: ظاهرة "ذكاء الدرج"
"أهلاً بيكم. كتير مننا بيتحط في مواقف أو مناقشات مع حد، والحد ده بيقول كلمة بتضايقنا أو كلمة مستفزة، وبنقف مش عارفين نرد، وعقلنا بيقف عن التفكير تماماً. وبعد ما بنمشي وبنخرج من المكان، وأول ما رجِلنا تلمس أول درجة في السلم (الدرج)، نلاقي الردود المناسبة والمثالية بدأت تظهر في عقلنا، وبنقول لنفسنا: 'يا ريتني كنت قولت كذا، ويا ريتني كنت رديت وقولت كذا'."
"الموضوع ده في علم النفس ليه مصطلح شهير جداً اسمه 'ذكاء الدرج' أو L'esprit de l'escalier. والمصطلح ده أول من أطلقه هو الفيلسوف الفرنسي 'دينيس ديدرو'. الفكرة هنا إن عقلنا في وقت الضغط أو وقت الاستفزاز، بيدخل في حالة دفاع عن النفس، والجهاز العصبي بيفرز هرمونات بتخلي التفكير المنطقي يتوقف تماماً."
"اللي بيحصل إن الجزء المسؤول عن المشاعر (اللوزة الدماغية) هو اللي بياخد القيادة، فبيحصل حالة من 'التجمد' العقلي. لكن بمجرد ما بنبعد عن الموقف وبنبدأ نهدأ، بيبدأ الجزء المسؤول عن التفكير المنطقي (القشرة الجبهية) يشتغل تاني، وهنا بتبدأ الردود تظهر في دماغنا بس بعد فوات الأوان."
"لو الموقف ده بيحصل معاك كتير، ده مش معناه إنك معندكش سرعة بديهة، لكن ده رد فعل طبيعي للجهاز العصبي. شاركوني في التعليقات: إيه آخر موقف حصل معاكم وجه في بالكم الرد المناسب بس 'على السلم'؟"
وده رابط لفيديو بيشرح الفكرة كاملة علي يوتيوب