السلام عليكم
لا أعرف ما أقول وأعلم أن هذا موقع غير ديني ولكن.. على الرغم من كوني فتاة محجبة لاألتزم بالحجاب أمام أوولاد عمي وعمومتي وخالتي
هذا يزعجني وأشعر بالحرج وعائلتي ليست متدينة جدا. وحين بدأت بالحجاب كنت أشعر بألفة لهم كنت صغيرة جزئيا ولم ينصحني أحد
والمعروف أنهم أجانب
أود حقا الإلتزام ولكن الآن لا أعلم كيف أبدأ بعد مرور كل هذا الوقت..... وأخاف من الله
في أول مرة سوف تشعرين برهبة ولكن قلتي أنكي تودين الإلتزام حقاً و تخافين من الله ففي كل لحظة تشعرين بالرهبة تذكري كلماتك هذه و الرهبة التي لديكي هي من ردة فعلهم من المفترض ألا يعلقو على الموضوع ولو علقو واستغربو أجيبي بهدوء وثقة على كلامهم أو اسئلتهم(هلأ لو كان عندهم فهم و وعي المفروض ما يسئلو صدقاً لأنو هذا الوضع الطبيعي،ولكن لو حكو مثلاً ليه متحجبة؟احكيلهم ليش مش هاد الصح والطبيعي إني أتحجب؟!بكل ثقة و هدوء ،لو حكو ما أنتي ما كنتي تتحجبي في وجودنا احكيلهم كان غلط و الله هداني عقبال عندكم ،وشوفي لو كانت الجمعة فقط انتو من دون الأهل صراحة هاي بحد ذاتها غلط ولازم تتركيها حتى لو كانو أقارب) ولما تجاوبي على أي حدا علق بهدوء وثقة الآخرين بخجلو على حالهم و ما بعلقو وبصفي حط حالو بموقف مش حلو كوني قوية🤍
ربي يهديني وأعمل بذلك ، إدعيلي
دائما الخطوة الأولى ناخذها احنا صعب بينما لو حد كبير وجهنا والزمنا بذلك بكون أسهل إمتثال الأمر
الحمد لله ما في جمعة بدون الأهل وما في أحاديث وتعامل إلا بسيط بس الأمر أمر الحجاب
الله يقويكي و يهديكي بلا ما تحكي دعيتلك🤍هلا شوفي كون الجمعة بوجود الأهل و بحدودها فالموضوع بصير اسهل عليلكي يعني اتخيلي معي قاعدين و انتي قاعدة ومتحجبة مش منطق حدا بوجود الأهل يحكيلك ليش متحجبة حتى ولو كنتي من قبل كنتي من دون حجاب بالعقل إذا حدا حكاها فهي وقاحة و هو الي بحط حالو بموقف بشع مش أنتي لأنو واضح وضوح الشمس إنو هو الغلطان،أم لو أكل هم أمك أو خالتك تحرجك قدامهم وتحكيلي مثلاً يخالتي ليش متحجبة مهم زي أخوتك شوفي المناسب أما بتمهدي للموضوع معهن وانتو لحالكم وبتفهميهن إنو صح بتعزيهم زي أخوتك ولكن المعزة لحالها لو كانت كافية كنتي شاركتيهم ميراثهم لي بالميراث بمشو صح و بغيرو بتكوني زي الاخت؟! لأنو ولا عمرك بتكوني أختهم و تقعدي معاهم بدون حجاب حرام ،وبتقدري تحكي لأمك أو خالتك أو عمتك من هاي الطريق أو تحكيلهن لو خطيبة ابنك كانت تقعد مع قرايبها بدون حجاب بتحكيلها تتحجب ولا بتتركيها عادي؟!صدقيني رح يسكتن ،وبالنسبة لأنو لو كان في حدا أكبر منك يلزمك صح بكون أسهل إلتزام الأمر ولكن برضو لما تكوني لوحدك بتفرضي شخصيتك إنو اتخذت القرار لأنو الصح والي لازم يصير مش فحاجة حدا يلزمني و إن شاء الله كلو بأجرو ،و بالصلاة ادعي والله صدقيني اشياء بسيطة كنت اقلق بخصوصها أقوم قبل الفجر أصلي ركعتين و احكي الي بقلبي كلو مثلاً كان عندي مشكلة بمادة بالجامعة و كنت خايفة الدكتور ما يكون متعاون وما يسجلي إياها فلما صليت قبل الفجر صرت ادعي يا رب يسرلي أمري والله ما بتصدقي كيف الدكتور كان جداً متعاون و تيسرت أموري ادعي حتى لو كان الاشي صغير الله الوحيد الي بسمعك و ما بستصغر مشاكلك فما بالك لما تكون المشكلة كيف تصلحي من نفسك وتتقربي منو ! سبحانو بقول (إن تقرب إلي شبرًا؛ تقربت منه ذراعًا، وإن تقرب مني ذراعًا؛ تقربت منه باعًا، وإن أتاني يمشي؛ أتيته هرولة)
ربي يسعدك يارب شكرا كثير في ميزان حسناتك
بتعرفي بكره حد يقرب العلاقات كثير ولو من باب المعزه لأنها بعيده عن المنطق كلها متل
يحكو زي إمك زي أختك حتى هدول يلي ما فيهم شي ، وكمان أنا زي أبوكي مهو زي أخوكي
بس إن شاء الله ربنا يهديني وفي ميزان حسناتك
ويسعدك يا رب🤍🤍🤍آمين أجمعين إن شاء الله 🤍
اااه ما دخل أنو بعزك أشي و حقيقة العلاقة اشي تاني،ولا حدا بكون زي امك او ابوك او اخوكي مهما بلغت معزتو
امين يا رب الله يهديكي ويقويكي🤍وصدقيني في أمور كثير منحسبها و منقلق منها ولا اشي منها بصير اغلبها بتكون وساوس من الشيطان لا غير و إحتمالية حدوثها ضئيلة جداً ولكن منقلق و منعطي الموضوع كثير من تفكيرنا في وقت كل الي بحتاجو أنو نقدم عليها وما نفكر وكل اشي بتيسر على سبيل المثال في المدرسة كثير زميلات كنن يتوترن و يقلقن من موضوع الإذاعة المدرسية و كل الموضوع كان الخروج و تقديم الفقرة،خوفهن من نسيان النص الصوت المنخفض الخطأ خراب الميكروفون وقوعها في طريقها إلى المنصة و كثير أشياء كنن يرجفن و متوترات و كلهن قلق منها و بعد ما تنتهي الفقرة يكتشفن الموضوع ما كان بستاهل القلق فقط إنها تطلع و تقدم الفقرة،و هون نفس المبدأ كل ردة فعل متوقعتيها فكري بجواب و حل إلها وما تخليها تردعك،الله يوفقك يا رب 🤍وييسرلك أمورك🤍🤍
أعتقد أن سبب الخوف، هو التفكير في ردة فعلهم أكثر مما تُريدين، وهذا سيضرك أنتي في النهاية.
من رأي أن تنظري في أمرك، وتختاري أكثر ما يُريحك، ثم تبدأين فيه، سواءً تقبل الناس ذلك بسرعة، أو أعتادوا على الأمر مع مرور الوقت .
التعليقات