امرات مواقف صغيرة بتخلي الانسان يفهم كتير اشياء ...المواقف الصغيرة التفاصيل المنسية و اللي قليل لحدا يفهمها بتخليك تلاحظ اشياء ما كان ممكن تفهمها عن حالك و عن الناس حتى بخبرة سنين
الزعل و الوجع اللي جوا قلوبنا و ما حدا ييعرفه الناس اللي يتوقف معنا بالخفاء قبل العلن و الناس اللي بفكرو انهم بيعرفونا منيح و هما ما بيعرفو حتى شوي
ليش الوجع جوانا عم يزيد و احنا لسا بعمر صغير ؟ ليش جيلنا بدو يجرب كلشي بدون خوف و حدود و خطوط حمرا ؟ و ليش كل ممنوع مرغوب ؟
و ليس لما تعبت و بطل الي طاقة لحدا انت جيت ؟وليش وقفت معي و انت اكبر خط احمر بحياتي ؟ ليس كان لازم يكون انت ؟ و ليس لازم أتركك و انا كلي رغبة بانو اضل مع الانسان الوحيد اللي وقف معي لما ولا حدا لاحظ انو انا اصلا مستنزفة ؟ ليش فهمتني ؟ و ليش قلبي تعلق و حط كل امله بموقف و كم كلمة ؟
التعلق لما يكون الانسان ضعيف هو اصعب إشي ممكن الانسان يجربه و انك تتعلق بفكرة شبه مستحيلة و توقف عليها و تامن انو جد ممكن تصير هاد لحاله امل قاتل ببطئ بخليك تفكر انو في امل في فرصة و الفرصة هاي حتى بالاحلام ما بتحقق بس مين بدو يقنع قلبي انا ؟
و ليش اللي مفروض يكون فهمني و اقرب علي قلبيا ابعد علي مسافة ليش لما تكون انت الشخص الصح قرر القدر تكون بعد المسافة حاجز و السبب انو تكون انت مستحيل
يمكن بغير زمن بغير مكان بغير عالم ممكن تكون انت و انا صح بس حاليا ؟ احنا مجرد خطا مستمرين فيه بيهون جرحي و جرحك و بيعطيك امل انو في حدا معك بيسمعك بواسيك و بوقف معك بحزنك و بيلهيك عنه بس احنا مجرد خطأ عم يكبر. تعلق مرضي او حتى تعلق حاجة و هاد هو الاصعب لانو احنا و احنا ضعيفين بكون بدنا حدا يسمعنا و لما حدا يسمعنا و احنا بموقف صعب بتشوف عيوب الشخص هاد إيجابيات بس انت كنت غير ما كنت الاول بس كنت الوحيد كنت الضوء اللي رح يوديني لعالم انا ما بعرفه عالم دخوله وردي و نهايته دم اسود
رغم انك خطأ الا انك خطأ حلو و حلو كتير ....
و بلهجة جزائرية من مريولة
#Meryoula
