مجتمع للمبدعين لمناقشة وتبادل الأفكار حول التدوين وصناعة المحتوى. ناقش استراتيجيات الكتابة، تحسين محركات البحث، وإنتاج المحتوى المرئي والمسموع. شارك أفكارك وأسئلتك، وتواصل مع كتّاب ومبدعين آخرين.
104 ألف متابع
مطلوب مني اعمل سكريبت اعلان لكورس كتابة المحتوى بعلم من الصفر للإحترافية بلهجة عامية انا كتبت هيك وبهمني رأيكن.
"وأنا عم شوف ألبوم الصور... شفت صورتي وأنا وصغيرة. كنت حبّ الكتابة كتير. بس... ما نمّيت هالموهبة."
"تمنّيت لو فيني أرجع بالزمن…"
الصوت الداخلي:
"فتحت عيوني... لقيت حالي بحارتي القديمة.
شفت روزنامة عالأرض... وقتها فهمت: الزمن رجع فعلاً!"
"ومشيت... لحد ما شفتني... أنا وصغيرة.
الصوت الداخلي:
"قربت عليها... عيوني كلها دموع.
كأنها حست إني أنا من المستقبل…
عطتني بيضة سحرية، وقالتلي:
'هي اللي رح تغير قدرنا، فيها كل إجاباتك
(لقطة البيضة بين إيديها، ضايعة، مستغربة)
الصوت الداخلي:
"رجعت للحاضر... والبيضة معي.
ضلّيت قول: 'افتح يا سمسم'... توقعت يطلعلي عفريت، شي سحر…
بس مافي شي تغير."
الصوت الداخلي:
"يئست... حسيت إنه ما في شي عم يشتغل.
بس قلت لحالي: جربي تكتبي، متل زمان."
(بتمسك القلم، وبتفتح دفتر فاضي، بتكتب أول جملة… البيضة تلمع فجأة، وبتنفتح لحالها.)
الصوت الداخلي:
"ولما كتبت… فتحت البيضة.
جواها كانت ورقة قديمة… بس مش أي ورقة.
كان فيها رابط… واسم كورس.
'مهارة المحتوى'
كورس بيعلمك كيف تكتب، كيف تأثّر، كيف تخلق محتوى يشبهك…
من أول فكرة… لآخر نقطة.
ختام – شاشة فيها اسم الكورس + دعوة بسيطة]
النص على الشاشة:
اكتشف مهارة كتابة المحتوى – وسحر التأثير الحقيقي
ابدأ رحلتك اليوم… مع كورس مهارة المحتوى.
يرجى الدخول لحسابك أو تسجيل حساب لتستطيع إضافة تعليق
حساب جديد
دخول