استغربت كلامها أوي، بس لما ركزت لقيت إن فيها الخلاصة اللي ضيعت مني كل رمضانات اللي فاتت.
لقيت ابنها بيقولها: "آه، زي كل سنة بتكلميني من بره الأوضة وعمرك ما تدخليها طول شهر رمضان".
بصراحة الفضول أكلني، مقدرتش وسألتها: "هو فيه إيه؟".
ضحكت وقالتلي: "من أول ما يقولوا رمضان بكره، مبدخلش الأوضة اللي فيها التلفزيون، ولا أفطر جنبه، ولا أتسحر جنبه، ولا حتى أفكر أعدي قدامه وهو شغال". سكتت شوية وسألتها: "ليه لدرجة دي؟". قالتلي: "آه، وكمان لو لقيت ولادي بيحكوا أو جوزي بيقول مسلسل فلان أو برنامج علان، بقولهم محدش يحكي قدامي".
وقالتلي جملة بسيطة بس بجد لو ركزنا فيها مكنش ضاع منا رمضان كل السنين دي: "أنتي ضامنة تخلصي رمضان ده؟ أو واثقة ليكي فيه كام يوم صيام وعبادة؟".
حرفياً التلفزيون ده كارثة، أنت بتتحاوط ليل نهار بإعلانات تخلي ذهنك صاحي طول الوقت: "طب هتفرج على ده؟ لا ده أحلى! شوفتي الممثلة فلانة؟". وتلاقي رمضان ضاع بين التلفزيون والمسلسلات، لدرجة لو فاتك حاجة تجري على الفون تجيبها!
بس خطتها دي حلوة أوي.. تخيل تبعد عنه وتشغل نفسك بالمصحف فقط، تروح شغلك وتيجي تصلي فرضك وتمسكه، لا مسلسل ولا أي شيء يشغلك عن ده. بجد ربنا يبارك لها في الفكرة دي، وأنا عن نفسي هحاول أجربها.. هو أنا صامنة حتى أصوم لآخره؟
ربنا يتقبل منها 'اللانهايه' وما بعدها.
