وما خفى أعظم...
اعتذر لأن المقال مختلط ما بين العامية المصرية والسورية والعربية الفصحى... انصح كل مسوق مهتم باعلانات فيسبوك... او التجارة الالكترونية او المايندسيت... بقراءته
.
وانصح بإعداد فنجان قهوة... وان لا يكون هناك شيء تريد عمله ومن ثم قراءة المقال لأنه طويل جدًا ولكن مليء بالكثير من المعلومات
النهاردة هنتكلم عن فيسبوك بشكل مُختصر، وبعدين نبدأ بالأساسيات، والسكيل :)
الشرح هيكون متقسم على الشكل دا:
1- الناس اللي بتهبد أو بتهري... إلخ.
2- مفتاح النجاح في الشوبيفاي (مش الإعلانات).
3- الـ Mindset، وطريقة التفكير.
4- تنظيم الحملات.
5- يعني أيه BEP.
6- الأستراتيجي، وليه هنشتغل بيها.
7- إمتى ممكن ألاقي الويننج بروداكت + أنواعه.
8- ميزانية الـ Adset المناسبة، والفرق ما بينهم.
9- بيكسل الفيسبوك، واللي هتحتاجه.
10- نصايح عن الـ Camping & Target & Test.
11- الإعلان الناجح بيتكون من إيه.
.
.
1- الفيسبوك هو المستقبل رُغم كل اللي بيعمله مارك، وصدقني اللي بيقول غير كدا دا بيهري في أي كلام، وكل يوم في جديد، ومع الوقت هيكون في حاجات كتير هتتحسن، وعشان كدا لازم تفضل تطور من نفسك على قد ما تقدر في الفيسبوك.
.
الناس هنا في مصر بتهري في الحتة دي بغباء، ومع احترامي للكل طبعًا حتى التوب هنا في مصر بيهروا في الحتة دي، والله... إلا من رحم ربي
.
2- مفتاح النجاح في الشوبيفاي (مش الإعلانات).
.
مفتاح النجاح في الشوبيفاي أو أي بيزنس في العالم مش التيست الكتير... واللي بيقول كدا دا بيهري برضوا... التيست الكتير يُعتبر [نجاح مؤقت]، عشان النجاح الحقيقي، واللي لازم تفكر فيه بجد... هو أنّك إزاي تبدأ تبني براند صح، وتخليه يسمع.
.
مثال على دا موقع BlueCrate.com... الناس دي اكتسحت الدروبشيبنج، وأي فيديو بينزلوه بيوصل لأكتر من 50 مليون مشاهدة، وفي 543543 صفحة مليونية، وبراندات بتنشر فيديوهاتهم، وعامل متاجر بكل الدومينات...
.
خلونا بس نعمل حسبة بسيطة، ونعرف ليه البراند هو الأفضل:
لنفترض أنّ من الـ 50M مشاهدة دخل عبس 1% على لينك المنتج، ومن الـ 1% اللي اشتروا بس 0.50%، وكان الربح من المنتج 10$ فالحسبة هتكون على الشكل دا:
.
50.000.000 * 1 / 100= 50.000 * 0.50 / 100= 250 * 10 = 2500$ في اليوم * 30 = 7.500$ في الشهر.... من فيديو اخد معاهم ساعة شغل، ودي حسبة بأقل تقدير... عشان هو أكتر من كدا بـ 1543543 ضعف، وفي Shopolis.com، وكبداية لينا التيست كويس... لحد ما نبني براند لنفسنا،
.
.
3- الـ Mindset، وطريقة التفكير.
.
طريقة التفكير أو العقلية أو المايندسيت زي ما بيقولوا [لازم تغيرها]، ودا معناه مُمكن يفشل معاك 42423 منتج، و42423 حملة، دا مش معناه أنّك خسرت فلوس، وخسرت وقت، وتسيب المجال، وتفضل قاعد تدور على حاجة تانية... أي بيزنس في نجاح، وفي خسارة، دي حاجة مفروغ منها...
لما يحصل معاك كدا حاول أنّك تفضل مكمل، يعني روح خود فلوس، أو اشتغل أي حاجة عشان تجيب فلوس، وارجع كمل تاني في المجال...
.
صدقني أنّت مخسرتش... بالعكس:
أنّت تعلمت حاجات كتير مكنتش تعرفها في الفيسبوك.
بقى معاك داتا كويسة، وتقدر تعيد تدويرها، وتقلبها لربح، وتشتغل بيها.
بقى عندك خبرة أكتر، ولما ترجع تبدأ من جديد... هتكون عارف بتعمل ايه.
.
فكرة النجاح بالاستمرارية صدقني... هو مش لازم أقول كدا، بس اللي حصل أني وصلت لمرحلة باخد من ابويا في اليوم 10 جنيه عشان اقعد ع القهوة ههههههههه، بعد فشل أبن لذينا جابني الأرض... بس اللي كنت واثق منه أنّ أنا بعد سنة هقدر أني أوصل لـ 100K بشكل شهري... لو فضلت مكمل، ع الطريق اللي انا ماشي فيه أو الـ بلان اللي أنا حطيتها لنفسي.
.
