يحاول جاهدا أن يفتح عينيه ولكن تظل الرؤية بيضاء لا يعلم ما حدث معه ولا ما يحدث الآن أين هو؟ ولماذا لا يستطيع النهوض. يسري صوت الي أذنه" تلك الحاسة الوحيدة التي لم يصعب عليه استخدامها " أحمد.. حبيبي قوم يلا حمد الله علي سلامتك. نعم انه يعلم صوت من هذا؟؟ نعم يعلمه جيدا ... انه صوت أمي اعلمه جيدا .. لكن لا استطيع رؤيتها ، لكن أين انا الآن؟؟.. نعم نعم انها الجنة بلا شك .. نعم فالجنة تحت أقدام الأمهات وتلك هي أمي الي جواري ، لكنني لست من الشهداء او الصالحين حتي ادخل الجنة دون حساب. يا إلهي أين انا. ؟؟
يحاول جاهدا أن يرفع حاجبه ويفتح عينه حتي بدأت الرؤية تضح رويدا رويدا.
نعم انها أمي استطيع ان اميزها حتي لو كانت الرؤية صعبة علي وهذا أبي نعم .اذن أين انا في هذا المكان الأبيض.
يحاول أن يفرك عينيه حتي تتحسن الرؤية ليجد بذراعه الأيمن ذلك الخرطوم الذي يمرر المحاليل وأصابع اليد اليسري جهاز بسلك بالكاد يستطيع فرك عينيه بعد قيود أسلاك الأجهزة والمحاليل.
احمد حبيبي الف حمد الله علي سلامتك.. ينظر إليها فعلا انه أمي ودموعها تملأ جفونها وهذا أبي ودموعه تسري علي فمه الضاحك المبتسم والمتمتم 'الف حمد وشكر ليك يارب ' .
- انا فين وإيه اللي حصلي.
_ ريح نفسك يا حبيبي وهحكيلك.كل حاجة انا مش معايا غيرك ده انا سبت طابور الاستفتاء بعد ما وقفت فيه 4ساعات لما أمك قالتلي انك فوقت .
- استفتاء بتاع ايه تاني. ؟؟
-يا احمد مفيش سياسة ولا مظاهرات تاني هي سبب رقدتك هنا في المستشفي بعد ما اتخبطت علي دماغك قوم يا حبيبي ده انا كسرت الوديعة اللي سايبها باسمك في البنك وجبتلك العربية البيكانتو الزرقا موديل السنة اللي نفسك فيها.
_عربية ايه بعد ما عوم السيسي الجنيه ورفع الدعم عن الوقود وكل حاجة وبعدين ازاي تجيب عربية زي دي ب200 الف جنيه.
-حبيبي سيسي مين وجنيه إيه اللي عام .
_ السيسي اللي عمل انقلاب علي مرسي اللي نجح في الانتخابات بعد حسني مبارك اتنحي للمجلس العسكري.
-حسني مبارك مين اللي يتنحي ده الريس عملنا العلاوة وزود المرتبات ورخص الاسعار ده انا بقولك جبتلك العربية ٣٥الف وكل الشعب نازل الاستفتاء عشان يكمل مدي الحياه.
_ده حصل أمتي الكلام ده؟؟ احكيلي بالله بالتفصيل.
- بعد ما مبارك قال الخطاب التاني الناس كلها اتعاطفت معاه وروحت وهو ظبط الشعب بعد كده.
_ وموقعة الجمل؟؟ هو تاريخ النهاردة إيه ؟؟
_ النهاردة ٤\٧
سنة كام.؟؟
هو إيه اللي سنة كام ؟؟ ٢٠١١ يا احمد هي الغيبوبة اثرت عليك ولا إيه؟؟
_ يعني مفيش تعويم جنيه ومرسي راجع والسيسي رئيسي وتحيا مصر.
- يادكتور تعالي شوف الواد ماله.
_لالا يلا بينا يا بابا انا هروح الاستفتاء معاك. مبارك لازم يكمل
