الحلقه١

في فيلا ضخمه في حي المعادي تطلق بضع الصرخات

امنيه:صبااااااح انتي يا صباااح

صباح:نعم يا امنيه هانم

امنيه:انتي مبتسمعيش من الصبح عماله انده عليكي

صباح:اسفه والله يا ست هانم اصل....

امنيه:انتي لسه هتقولي اصل وفصل انتي هتصاحبينيي غوري اندهي على البيه اللي فوق عشان يصحى ابوه لو جه لقاه لسه نايم هيطربق الفيلا علينا كلنا

صباح:حاضر يا ست هانم

(امنيه وهي والده بطلنا وهي سيده من سيدات المجتمع الراقي في اوائل الأربعينات من عمرها ولكن الناظر إليها لا يرى هذا لأنها تتميز بوجه طفولي جميل وشعر حريري ولكن لا يغرك هذا الجمال الفاتن فهي لا تحب في حياتها سوي المال والشكل العام أمام الآخرين وهي لا تكره في حياتها اكثر من الأشخاص ذوي الطبقه المتوسطه والفقير فهي تعتبرهم عال وعبء على المجتمع...)

نعود مره اخري

صباح وهي تطرق على الغرفه برفق خوفا من رده فعله:يا ناادر بيييه

نادر...

صباح:يا بييه اصحى يا بيه والدك لو جه لقاك لسه نايم مش هيحصل طيب

نادر بصوت جهوري:حااضر حااضر يا صباح هتنيل اغير هدومي وانزل حاجه تاني اتفضلي بقا

صباح في سرها:لا حول ولا قوه الا بالله منهم لله اللي عملو فيك كده ده انت كنت مثال للاحترام كنت زينه الشباب والله حسبي الله ونعم الوكيل

في غرفه نادر

مستلقي هو على فراشه فقد اعتاد ان يسهر مع أصدقائه ثم يعود إلى المنزل وهو ليس في وعيه حتى يصعد بصعوبه الي غرفته ثم يبدأ بشرب زجاجات الخمر انه نادر بطلنا هو شاب في السابع والعشرون من عمره يتميز بعينيه العسليتين وشعره الأسود الثقيل الناعم وجسده الرياضي فهو كان بطل الجمهوريه في الملاكمه ثلاث مرات على التوالي ولكن لا يبقى الحال علي ماهو عليه طويلا

يفتح عينيه ليلقي نظره على الغرفه من حوله ممسكا براسه فقد كان يشعر بألم شديد بها بسبب ماشربه

نادر:يوووه بقا هتنيل انزل وهسمعلي كام محاضره ع الصبح انا الحق البس وانزل اغور من وشهم اروح اقعد عند الواد شادي مسك الموبايل وخرج رقم شادي (صديق نادر الان فقد اعتاد ان يسهر معه باستمرار ولكن لا يستحق شخص مثل هذا ان يطلق عليه لقب الصديق فالصديق هو من يوجهننا الي الطريق الصحيح اذا اخطئنا هو من يعيدنا الي رشدنا وينصحنا دون رياء هو من يشاركنا اتراحنا من قبل أن يشاركنا افراحنا هذا هو الصديق الحقيقي ولكن هذا هو الحال الذي عليه بطلنا يرى ان هذا الشخص هو صديقه)

نادر:ايوه يا زميل

شادي:ايوا يا كبيير انت فين يابني

نادر:انا ف البيت هلبس واجيلك ظبتط كل حاجه

شادي:كلو تمااام يا كبيير اللي انت عاوزه بنات موجود حشيش وموجود يعني مودك هيتغير خاالص

نادر:حلو اووي احبك وانت مظبطني كده

شادي:ههههههه ماشي يا برو يلا بقا تعالي ده مفيش حد هنا الا اما سئل عليك كلو مستني الكنج يوصل

نادر:مسافه السكه ياسطا يلا سلام

لبس نادر قميص ابيض ولبس فوقه بدله كحلي ورش البيرفيوم بتاعه ونزل على السلم

امنيه:انت صحيت يا بيه

نادر:اوه نوني حبيبتي اخبار أجمل ست ف الدنيا كلها ايه النهارده

امنيه:ايوا غير الموضوع غيره ياابني انت مش هتبطل القرف اللي بتعمله ده

نادر:يا ماما يعني انا بعمل ايه مهو الدنيا كلها بتعمل كده انا والنبي مش ناقص يا ماما انا يادوب الحق اخرج قبل ما بابا يجي ويشتغل التحقيق بتاع كل مره

امنيه:يا نادر استنى هنا انت لازم تشوف حل في اللي انت بتعمله ده كده ميصحش منظرنا بقى وحش قدام الناس يا ابني

