الاقتباس


شايفين الجدع ده ؟ شايفينه ؟ (يوجد صورة للشخص المذكور في المشاركة الأصلية)

https://scontent-a-sin.xx.fbcdn.net/hphotos-xpa1/v/t1.0-9/10403136_10152578255136128_2258213051406761051_n.jpg?oh=f9647134ae3fdd6a11d5cdb2485c4535&oe=555A37AC

اسمه kwan sang ki من كوريا الجنوبية

أحكيلكم بقى حكياته معايا وركزوا والنبي وأقروا لحد الآخر.

الجدع ده مبرمج جيمز .. مش بس بيبرمج جيمز لأ ده بيبرمج البرنامج اللي بيتعمل بيه الجيمز نفسها .. كان عامل إضافات مهمة للبرنامج اللي أنا بشتغل بيه ورافعها ببلاش على النت .. جيت في يوم إحتجت شوية منها فلقيته قفل اللينكات وعملها بفلوس .. 25 دولار والدفع بالـ paypal .. وأنا لا عندي أكاونت ع الموقع ده ولا بعرف أتعامل معاه، قلبت النت يمكن يكون حد اشترى الملفات دي ورفعها في مكان تاني أبداااا .. مافيييييييش

مالقيتش غير إني أحاول أتواصل معاه هو نفسه وأشوف طريقة آخد منه الملفات دي وأديله حقها.

أول لما وصلت لأكاونته على جوجل بلس وشوفت الصورة دي قلت باااااس .. رخم رخم يعني colonthree emoticon حيبيض عليا بقى ويبيع ويشتري فيا colonthree emoticon

بعد تردد كتيييييير بعتله ميل أسأله لو ينفع بدل الفلوس أعمله أي حاجة ليها علاقة بالرسم والتصميم وتوقعت إنه حيحلق أصلا .. تاني يوم لقيته بيرد عليا وبيقول إنه موافق وإنه محتاج تصميمات لجيم جديدة بيعملها !

اتكلمنا على سكايب فطلب مني حاجات اشتغلها .. حاجات بسيطة جدا ماخدتش مني ساعتين شغل.

خلصت الشغل وبعتهوله وأنا متوقع انه حيطلب عشروميت تعديل .. أو جايز ياخد الشغل ولما آجي أطلب منه الملفات يقول لي : "ليس الآن" colonthree emoticon ويطلب مني شغل تاني وهكذا، أو جايز ياخد الشغل ويختفي أصلا grin emoticon ماهو مافيش أي ضمانات من أي نوع.

من شوية بقى لقيته بيرد عليا .. الشغل عجبه ومبسوط بيه .. مافيش تعديلات .. ولا فتح بقه بنص كلمة غير "شكرا" .. وقام باعتلي الملفات اللي انا عايزها واللي تمنها 25 دولار !!!

القصة دي لو اترجمت لأي لغة تانية غير العربي اللي بيقراها حيقول: so what ؟! إيه يعني ؟ أيوة يعني عايز إيه ؟ حاجة قصاد حاجة وخلصنا ! فين القصة هنا ؟!

انتوا بقى عارفين فين القصة .. أي حد بيشتغل فلاي لانسر حيعرف فين القصة ..

انا حعيط والنعمة ! المشكلة طلعت في مصر مش في الكوكب !


رابط المصدر

https://www.facebook.com/photo.php?fbid=10152578255136128&set=a.438709491127.240988.547086127&type=1