعدت هايدي الطابق الثالث وأخذت تبحث عن مكتب نادر الدمنهوري
الي ان وجدته وأخذت تطرق على باب المكتب
نادر وكان يتطلع على بضع الأوراق امامه:اتفضل
هايدي بصوت ناعم: صباح الخير يا فندم
نادر وقد لاحظ انه صوت شخص غريب من صوتها:اتفضلي
هايدي:ثانكس انا هايدي عزام يا فندم السكرتيره الجديده لمكتب حضرتك
نادر وقد نظر اليها:اه اتفضلي ده مكتبك والأستاذ محمد هيشرحلك تعملي ايه
هايدي:اه شكرا يا فندم
نادر وقد اخذ ينظر إليها فهي كانت ذات وجه ملائكي واخذ يفكر فيها ولكن سرعان ما غير فكره عن هذا الموضوع فلم يكن نادر يهتم كثيرا بأمر الفتيات فكانت كل اهتماماته هي في العمل فقط ومرت الايام وكل يوم كانت هايدي ترمي شباكها على نادر وتقنعه بأدبها ولكن هي لم تكن كذلك بتاتا فقد كانت فقط تريد أمواله وكانت غايتها حقيره مثلها ولكن سرعان ما انخدع نادر بجمالها وأدبها(المزيفيين) وقرر ان يقول لها في يوم على مشاعره نحوها
نادر:هايدي لو سمحتي ممكن تيجي المكتب
هايدي:حاضر يا فندم
ولم تمر بضع لحظات حتى طرقت على باب المكتب الخاص بنادر
نادر:اتفضلي
هايدي:حضرتك طلبتني يا فندم
نادر:ايوا يا هايدي هو انا ممكن اطلب منك طلب بس مترفضيهوش
هايدي:اتفضل يا فندم
نادر:هو ممكن اعزمك على الغدا النهارده بعد الشغل
هايدي في سرها:ايواا بقا اخيرا نطقت
هايدي مصطنعه الجهل والبرائه:ايوا بس ممكن اعرف ايه السبب
نادر:عاوز اكلمك في موضوع كده
هايدي متصنعه الادب:الموضوع ده يخص الشغل يا فندم
نادر:واالله يعني لا
هايدي:يبقى متأسفه جدا مش هقدر اجي يا فندم انا مجرد سكرتيره عند حضرتك نتكلم في الشغل بس جوا الشركه ف وقت الشغل غير كده عن اذنك يا فندم انا اسفه مش هقدر أحقق طلب حضرتك
نادر:استنى بس انا اسف لو كنت دايقتك بس بجد الموضوع ده مهم ومتخافيش انتي يعني مش بتثقي فيا
هايدي:يا فندم المشكله مش ف الثقه المشكله انو ميصحش نروح مكان لوحدنا وحضرتك متقربليش ومش بتربطنا اي صله ده اللي كنت اقصده والله مش اكتر
نادر:ياااه يا هايدي قد ايه انتي انسانه عاقله انا اسف بجد اوي لو كنت جرحتك بكلامي بس انا بجد عاوز اتكلم معاكي ف موضوع مهم
هايدي:ماشي يا فندم بس ارجوك لازم امشي بسرعه
نادر بفرحه:اوك يبقى بعد الشغل في مطعم.....
هايدي:اوك
بعد معاد الشركه
نادر وهايدي راحو المكان اللي اتفقو عليه
وحصل........
