"كلٌّ يراك بعين طبعه"
كنت دايمًا بستغرب:
إزاي ممكن حد يحكم عليّ إني كدّابة، مع إني عمري ما كدبت؟
وإزاي يكون واثق أوي من حكمه، رغم إنه ما سألش ولا حاول يفهم؟
وإزاي حد يشوفني بشكل سيء لمجرد مواقف عادية جدًا،
زي كلام في شغل أو حدود معرفة؟
أو يربط تصرفاتي بأفكار هو مقتنع بيها من غير أي دليل؟
الأسئلة دي فضلت فترة طويلة بتلف في دماغي…
لحد ما وصلت لمرحلة إني بدأت أشك في نفسي بسبب ثقة غيري في أحكامهم.
لكن مع الوقت فهمت إن مش كل الناس بتشوفك على حقيقتك،
أحيانًا بيشوفوك من خلال نفسهم هما.
اللي جواه شك… بيميل يشوف الشك في غيره
واللي عنده صورة سلبية عن نفسه… بيحاول يلاقيها في الناس حواليه
مش لأنك كده فعلًا…
لكن لأن ده الإطار اللي هو شايف بيه الدنيا
الفكرة دي ريّحتني جدًا…
وخليتني أبطل أرهق نفسي في تبرير كل حاجة لكل حد
مش كل رأي محتاج رد،
ومش كل حكم محتاج دفاع
أحيانًا الهدوء…
هو أفضل رد
وكلّنا في النهاية…
مرايا لبعضنا البعض
بس مش كل اللي بنشوفه… بيكون حقيقة عن اللي قدامنا
أحيانًا بيكون مجرد انعكاس للي جوانا
"كلٌّ يراك بعين طبعه"
هل حصل معاكم إن حد حكم عليكم غلط قبل كده؟