- ليه تفضل مكمل.... بكل بساطة التجارة الإلكتروني هي المستقبل، ودليل على دا المؤشرات، وفي براندات بتبيع بالتجزئة قفلت بسبب التجارة الإلكتروني، وهيكون في تطور كبير في المجال مع الوقت، وعشان كدا حاول تفضل مركز، ودايمًا تتعلم، وتطور من نفسك... لا أفيليت، ولا فريلانسر، ولا برمجة، ولا تصميم، ولا الحاجات دي... هتدخل ربح زي... التجارة الإلكترونية... الموضوع مش مقتصر بس على أنّك تاخد منتج من مورد على AliExpress... في حاجات تانية كتير.
.
.
4- تنظيم الحملات.
.
يعني إيه تنظيم الحملات؟؟! ... لازم حملاتك تكون منظمة بشكل صحيح عشان تنجح، ولو منظمتش الدنيا في حسابك الإعلاني [هتُقع وقعة كبيرة صدقني]...
.
- ازاي ننظم الحملات:
.
- في البداية لازم كل كامبين، وكل ادسيت، وكل إعلان يكون ليهم أسم يونيك (فريد).
لما تيجي تعمل إعلان Conversion مثلاً... بيكون أسم الكامبين [Conversion]، والـ Adset بيكون أسمها [USA +18]... تخيل حسابك الإعلاني كله بالاسماء دي!.
مش هتعرف تسكيل، ولا هتعرف تميز الإعلانات، ولا هتعرف تميز الكامبين، ولا هتعرف تعمل حاجة، ولا تنظم أمورك... طيب خلونا ناخد مثال:
أنا عملت حملة PPE، واللي هي أختصار لكلمة [Page Post Engagement] فهتكون الأسماء لكل من الـ Camping, Adset, Ad على الشكل دا:
.
Camping: PPE - ProductName - BEP X$
Adset: USA - Interest - Age - Size Audiance
AD: Video 1 OR Image 1
.
- يعني ايه الكلام اللي فوق:
1- في الـ Camping:
ضفنا كلمة [PPE]، في أول الأسم، وهنا أنا ميزت نوع حملتي.
ضفنا كلمة [ProductN]، تالت حاجة، دي منغيرها بأسم المنتج.
ضفنا كلمة [BEP X$]، ودي نقطة التعادل... هنشرحها بعد الجزئية دي.
.
2- في الـ Adset:
ضفنا أول حاجة [USA] البلد اللي انا مستهدفها في الادسيت بتاعتي.
ضفنا تاني حاجة [الإنتريست] اللي انا مستهدفه في الأدسيت.
ضفنا تالت حاجة [الأعمار] اللي حاطتها في الأدسيت.
ضفنا رابع حاجة [حجم الأوديانس (الجمهور)] اللي ظهرلي في الأدسيت
.
- احنا ليه عملنا كدا؟؟!
أولاً دا هيساعدك أنّك تقدر تعمل كوستوم أوديانس، وتعرف أنّت عامل الكوستوم أوديانس لأنهي كامبين، وهيساعدك كمان في وقت السكيل... بمعنى، وقت اللي تيجي تسكيل، وتعمل أوبتمايز للكامبين، هتعمل أكتر من أدسيت جداد... فاللي بيحصل هيكون في عندك على سبيل المثال 30 أدسيت لدول مختلفة... ازاي هتقدر تميز ما بينهم؟؟! بالتنظيم، وهيكونوا على الشكل دا:
.
Adset1: USA - MakeUp- 18-65 - 2.5M
Adset2: USA - Sephora - 18-65 - 1.3M
Adset3: USA - Dior - 18-54 - 5.8M
Adset4: UK - Makeup artist - 18-65 - 4.2M
Adset5: WW - Sephora - 18-65 - 9M
.
اللي حصل أنا عرفت أنّ في أول ادسيت مستهدف أمريكا، بأنتريست Makeup، بأعمار من 18 لـ 65، وبحجم جمهور 2.5 مليون.
الأدسيت رقم 4 عرفت أنّي مستهدف المملكة المتحدة، وبأنتريست Makeup artist، وبأعمار من 18-54، وبحجم جمهور 4.2 مليون.
الأدسيت رقم 5 عرفت أنّي مستهدف جميع أنحاء العالم، وبأنتريست Sephora، والأعمار من 18-65، وبحجم جمهور 9 مليون.
.
طيب، ولنفترض أنا عايز أعمل اوبتمايز للكامبين، واقلبها من PPE لـ Conversion، فهيكون أسم حملتي التانية على الشكل دا:
.
- Camping: PPE - USA - ProductName - BEP X$
Transaction
- Camping: WC - USA - ProductName - BEP X$
.
الـ WC اختصار لـ [Website Conversion].
.
اللي حصل فوق أنّي ميزت حملتي التانية، فلما أجي أشوف الداتا أو الاحصائيات الخاصة بالمنتج هعرف أنّ الداتا دي بتاعت حملة الـ PPE، وأنّ الداتا التانية بتاعت حملة الكونفرجين WC لنفس المنتج
.
ضروري ضروري لازم تنظم حملاتك، ودا هيساعدك بتنظيم حاجات كتير، وقراءة الداتا بشكل أفضل، ومش هيكون في لخبطة، أصل انت ممكن في الكامبين تطلع بحدود 50 ادسيت وقت اللي تعمل اوبتمايز للكامبين بتاعتك، فـ مش هينفع كل الادسيت يكونوا بأسم واحد أو اسماء عشوائية... عشان في عندك ريتارجيت، ولوكالايك، واوبتمايز، وسكيل ....إلخ. الموضوع بسيط جدًا بس هيفرق بشكل كبير جدًا معاك.
