كلماتي الاخيرة عند التخرج لطلاب دفعتي في قسم هندسة الحاسوب...لقد تشبعت بالتنمية البشرية من قصص النجاح والفقي ومقالات ابو الفتوح وغيرهم

"الف مبارك للخريجين وبدي احكي هل كلمة في بداية المشوار الحقيقي........

انا مش رح احكي زي الطلاب الى راضيين بالواقع ومبسوطين على حالهم وعايشين على (الهامش) .... اذا بدنا نصير قوة اقتصادية مؤثرة بالمنطقة

-لازم نشتغل على صناعة تكنولوجيا المعلومات .نصنع علامة مميزة زي الهند والمصريين حاليا ماشيين بهذا الاتجاه.والاردن في الشركات الناشئة.

-لازم ننتقل من Comfort زون ل Discomfort زون.

-لازم عدنا رؤية محددة الوقت واهداف واضحة.

-التقدم فقط بالعمل ولا شيئ غيره لا بالتمني ولا بندب الحظ....المهارة لا تطور الا بساعات وساعات طوال من العمل ...لكن لازم تجمع الجانب الاجنماعي والديني والروحي عشان تنجح

-مواد التخصص مهمة جدا بتبني الاساس عندك صح .وانتي الباقي عليك..التعلم الذاتي والبحث عن المعلومة افضل بكثير من التلقين.

-في ناس قاعدة بمنطقة الراحة..راتب .بيت..تقاعد..هذا بداية الموت المبكر..اسمحلي اقلك You Are Nothing ،،،،،،، احساس بعدم الراحة ونقص العلم انتي بالاتجاه الصحيح.

-عنا طلاب اذكياء جدا انا بصراحة اتمنيت لو نستفيد منهم.وفيه طلاب مرقوا علي عندهم عقل بس عاملينوا طيران .

-نصيحة حاول استبعد المحبطين من حوليك.اذا اقدرت اتنمي مهاراتهم فانت قائد.

-انا اتعلمت لحالي تقريبا معظم لغات البرمجة بس اكتشفت اني لازم اركز على حاجة معينة لانك مش رح تقدر تبدع ...لازم اتركز جهودك على اشي معين وتوخذ فيه دورات تعمل مشاريع...ولازم تعرف شئ عن كل شئ.

-انا لو هدفي معدل 3.99 كان وصلتلوا بس انا هدفي اعلى من مجرد رقم مكتوب على ورقة.

-لو صار عندك موظفين مستقبلا حسسهم بانهم شركاء في بناء الشركة حسسهم انهم موضع ثقة عندك...ما تتعامل معهم مجرد خدم.

-حتى لو اشتغلت مجال مش مجالك حاول خليه خطــوة عابرة وليس هدفاً نهائياً وطور من مهاراتك بمجالك الاساسي.

-بعمر العشرينات انت لا تملك سوا الوقت والصحة استغلهن جيدا حتى لا تندم فيما بعد.

-لا تنسى انك مش عايش لحالك بيه حوالي 7 مليار بني ادم بفكروا ....اي ثانية متاخرة او متقدمة ممكن تضيع هدفك..هامش الخطا ضئيل جدا في هذه الصناعة.

-مش معناتوا انك بتتعب كثير او بتدرس كثير رح تنجح او تحصل على وظيفة او تاسس بزنس ...

-اجعل زوجتك شريكة في مستقبلك في نجاحك وعاملها كانسانة ...مش عيب انك تساعدها بكل اشي ...حب زوجتك كانه اخر يوم في حياتك..عشان مجتمع متماسك.

-حب ما تعمل لتبدع فيه واياك ان تدخل مجال لا ترغبه...بجوز تقلي انا ما بعرف شو المجال الي بحبوا ...بقلك اعرف فكرة عن كل مجال واختار الي يناسبك.

-تاكد بانك ستفشل كثيرا لتحقيق الهدف ..الفشل سيعطيك خبرة ومعرفة بالسوق واحتياجاته ..كن مستمتع بعدد مرات بمحاولاتك للنجاح ولا تستلم عند اول الطريق.

-اياك ان تخلق الاعذار وتقول لم انجح بسبب هذا وذاك ...فقط الجبناء من يفعل هذا الشئ انتي افضل بكثير من هذا.

اخيرا اتمنى لزملائي السعادة والنجاح في الحياة.. عش كل لحظه كأنها اخر لحظه فى حياتك عش بالحب عش بالايمان عش بالكفاح عش بالأمل عش بالحب لله سبحانه وتعالى وقــدر قيمــة الحيــاة"