احببت وياليتني لم احب..

كنت اراه كل يوم ! كل يوم!!! بس كنت معجبة ب واحد تاني والحد التاني الي كنت معجبة فيه ما كان يحبني بس اعجاب بالمظاهر بس انا ما كنت عارفة وضليت اجي من الطريق الي هو بيجي منه والحقه وكنت عنجد اضل اتخيل اشياء حلوة.. بس انا شخصيتي انه انا بتعلق بحد بسرعة خصوصي الشباب اما البنات الي متلي عادي بعديها خلص تخطيت وكملت طريقي والي كنت معجبة فيه خليته يختفي من حياتي وللآن بمر من عنده لانه طريقي من عنده عادي بتيجي عيونا بعيون بعض بس عادي زي كإنه انسان عادي جدا زي م كان المهم كان في شب تاني عم يتطلع علي من وقتها وانا برضه ما كان يهمني..بعد فترة صار الاشي يهمني وصرت نفس الحكي امر من الشارع الي بكون فيه بس كان يعمل نفس الشب الاول مع انه كان اول ميشوفني جاي يبلش يعلي صوته او يقرب من المكان الي بكون فيه ما بعرف يمكن ما كانت نيته هيك لانه كان يعلي صوته لما اكون مع صحبتي وصحبتي حلوة كتير احلى مني تقريبا فكنا لما نمر من عنده يبلش يعمل حركات وهيك بعديها لاحظت انا بس ما اظن انه صحبيتي لاحظت المهم..صرت امر من هناك لحالي بس ما كان يعطي اهتمام ما كان يحكي شي بس صحابه اما هو لا وصراحه هاد شي ضايقني كتير كنت مفكرة انه معجب وهيك ما تلوموني كنت مش واعية وللآن صعبة علي بس معلش..انا بعرف انه الي ما بيعطي اهتمام ما نعطي الاهتمام ف ما حد يلومني ع اللي عم بعمله لاني جد حاسة بضيق وممكن اعمل اي شي حتى اخلص من هالضيق الي جواي انا اهلي كل يوم بذلو فيي وبقللو مني وما بشوفوني الا وبسمعوني كلمة بتغص البدن.. بس مع هيك بحبش اضعف قدامهم وابكي ببكي لحالي وما ببين انو محروق دمي بس ما بنكر اني عم بعيش برضه ايام حلوة معهم وانه اكيد حشتاق لهاي الايام وهاد وعد مني الهم الاهل الي ربوني على الستر والعفو والرحمة مستحيل اكرههم لو شو ما صار بس اصعب اشي انه الاهل يكونو ضدك فأشياء انت حابب تبرز حالك فيها وانك تنجح فيها ويشمتو فيك ويسخروا منك فااا بس والله حبيت اعبر عن مشاعري عن هاي الفترة كلها والله يحمي كل عيلة وما يفرقهم عن بعض ويجمعني بعيلتي في الجنة يارب وبكل احبابي ويجمعني فيكم دمتم سالمين..