.
.
5- يعني أيه BEP:
.
معنى BEP، واللي الناس بتحطها دايمًا في اسماء الـ Campin .... معناها (نقطة التعادل، بين المُنتج، وهامش الربح (على حسب فهمي للموضوع).
مثلاً لنفترض في منتج على موقع AliExpress بـ5$، وأنا هبيعه بـ20$ ... إذًا هامش الربح، أو الربح الصافي من المُنتج هو 15$ <--- دا اسمه BEP.
.
الناس ليه بتستخدمها في الإعلانات. كل ما هنالك إنّ دا بيسهل عليهم قراءة الداتا أو الإحصائيات أفضل، وبيعرفهم ربحهم من الكامبين بشكل أسرع... يعني من كلمة BEP في نهاية اسم حملتك. هتقدر تعرف هي مربحة أو لأ في ثواني من حجم المبيعات، واللي انت صرفته، وهتوفرلك وقت، وحسابات كتير.
.
مثال بسيط أنا أخدت منتج من AliExpress بـ5$، وأنا هبيعه بـ20$ ... فـ نقطة التعادل بتاعتي = 15$ ... فـ هروح، وأسمي الكامبين بتاعتي على الشكل دا:
WC - NameProduct - BEP 15$
.
- ازاي دا هيساعدنا في قراءة الداتا:
.
لما اطلع حملة، وتكون نقطة التعادل 15$، وبتعمل مبيعات، واشوف الاحصائيات، وأنّ تكلفة كل عملية شراء = 15$ أو أكتر هعرف أنّي أنا بخسر فلوس من الحملة دي، بس من مُجرد أنّي بصيت على أسم حملتي وشوفت أن الـ BEP = 15$، ولو كان على كل عملية شراء بدفع 5$ بس... هنا هعرف أنّ حملتي ناجحة .... وهنا قدرت أميز، وأعرف حملتي بتربح أو بتخسر من غير ما اضطر أنّي احسب، وادخل صفحة المنتج ...إلخ، وكل اللي عملته أنّي بصيت على ( أنا بدفع كام + أسم حملتي)، ودي هتوفرلك وقت بشكل كبير جدًا على فكرة.
.
.
6- الأستراتيجي، وليه هنشتغل بيها.
.
- الاستراتيجي: احنا هنشتغل باستراتيجي تقريبًا ناس كتير عرفاها، واللي هي [One Interest Worldwide]، بمعنى هنحط استهداف واحد في الـ AdSet، وهنشتغل على جميع انحاء العالم، مش بس أمريكا، وهنعمل Exclude لدول الـ Tier 3، وطبعًا هنغطي كل حاجة فيها، إمتى نوقف الحملة، وامتى نستأنفها، وامتى نسكيل...إلخ، ودي دلوقتي تُعتبر من الاستراتيجيات اللي 70% من بتوع شوبيفاي شغالين بيها... انت خود الفكرة، وشكلها براحتك.
.
- ليه هنشتغل بيها، وليه نجحت الطريقة؟؟!
كلنا عارفين أنّ خوارزمية فيسبوك بتتغير كل فترة، ودايمًا في جديد. بس اللي بيحصل دلوقتي، واللي لازم تاخد بالك منه بكل حملاتك هو [الأستهداف] عشان متضيعش فلوس مع أنّ الاستهداف بشكل 25% من نجاح الكامبين...
.
المُهم خلونا ناخد مثال عملي مع شرح سبب نجاح الاستراتيجي دي...
لنفترض أنّ احنا شغالين على منتج تقطيع خُضار.... أول حاجة، واللي الكل بيعملها هو أنّهم بيستهدفوا الناس دي Top Chef, Tasty, Buzzfeed Food, Cooking...etc، دا اسمه [خلطبيطة].
عشان احنا استهدفنا براندات مع شخصيات مشهورة، مع كيوورد عامة ..إلخ، وفي الحالة دي شتتنا خوارزمية الفيسبوك، وقولنالها روحي جيبيلي من الناس دول شوية، ومن الناس دول شوية، ومخلينهاش تركز على فئة مُعينة من الناس.
.
دا معناه أنّ لما نخلي الـ AdSet تركز بمكان واحد هيكون ادائها أقوى بأضعاف، ودا سبب نجاح الاستراتيجي دي، واللي هو أنّ احنا منحط [استهداف واحد في الأدسيت]، ومنخلي خوارزمية الفيسبوك تركز على نوع واحد بس من الناس، وتصُب كل تركيزها عليهم، وتعمل أوبتمايز عليهم بشكل قوي.
.
.
7- إمتى ممكن ألاقي الويننج بروداكت + أنواعه.
.
ناس كتير هتقول أنّ بعد تيست كل 20 منتج ممكن ألاقي 2 ويننج أو منتج واحد، فـ بيروح، وبيعمل تيست لـ 5 منتجات في اليوم، وهو مش معاه فريق... صراحًة دا مفهوم غلط، واللي هو من بين كل 20 منتج أنا هلاقي 1 منتج فائز... مُمكن ما تلاقيش أصلاً، وممكن من أول منتج يكون ويننج.
.
