بعد ما هللنا كتير عن البحث العظيم اللي قدمناه في المؤتمر
جه وقت الفضايح وإني أشارككم الإنجاز العظيم اللي أنا عملته 😁
أنا من يومها مشفتش الفيديو ولسة شايفاه وأنا بظبطه للنشر
فوجئت الصراحة بالأداء الفظيع اللي أنا فيه
ومش فاهمة الحقيقة هم صبروا عليا إزاي لحد ما خلصت
يعني سبحان من صبرهم والله
وواضح إن المنصة مكنتش طايقاني وبيبصولي اللي هو ايه اللي هي بتهبله ده 🧐
وكنت بجري ورا الكلام عشان ألحق أقول أكبر قدر من البحث قبل ما الوقت يخلص وريقي نشف وكنت بنهج وحاجة آخر مرار والله 🥲
بس يشفع لي برضه إن دي أول مرة (أو تاني مرة) في حياتي يعني لو حسبنا مرة الجامعة
ده أنا حتى في نادي الأدب عمري ما حاضرت في ندوة أقوم أطلع مؤتمر بحاله 🥹
حتى يوم ما ناقشت مجموعتي القصصية سواء في نادي أدب قصر ثقافة روض الفرج أو نادي القصة بأسيوط محدش ساب لي الحديدة دقيقتين ع بعض قاعدة زي الهبلة ع المنصة ببتسم لأي حد يتكلم وخلاص فكتر خيري برضه يعني 😇
التعليقات
تجربة جميلة تضيف للشخص كثيرا، الموضوع يحتاج لمهارات مثل مهارات الإلقاء، بالنسبة لك بعد خوضك هذا المؤتمر ما الأمور التي وجدتي أنك بحاجة لتطويرها لديك؟
لا بأس سارة تكفي شرف التجربة وأنك كسرتي حاجز الخوف وخضتي التجربة أيًا تكن النتيجة، لكنك فعلتها وهذا هو الهام، والمرات القادمة سيتحسن أدائك في كل مرة عن سابقتها.
لكن عن ماذا كان يتحدث البحث؟ شاركينا إن أمكن.
بالعكس خطوة الكثير منا لا يجرؤ على اتخاذها أنتي شجاعة. شاهدي الفيديو أكثر من مرة حتي تعرفي متى فقدتي التركيز ومتى توقفتي لتحسني من أدائك وفي المرة القادمة إن شاء الله حددي أهم الأفكار فقط وتكلمي عنها باختصار وتبسيط وممكن أيضًا تجربي تتدربي أمام صديقة أو تسجلي مقاطع قصيرة لنفسك وتشاهديها