الوقت..
غريب آوي الوقت. في كل حركة للعقرب فيه مليون حدث بيحصل
ولاده-موت-فرح-حزن-جواز-طلاق-سفر-تخرج... إلخ
ماشي ولا بيستنى حاجه وده الأكيد إنه مش بيستنى حد ولا حاجه
وعلى الرغم إنه مش بيستنى حد بتفرق حركة عقاربه مع حد
الحركه الواحده بتفرق كأنها بتقول: يا تلحق يا متلحقش
يا تفضل في مكانك و شخصيتك و سنك و تكبر شكلاً بس
يا هتكبر معانا عادي و تتغير مع كل حركه مني
-طيب أنا عايز وقت لنفسي وقت مستقطع زي ما بيقولوا لازمان و لامكان
بيرد:مفيش يا حبيبي، يا تيجي معانا، يا هيتحط عليك في اللازمان بتاعك
-يعني هفضل طول عمري بجري وراكي
يرد:ايوه لو عاجبك، مش عاجبك انت المسئول ولا تلومن إلا نفسك،لما توصل أبقى خدلك وقت مستقطع بس برضه هتحتاجني.. لأن وقتها هلف بالعكس و هتحتاج مني حركات معدوده وقتها هقولك بح يا حبيبي خلاص
....
منحنى ماشي.. بيطلع و ينزل لغاية م يخلص الحبر و يقف و معاه اخلص لأن الوقت خلص
غريب يا وقت.. تديني و تاخد مني
...
محادثه يوميه بين البني آدم و الوقت و لما تخلص يقف القدر حكم..
يقولهم انت هتكفر يلا منك ليه بربنا و تنسى إنه قال (إنا كل شئ خلقناه بقدر)
قدرك في وقتك اللي هو أنا عاجبك عاجبك مش عاجبك.. ربنا يقولك (لأسلطن عليك الدنيا، تركض فيها ركض الوحوش في البرية ثم لا يكون لك منها إلا ما قسمته لك)
اللي هو قدرك يا غبي..
نام و استريح بس.. اعمل باللي ربنا اداهولك تتحرك بيه (الأسباب)
وقتها يا وقت انت اللي هتسعده مش هو اللي هيطلب منك يا بني آدم عرفت.
....
التعليقات