الناس بتقول تيست كتير في اليوم عشان تلاقي الويننج أسرع، ودا مش صح بنسبة 100%... بالنسبالي أنا بحب أنّي اتيست في اليوم منتج 1 بس، والمنتج دا أركز فيه على كل تفصيلة إنّ كان في (الديسكربشن، وصور المنتج /الفيديو /الاستهداف /صورة الفيديو الرئيسية)...إلخ، مُمكن تعمل تيست لمنتجين في اليوم كأقصى حد، دي أفضل حاجة صدقني، لما يبقى معاك تيم كويس... جرب 5 و10 منتجات في اليوم.
.
لما أعمل تيست لـ 5 منتجات في اليوم، وأنا لوحدي... مش هقدر أنّي أركز على المنتجات، ولا هقدر أركز بالفيديو، وهحط نفسي بضغط + هبذل مجهود أكتر، ومش هقدم الكواليتي اللي الناس محتاجاها....
.
عشان كدا أنّي أعمل تيست لمنتج كل يوم أو كل يومين، وأقدم الكواليتي المطلوبة أفضل بكتير من أنّي أتيست 5 منتجات بدون كواليتي.
.
الويننج بروداكت، وأنواعه:
.
الموضوع متقسم لـ 3 اجزاء
1- الـ Small Winners: اللي هو مُمكن يجبلك في اليوم من 50$ لـ 100$ بس، وبتحسهم أنّهم بطلوع الروح بسبب البُطئ في البيع، المنتجات اللي بتعمل كدا بتكون متشبعة في السوق بشكل كبير.
.
2- الـ Medium Winners: دا ربحه بيكون متوسط، وهيجبلك ربح ما بين 200$ لـ 500$ في اليوم... بس مش بيفضل لوقت طويل، النوع دا بيكون مش مُتشبع أوي، وبيكون في مثلاً انت، وكم ستور شغالين عليه بس، واللي بيحصل مش بيدوم لوقت كتير عشان هتلاقي 453543 واحد شاف الإعلان، وبدأوا ينسخوا إعلانك.
.
3- الـ Big Winners: ودا التوب اللي بيجبلك في اليوم ما بين 1K لـ 4K ربح صافي... يعني بعد ما تدفع أعلاناتك، ومديونياتك، وكل حاجة.
.
ازاي تعرف أنّ دا ويننج بروداكت أو لأ.... طبعًا بناءً على الاحصائيات، والداتا اللي بتظهر. بس اللي لازم تتأكد منه هو [ثبات البيع]، واللي دا معناه أنّ المنتج بقاله 3 أيام أو يومين ورا بعض بيعمل مبيعات بشكل مُتسق، ومُربح.
.
يعني مش هينفع من أول يوم يجيلك مثلاً مبيعتين، وتاني يوم تزود الميزانية... مثال:
يعني في منتج احنا طلعنا عليه حملات، وأول يومين عملنا 10 مبيعات، وبعد اليومين بخ مفيش مبيعات.. روحنا عدلنا، وظبطنا، وزودنا ميزانية، ومفيش أي مبيعات لحد ما قلبت معانا بخسارة بعد ما صرفنا ههههههه...
.
فـ أول نصيحة حاول أنّك متتعلقش ببروداكت، يعني شيل عواطفك على جنب ... يعني متحولش تنجح حاجة مش ناجحة غصب عنها... عشان في النهاية هتلاقي نفسك دافع مثلاً 1000$ وربحك من الموضوع كله بس 100$ أو هتقلب معاك بخسارة، ودا يُعتبر تضييع وقت، وتضييع فلوس.
.
في منتجات هتعملك ربح كتير، وفي منتجات هتعمل ربح قليل جدًا، وممكن تفضل تتيست أول 10 تيام من غير ما تجيب مبيعة... الفكرة بس أنّه لازم تفضل تحاول، وتجرب، وتشوف فين الخطأ، وتطور من نفسك، وصدقني هتوصل... في كل الأحوال هتخسر فلوس، وبنفس الوقت هتربح فلوس...
.
بمعنى لو خسرت 1000$ بالتيست على منتجات... ممكن تعوض الـ 1000$ دي في يوم واحد من منتج واحد... بمعنى المنتج الفائز هيغطيلك كل الخساير بتاعتك بيوم واحد.
.
لازم تفهم السوق بشكل بسيط، وليه العميل مش بيشتري؟ وتفهم يعني ايه معايير المنتجات
1- هل المنتج بيحل مشكلة؟
2- المنتج بيوفر وقت أو بيقلل من الجهد بالنسبة للعميل؟
3- هل السعر مناسب للفئة دي مقارنًة بأداء المنتج؟
4- ايه هي الفوائد أو القيمة أو الشعور اللي هتعود على العميل لما يستخدم المنتج؟
5- هل المنتج فريد من نوعه؟
6- هل هيقدروا يلاقوا المنتج في أي مكان؟
.
لما تقدر تجاوب على الأسئلة دي، وكانت كلها متوفرة في المنتج بتاعك فدا يستحق التيست.
.
- من الحاجات المهمة كمان اللي لازم ناخد بالنا منها أنّ في فترات زمنية للمنتجات (Q1, Q2, Q3, Q4)
.
العوامل الرئيسية اللي بتبين انه ويننج بروداكت....
.
1- منتج بيحل مشكلة، ولأكتر من فئة.
2- القيمة التصويرية بتاعته عالية.
3- منتج يونيك، وجديد وقتها كان كدا
4- مش متوفر بـ وال مارت، ومفيش ستورز شغالين عليه غير واحد كان، مفيش مشكلة لو كان موجود بامازون أو ايباي.
