اللي بفاجئني فعلًا إنو أحيانًا نكتشف اليوم أشياء ما كنا نعرفها مبارح،
ونكتشف أشخاص على حقيقتهم بعد ما كنا شايفينهم بصورة مختلفة.
هذا الإشي مزعج، مش لأن الحقيقة دائمًا سيئة،
بل لأن الإحساس إنك ما كنت تعرف الشخص فعلًا بيوجع.
مش ضروري الإنسان يكون سيّئ،
ممكن يكون عنده سرّ ما كنت أعرفه مبارح، وعرفته اليوم،
وهذا لحاله كفيل يغيّر نظرتك لكل شي.
كلنا بنعرف إنو الأسرار إذا صارت بإيد غيرنا بتتحوّل لسلاح،
وأحيانًا لو كان سلاح كان أهون.
عشان هيك لازم نكون حذرين مع مين بنحكي وشو بنحكي.
أنا بدي أعيش حياة مريحة،
حياة بدون أسرار،
لأن بالنسبة إلي الأسرار خراب حياة الأشخاص.
الشي المخفي غالبًا بيكون مختلف،
وممكن بأي لحظة يتحوّل لفضيحة لو انكشف.
أحلى شي بحياة الإنسان إنو يعيش بدون كذب،
بدون ناس تلبس أقنعة،
إنك تعرف إنو اللي قدامك واضح، مش مخبّي شي.
نصيحة:
كون حذر مع الأشخاص شو بتحكي.
وحتى لو حدا أعطاك سره، لا تأمنه تمامًا،
ومع هيك خليه أمانة وما تطلّعه.
علاقتك مع الآخرين لازم تكون محدودة،
أربعة أشخاص بالكثير،
وتحكي معهم بحذر،
سواء كانوا أهلك أو غيرهم.
وإذا كان عندك أسرار،
خليها إلك،
جواتك أأمن وأرحم من إنك تحطها بإيد غيرك.
كون واعي وفاهم الحياة،
لأنك إنسان بطبعك ممكن تحكي سرك أو سر غيرك بدون ما تنتبه.
إذا بدك تحكي،
احكي مع المخدّة،
أو مع الحيطان،
أو مع التخت،
أو مع الورد،
أو مع الشجر،
أو حتى مع المي أو مع حيوان…
بس لا تحكي لأي إنسان.
صغير أو كبير،
الكل نفس الشي.
كوني قوية من الظاهر،
حتى لو من جواك في تعب.
صلّي، صومي، اشتغلي، ادرسي، العبي،
اللعب ما إله دخل بالعمر،
ولا بالشكل…
إله دخل بالحياة نفسها.