فوزي الدمنهوري(والد نادر):مهو كلو بسببك يا هانم

نادر:صباح الخير يا بابا

فوزي بصوت جهوري:تقصد مساء الخير انت عارف الساعه كام بقا في واحد شحط زيك كده يصحى الساعه دي٦ المغرب وتقولي صباح الخير يااخي صباح الزفت على دماغك

(فوزي الدمنهوري):وهو والد بطلنا وهو صاحب اكبر سلسله شركات سياحه بالشرق الأوسط وهو شخص تقليدي وصارما على ابنه نادر لانه يأمل من الله ان يعود كما كان وايضا هو لا يحب اي تغيرات وهو على عكس زوجته امنيه فهو لا يوجد لديه فرق بين الاغنياء والفقراء ولا يؤمن بالفوارق الطبقيه

نعود مره اخري

امنيه:بالراحه يا فوزي مش كده لو سمحت ميصحش كده

فوزي وقت علت نبره صوته اكثر:انتي تخرسي خاالص كلو منك انتي والزفته اللي خلته في الوضع ده يا ابني ماكنت كويس كنت شايل شغلي كله على ضهرك كنت انسان وراجل محترم كنت معتمد عليك في كل حاجه كنت سندي يا نادر انا كبرت ومش باقيلك كتير يا ابني ليه يا ابني كده حرام عليك نفسك كل ده على شان واحده حقيره ضحكت عليك

نادر بصوت عالي:بابا لو سمحت مش كل ماانسي تفكروني حرام عليكو انا مش عاوز افتكرها بطلو بقا سيبوني ف حالي.

وكان لسه هيمشي من الفيلا بس صوت والده العالي وقفه

فوزي:و انت بتنسي اللي حصل معاك بأنك تروح الأماكن القذره مع الأشكال الزباله دي بدل ما تشغل نفسك ف الشغل وأصحابك دول مش أصحاب دول عالم زباله هيسيبوك اول ما فلوسك تخلص افهم بقا

نادر:بابا لو سمحت ممكن منفتحش الموضوع ده تاني وبعدين انا اللي اخترت ابقى كده ماشي وبعدين انا مبغصبش حد على حاجه مبقولهمش والنبي تعالو حبوني

فوزي:يا ابني كما تدين تدان ممكن بعد ما تتعدل وتتجوز مراتك يحصل معاها كده او بنتك وبعدين مش كل البنات هايدي افهم بقا

نادر وقد ظهرت على ملامحه الغضب الشديد:بابا ممكن متجبش سيره البنيئادمه دي انا مش عاوز افتكرها واحده زباله وراحت لحالها متفكرونيش بقا مش ذنبي اني كنت انسان طيب كنت غلطان ايوا كنت غلطان متفكرونيش كل مره اني كنت اهبل كفايه بقا حراام

فوزي:لا هتفتكر وهفضل افكرك كل يوم عشان لازم نحط حد للي انت بتعمله ده كده مينفعش انت بقيت انسان قذر وميبقاش يأثر فيك الكلام عارف بقيت زيها تخيل بقا

نادر:يعني انتو مصممين تفكروني سلام يا بابا انا ماشي

فوزي بصوت جهوري:يكون ف علمك يا ولد لو مااتعدلت لاسحب منك كل حاجه الفلوس والعربيه وباب الفيلا ده مش هتعتبه انت فاهم يلا يا نادر روح اماكنك القذره اللي بتسهر فيها مع شويه السكرانين بتوعك وابقى تعالالي تاني اعمل نفسك ندمان ورجعت تاني انسان محترم عشان تسحب مني فلوس وتروح تصرفها عليهم تاني نسي نفسك بالزباله يا ابني روح وقولي هتقف قدام ربنا ازاي يلا برافو انت كده راجل بجد انت كده انسان يعتمد عليه امشي اطلع برا انا من النهارده ابني مات انت فاهم ماات اطلع برا براا

دمعت عين نادر من اللي سمعه من والده ومشي من سكات

امنيه:ياابني يا نادر استنى بس... اهو مشي مبسوط يا فوزي كده ليه بس كده يافوزي تزعلو انا معاك انو غلط بس بالراحه كده مش كويس عشانك وعشان يعني انا هتبسط لما حد فيكو يحصلو حاجه يافوزي ماكننا كويسين ياربي

فوزي:انتي عمرك ماهمك حد فينا يا امنيه على طول باصه لنفسك وبس انتي انانيه يا امنيه كل اللي همك شكلك وأصحابك والنادي ورأسه الجمعيه اللي انتي فيها غير كده لا مبيهمكيش منك لله يا امنيه انتي السبب في اللي ابني فيه..

وحصل...