5- الفيديو بيدي تأثير الـ WOW.
فلما نشوف 3 معايير من اللي فوق متوفرين بمنتج فدا معناه إن احتمالية يكون ويننج بتكون كبيرة.
.
.
8- ميزانية الـ Adset المناسبة للتيست، والفرق ما بينهم.
.
في ناس كتير هتقولك أنّ 5$ مش مناسبة للتيست، صدقني دا مفهوم غلط 100%... مفيش حاجة أسمها الميزانية دي هتنجحني، ودي لأ... على سبيل المثال:
طلعنا حملة لمنتج بـ 3 ادسيت، وحطينا لكل ادسيت 3$ ميزانية، في ادسيت منهم عملت 163$، وكانت صارفة بس 3.65$.
.
جربنا بنفس الأستهداف، وبنفس المنتج، وبنفس الوقت، ومغيرناش حاجة غير أنّه حطينا 100$ للأدسيت ... صرفت الأدسيت 80$ من غير مبيعة واحدة، والتكلفة علينا زادت، ودا معناه مفيش رقم سحري بيتحط في الميزانية هيخليك تعمل مبيعات، أو يخلي كل حاجة تشتغل بشكل صحيح بنسبة 100%.
.
الميزانيات العالية بتفرق بس بأنّها بتوصلك لناس أكتر يعني الـ [الوصول، أو بما يُسمى الـ Reach] بيعلى لما تزيد الميزانية، ودا معناه أنّ كل ما كان في وصل أكتر للناس كل ما دا هيزيد المبيعات بشكل أكتر... بس دا بيعتمد على حاجات كتير منها المنتج...إلخ.
.
توضيح أكتر للموضوع:
لما تحط 5$ للادسيت، دا معناه إنّ إعلانك هيوصل لـ 700 شحص في اليوم.
لما تحط 10$ للادسيت، دا معناه إن إعلانك هيوصل لـ 1200 شخص في اليوم.
.
بمعنى الكلام اللي فوق، ولنفترض أنا طلعت حملة لمنتج، وحطيت ميزانية 5$ للأدسيت، وقلي الفيسبوك أنّ أعلاني هيوصل لـ 700 شخص في اليوم، وشغلت الحملة، وجبت مبيعتين مثلاً.... دا مش معناه أنّ لو أنا حطيت الميزانية 50$ أنّي هوصل لـ 35 ألف شخص في اليوم، وهعمل 10 مبيعات....
.
فمحدش ياخد مُعدل الوصول اللي بيظهروا لينا فيسبوك كمقياس صحيح، أصل في متغيرات كتير بالموضوع... انت ممكن لو حطيت 50$ توصل لأكتر من العدد دا بكتير، وممكن توصل لأقل منه، وممكن متجبش ولا مبيعة، وزي ما قولنا دا بيعتمد على متغيرات كتير زي المنتج، والفيديو، وصفحة الديسكربشن، والناس اللي بتدوس على الإعلان، واللي بتحط لايك، والشير، واللي بيدوسوا على الرابط ....إلخ.
.
في نوعين من الميزانيات [ميزانيات عالية التكلفة /ميزانيات منخفضة التكلفة]:
.
الميزانيات العالية: كل ما كانت الميزانية عالية = وصول للناس بشكل أكبر = مبيعات، وعملاء محتملين أكتر = مبيعات أسرع.
.
بس من سلبياتها أنّ لما تحط 100$ للأدسيت... مُمكن تخسر، ومتعملش مبيعات لو اشتغلت حملتك فوقت غلط أو كان يوم غلط، وعلى حسب فهمي أنّ أحيانًا لما تحط ميزانيات عالية... الفيسبوك بيرفع التكلفة عليك (مش متأكد من المعلومة دي).
.
فالأفضل أنّي أشغل حملاتي بميزانيات قليلة، ومحطش البيض كله بسلة واحدة، ولو هتشتغل بميزانيات عالية. لازم يكون عندك استراتيجية معينة، وليها طرق زي الكيس ستادي بتاعت Abdullah Zekrullah، واللي تقريبًا من افضل الاستراتيجيات اللي شوفتها أصل هي بتعتمد على أنّك تلم داتا، وتغذي البيكسل بتاعك بشكل كويس، وبتقلب الكولد ترافيك لـ وارم ترافيك.
.
الميزانيات القليلة: حلاوتها أنّ مفيهاش مخاطرة، وبتخليك توصل للعملاء بتكلفة أقل، وربح أعلى... يعني في حملة عندنا صرفت 3$، وعملت مبيعات بـ 163$ تقريبًا.
وكمان مش هتحط البيض كله في سلة واحدة. بمعنى بدل ما اطلع ادسيت واحدة بـ 100$... مُمكن أطلع 20 أدسيت باستهدافات مختلفة بـ 100$، ودا بيساعد أنّك توصل لشرائح مختلفة من الناس بشكل أكبر.
.
بس من سلبيات الميزانيات القليلة: أنّها بطيئة في المبيعات، ومش بتوصل لناس كتير على عكس الميزانيات العالية... بس اللي يهمنا أنّ يحصل مبيعة أو اتنين على الأقل، وبعدين احنا ممكن نتوسع.
.
