بحكم الشغلانة... ✋

اية الفرق بين السيلز والبروكر ؟؟

ناس كتير قوي النهردة بروكر . بتتعامل كانها بياعين .

وبياعين بتتعامل علي انها بروكر .

وشركات كتير تبقا مطورين . وبيشغلوا السيلز بتوعهم بروكر .

وعشان ده شائع كتير جدا ويكاد يكون اصبح العادي

فلازم نوضح انت مين لما تتكلم ك بروكر . وانت مين لما تتكلم ك سيلز .

اولا .

البياع ؟؟

شخص بيقدر يفهم قيمة وهدف منتج محدد .. ويوصلها لعميل محدد تتوفر فيه

( الرغبة او الحاجة _ الاهلية للشراء _ والقدرة المادية)

ودورة انه يوصل للعميل ده ان المنتج ده قيمه ١.٢.٣ وانها مناسبه معاه

طيب لو مش مناسبة ؟

يرجى انه ميرشحش الحاجة دي .

يعني لو عندك شقه واحدة في الدور ال ١٢ . ومعاك عميل ٦٠ سنه هو اللي هيسكن . اتمنى متحاولش تبهرة بمساحة الاسانسير 🤝😖

طيب البياع ايه مهاراته ؟

( اقناع_ تاثير _ تواصل فعال _ اغلاق صفقات )

ويفضل يكون عنده خلفية واعية بعلم النفس ..

طيب ده مش موجود خد كل كلمه منهم كوبي .

وحطها علي بحث اليوتيوب . و٣.٤ ساعات وهتبقا علي اول الطريق 🙌

جميل طيب والبروكر؟؟

البروكر دورة المعرفة -

معرفة الخيارات البيعية المطروحة وتحليلها . ومعرفة المميزات والعيوب والمشاكل المحتملة والمميزات الايجابية .

عشان كدا بيسموه ( مستشار )

يتعلم كل ده . عن منطقه معينه او عن شريحه معينه من المنتجات.

زي مثلا الموبيلات او العربيات وخلافه .

والشخص ده بيكون عنده نفس مهارات البائع +

( التحليل _ والتقييم _ متابعة السوق المستهدف _ تحليل العملاء _ والشرائح المستهدفه من العملاء . )

دي بعض من مهاراته الاضافية مش كلها . ودورة هنا مش انه يبيع اصلا للعميل

دورة هنا انه يوجه ( رغبات العميل او احتياجه _ وقدراته الشرائية )

في اتجاه المنتج الانسب ليه بناء على تحليلاته ومعرفته بالسوق والسوق اصلا بشكل عام 🤝

كلام جميل ... انا بقى استفدت ايه من كل ده ؟؟.

استفدت انك لو شغال في شركة ( مكس )

تعرف تفرق امته تكون بياع . وامته تكون بوكر .

وان مهراتك لازم تكون كتيرة ومعرفتك واسعه لو هتشتغل بروكر وحابب ده يبقا كريرك واكل عيشك .

ولو انت شاب لسه جديد في المجال . اديك عرفت دورك والمطلوب منك .

وفي البوست اللي جي ... لو لينا عمر يعني 😂

هكلمك عن الخريطة اللي بيمشي عليها العميل .

لحاد البيع مايتم ويبقا صحبك ويهتم بيك وكل حاجه .

من اول سلام عليكم في الكولد كول .

لحااد شكرا سلام عليكم . لما يمشي .

سواء اشترى . او كاريزما بقى وكدا 😂🤝

#ربنا_يسعدكم