فالأفضل أنّك تطلع على الأدسيت بميزانية 5$، وبنفس الوقت لو حصل مبيعات هقدر ازيد من عدد الأدسيت. أصل ربحي هيكون أعلى، وبتكلفة أقل.. بس في ناس شغالين بميزانيات عالية، وبيعملوا أرباح ممتازة، ودا معناه أنّ مفيش حد صح، وحد غلط... مُمكن اللي يشتغل معايا، ميشتغلش معاك، ودا عن تجربة.
.
.
9- بيكسل الفيسبوك، واللي هتحتاجه:
.
مش محتاج اكتر من بيكسل واحد (هتحتاج 1 متجر عام، و1 بيكسل ضمن المتجر العام)، الي بيقول محتاج لك نيتش بيكسل دا هري، وهبد صدقني.
.
أول حاجة لازم تنزل TRACKIFY APP، معروف أنّ شغلنا كله بيعتمد على البيانات الموجودة في البيكسل، ومن غير بيكسل مش هنقدر نعمل حاجة... لما نيجي نضيف بيكسل الفيسبوك بشكل عادي في الستور.. إنّ كان عن طريق الاكواد، أو عن طريق الخصائص مش هيفيد، وعن تجربة.
.
ليه احنا هنستخدم تطبيق TRACKIFY:
1- هنقدر نعمل تحويلات مخصصة مقسمة حسب المنتج (custom conversions = CC).
2- هنقدر نعمل جماهير جماعية مخصصة للمنتج (segmented custom audiences)K ودا معناه بناء شرائح لجمهور مشابه بـ (LLA).
.
وهيساعدنا بالسكيل، ويسهلنا قراءة الداتا بشكل أفضل، وأسهل... بمعنى احنا منحتاج على سبيل المثال لـ 300 فيو كونتنت للمنتج عشان نعمل لوكالايك بشكل مربح.
.
غير كدا في حاجة اسمها RR_TRACK TAGS، هتلاقوا ليها شرح في صفحة التطبيق، كمثال سريع هتلاقي في بالتطبيق
.
نقط حمراء على سبيل المثال بتكون اصغر من 100 دي معناها مش هتقدر تعمل لوكالايك او كوستم اوديانس.
النقط الصفراء على سبيل المثال بتكون من 100 لـ 299 دي معناها تقدر تعمل لوكالايك وكوستم اوديانس بس مش هتديك نتايج مثالية.
النقط الخضراء على سبيل المثال بتكون اكتر من 300 ودي معناها انه لو عملت كوستوم اوديانس ولوكالايك ف هتظبط الدنيا معاك.
.
لما تيجي تستخدم التطبيق دايمًا ضيف الـ rr track لمنتجاتك.
لم تشوف منتج ليه نتايج كويسة بالتطبيق هتقدر تنشئ تحويلات مخصصة استنادًا لعلامات الـ rr-track الي ظهرتلك، واللي هي النقط الي شرحناها فوق.
.
خلونا ناخد مثال على دا دلوقتي.... احنا ظهرلنا بعلامات rr track (الفيو كونتنت، والادد تو كارت، والبرشيز).
لما اشوف أنّ الفيو كونتنت اخضر +300 فـ هروح اعمل لوكالايك ع الفيو كونتنت، واطلع حملة برشيز،
لما اشوف في عندي 250 ادد تو كارت ف هروح اعمل لوكالايك على الـ ATC.
لما اشوف في عندي 150 مبيعة (برشيز) هروح اعمل لوكالايك ع البرشيز.
.
طيب لم يكون في عندنا +200 ادد تو كارت، وبرشيز هنا هبدأ أعمل اوبتمايز للحملة بتاعتي على الـ ادد تو كارت أو البرشيز (start optimising my ads for the ATC or PUR CC event)....إلخ.
.
تطبيق TRACKIFY هيساعدك بأنّك تتحرك من مرحلة التيست لمرحلة السكيل بسهولة.
.
.
10- مفاهيم عن الـ Camping & Target & Test.
.
اللي لازم تعرفه أن نجاح الكامبين من فشلها بيعتمد على 3 نسب مئوية:
1- الـ 40% (40% PRODUCT SELECTION)، نحاح إعلانك /حملتك أو منتجك بيعتمد بنسبة 40% على أختيارك للمنتج، وتاني حاجة:
.
2- الـ 35% (35% AD CREATIVE)، وتاني حاجة بيعتمد على إبداعك بالإعلان إنّ كان بالفيديو، أو الـ Ad Copy (النسخة الإعلانية)، أو طريقة شغلك.
.
3- الـ 25% (25% TARGETING)، الاستهداف بيمثل 25% بس من نجاح الحملة
.
لاحظ إن التارجتنج آخر حاجة، ف متحاولش انك توصل "للاستهداف المثالي"، هدفك من الاستهداف بس إنشاء داتا كافية للبيكسل، عشان تقدر تعمل LLA قوية تقدر توسع نطاقها بشكل كويس.
.
لازم تعرف أنّ ربحك كله هيكون في الـ LLA صدقني هي اللي هتقدر تحقق فيها اكبر قدر من الربح، واللي لازم تعرفه كمان ربحك مش بيكون في التيست، ولا الاوبتمايز، وزي ما قولنا الربح كله بيكون في اللوكالايك.
.
وقت التيست متحددش جنس مُعين إلا إذا كنت متاكد 100% ان المنتج لنوع معين من الجنسين حصرًا على سبيل المثال [BRA]، هنا وقتها هنحط الجنس Female...
يعني على سبيل المثال...
.
مرة اشتغلوا على منتج نسائي، واستهدفوا فيه الرجالة بس، ولعبوا بالنسخة الإعلانية الـ Ad Copy، وكان معدل التحويل أعلى من لما طلعوا، واستهدفوا النساء... فالموضوع محتاج أنّك تفكر بس بشكل مختلف، وبزاوية مختلفة.
.
حمل الإكستينشن دي Download FB Audience Insights Plus chrome extension هتفيدك في الاستهداف بشكل كويس.
.
الـ Target:
.
دايمًا استهدف على نطاق واسع، الفيسبوك هيظبطلك كل حاجة لوحده صدقني.
ليه نستهدف على نطاق واسع؟؟!
الجماهير أو الأوديانس الضيق اللي بيكون ما بين 300K لـ 700K دا مش جمهور مثالي، والمنافسة فيه رخمة... فلما تستهدف على نطاق واسع ما بين 900K لـ 15M هتقدر تتوسع بشكل أكبر دا الجمهور المثالي، وأفضل، ومفيش حد أقصى للجمهور، وعشان كدا حاول أنّك متشتغلش على الجمهور اللي بيكون أقل من 850K
.
.
11- الإعلان الناجح بيتكون من إيه.
.
أول حاجة دايمًا لما تيجي تطلع أي حملة... حصرًا حصرًا لازم تكون [فيديو]، 80% من الإعلانات الناجحة بتكون فيديو.
.
خوارزمية الفيسبوك دايمًا بتفضل إعلانات الفيديوهات + أنّها بتجذب الإنتباه أكتر من الصور بنسبة 80%، وهتقدر أنّك تعمل LLA لمشاهدات الفيديو على عكس لما تطلع إعلان صورة، وبيكون التفاعل على الفيديوهات بشكل أفضل، والتكلفة للألف ظهور بتكون أقل (CPMs)، وتكاليف أقل للنقرة (CPCs)، ومبيعات أرخص).
.
في حاجة مهمة لازم ناخد بالنا منها، واللي هي مش نصيحة تنسخ فيديو أي إعلان، ومش نصيحة تاخد أي فيديو من يوتيوب، ودا عشان الحقوق...
.
يعني مُمكن عشان الموسيقى اللي في الفيديو تاخد بلوك لحسابك كله، وممكن بسبب صورة تاخد بلوك، ولو نسخت فيديو إعلان تاني... ممكن تاخد بلوك...
.
اللي لازم تعمله لما تنسخ حاجة من دول... أهم حاجة أنّك تغير الموسيقى بتاعت الفيديو، وممكن تستخدم القناة دي بتوفرلك موسيقى مش عليها أي حقوق (http :// bit .l y/2QzN827)، النسخ، والحاجات دي بيأثر على نقاط الجودة بتاعت حسابك.
.
صورة الإعلان:
.
صورة الإعلان من أهم الحاجات اللي لازم تاخد بالك منها... شوفوا الأمثلة دي:
- إعلان رقم 1: http :/ /bit . ly/ 2Qxiyqc
أول حاجة أعملوله [Save]، ولاحظوا الصورة بتاعت الإعلان.. الصورة حاطط X على اللي بيلعبوا رياضة، وعلامة (صح) على المنتج، وفوق في ايموجي... طبعًا، وأنا بقلب في الفيسبوك أكيد صورة زي دي هتلفتلي انتباهي
.
- إعلان رقم 2: http :// bit. ly/ 2QyLPAO
حاطط دايرة في أي مكان، وضايف سهم، وايموجي... الناس بتستخدم الصور دي عشان تلفت انتباه الناس، وهما بيقلبوا فدا بيخلي اليوزر يتفاعل مع إعلانك لما يشوفه.
.
إعلانات مشابهة، شوفو صورة الفيديو الرئيسية:
http :// bit. ly/ 2OHhbYF
http :// bit. ly/2zVPLGk
http :/ /bit .ly/2BZuehi
.
حاول أنّك لما تعمل صورة لإعلانك تكون ملفتة، واستخدم الايموجي، والدوائر، والأسهم الحمراء، عشان تلفت انتباه الناس، دا بيفيد في الإعلان بشكل كويس.
.
الصور بتلعب دور مُهم بتقليل التكلفة في الإعلان... يعني في دراسة حصلت أنّه طلعوا إعلانين بنفس الوقت، والاستهداف، والأد كوبي، وكل حاجة.. الفرق الوحيد كان في الإعلان الأول الصورة غامقة، والإعلان التاني خلفية الصورة بيضاء...
الإعلان التاني كان فيه التفاعل، والزيارات، والكليكات، ومعدل الوصول أعلى، والتكلفة كانت على سبيل المثال 25$...
.
الإعلان الأول اللي كانت صورته غامقة، كان التفاعل عليه قليل، والزيارات قليلة، والكليكات قليلة، ووصل لعدد ناس أقل، والتكلفة كانت 35$...
.
اللي حصل أنّ الصورة لعبت دور مهم، وكبير جدًا في الإعلان.. الأد كوبي، والكلمات اللي هتستخدمها في الإعلان بتقلل من التكلفة، والهيدلاين بيقلل من التكلفة... كل الحاجات دي بتقلل من التكلفة، وعشان كدا لازم الكيوورد اللي هتستخدمها في إعلانك متوافقة، ومتناسقة مع الكيورد اللي بصفحة منتجك.
.
فيديو الإعلان:
.
الناس بتكره الإعلانات، وعشان كدا حاول أنّ إعلانك ميكنش إعلان.
الناس بتحب تشوف الإعلانات اللي فيها ناس حقيقيين بتستخدم المنتج مثال: (http :/ /bit .ly/ 2C0b4aU)، دا مش مثال مثالي... المُهم حاول أنّك تركب مقاطع لناس بتستخدم المنتج، مع نصوص بتظهر بتشرح مميزات المنتج ..إلخ.
حاول انك تستخدم الصور المتحركة اللي بتضحك، وممكن تحملها من موقع giphy.com/reactions، وتضيفها في الفيديوهات... مثال: لنفترض أنّ كان في مقطع للمنتج، وحل مشكلة أو مقطع بيضحك .... فأنا ممكن مثلاً أضيف الصورة دي بعد المقطع ( https :// gph .is/2u5wDCk)... الحاجات دي بتزيد من الشير، واللايك، والتفاعل مع الفيديو، ودا معناه مبيعات أكتر، وتكلفة أقل.
.
حاجات مُهمة لازم تعرفها:
.
لازم في الفيديو بتاعك تجذب انبتاه العميل أول 3 أو 5 ثواني.
مدة الفيديو تكون ما بين 30 ثانية لـ 1 دقيقة.. وأفضل حاجة الـ 30 ثانية.
لازم في الفيديو توضح الغرض من المنتج، وتبين فوائده، وتضيف تسميات توضحيحة.
لازم المنتج يظهر في كل جزء في الفيديو.
من الحاجات اللي بتزيد معدل الكونفرجين (وجود اشخاص حقيقيين بيستخدموا المنتج).
العب على العواطف، ونقاط الألم لإقناع العميل.
.
يعني أيه نقاط الألم... شوفو الفيديوهين دول:
الفيديو الأول بين نقطة الألم في أول الفيديو: http :/ / bit. ly/2DZHBR8 بس مش هي دي نقطة الألم المثالية اللي مُمكن أخلي عميلي يقتنع بالمنتج... دلوقتي شوفوا الفيديو التاني: http :/ / bit. ly/2E4j0e9 ...لاحظ أول الفيديو كان ازاي ... فكرة ظريفة، وكل اللي عمله دور في اليوتيوب على مقطع كلب بيقع من عربية /سيارة، وخلاها أبيض، واسود، وضافها أول الفيديو دي نقطة (ألم) مُمكن تقنع العميل بأنّه يشتري المنتج... حاول تحلل الإعلان، وقولي أيه اللي لفت انتباهك فيه.
.
شوفو الفيديو دا: http : //bit. ly/ 2OAEROr أول جزء من الفيديو لفت الانتباه.
نفس الفيديو لنفس المنتج بس في بنهاية الفيديو أشخاص حقيقيين بيستخدموا المنتج http :// bit .ly/ 2EbGfTI..كل واحد اتميز بحاجة..... اللي انا بعمله بحمل الفيديوهين سوا، وبدور على يوتيوب، وبحمل فيديوهات، وبفضل أفكر بكل حاجة، وكل تفصيلة عن ازاي ممكن أعمل أفضل الاتنين، وبفضل اقص من دا، ودا، وبجمع مع بعض ...إلخ
.
.
الـ Ad Copy أو نسخة الإعلان:
.
هنا لازم تفكر بزاوية مختلفة تمامًا ... زي فكرة المنتج النسائي اللي استهدفوا فيه الرجالة دا أسمه زاوية جديدة بنت لذينا، ودا معناه لو في 45353 متجر طالع على المنتج أنا هعمل مبيعات.
.
العوامل الرئيسية للـ Ad Copy هي:
إما توفر 3 نقاط عن الآلم أو 3 نقاط عن مميزات المنتج أو فوائد المنتج.
لازم تحاول أنّك تحسس العميل بالـ فتون /مفتون بدون ما تقدمله حاجات كتير.
لازم تكون نسختك الإعلانية بتتكلم عن الميزة الرئيسية للمنتج بشكل مختصر.
لازم تقدم عرض للعميل.
استخدم الايموجي (emojipedia.org).
استخدم الـ Call To Action في نهاية الفيديو ... زي Shop Now .. We pay your shipping ..etc.
.
لازم تلفت انتباه اليوزر بالهيدلاين بتاعك... على سبيل المثال:
You need to see this product
Save Your Dog's Life Here NOW!
.
والعرض مثلاً بيكون على الشكل دا:
Flash Sale: limited 20% OFF Today Only
This Week Only: 46% OFF & We pay your Shipping.
.
محدش يستخدم الـ 50%، الناس زهقت من كتر ما بتشوف دي في الإعلان، وبيقولوا ليه بيقدم خصم كبير بالشكل دا من غير أي مناسبة.. فلما نستخدم كلام زي [Week or Today Only] فأحنا هنا منديهم سبب للخصم دا.
.
حاجات مش لازم تعملها في الـ Ad Copy، ولازم تتجنبها:
1- نسخ إعلانات المنافسين.
2- النسخ الإعلانية الطويلة (بحسب رأيي)
.
.
صراحًة دا اللي فاكره لحد دلوقتي... وهو في حاجات تانية كتير... كنا حابين ننزلكوا بالاستراتيجي بس للاسف صعب ننزل فيها اصلها برايفت لناس معينة
التعليقات