10 أدوات لمعرفة المواضيع المتداولة في العالم الرقمي

1 _ Buzzsumo

عبارة عن أداة يمكن معرفة المحتوى الشائع في موضوع معين و في وقت معين وباللغة الي بتحتاجها كمان. وممكن تصنف المحتوى حسب التفاعل على السوشيال ميديا أو تجد المحتوى الي انتشر بشكل فيروسي في اخر ٢٤ ساعة وممكن تلاقي الأشخاص المؤثرين في أي مجال (برأيي هو الأفضل).

2 _ Google Trends

من خلاله يمكن معرفة ما هيا الموضوع المتداول الي المستخدمين بيبحثوا عنه بكثرة خلال اليوم في دولة معينة. وممكن تبحث عن موضوع معين لحتى تشوف الوقت الي صار فيه هادا الموضع Trend على جوجل. ممكن تشترك بخدمة الاشعارات حتى يوصلك إشعار على البريد الإلكتروني بالموضوع المتداول

3 _ Trendsmap

أداة خاصة بتويتر لمعرفة المتداول على تويتر من هاشتاغات أو كلمات معينة. ويظهرلك خريطة العالم كاملة مع الهاشتاغات والكلمات المتداولة في كل منطقة من العالم. وموجد ميزة للاشعارات في حال كنت مهتم في منطقة وحدة.

4 _ Epicbeat

يمكن تقوم بالبحث عن المواضيع المتداولة في الوقت الحالي بالاضافة لمعرفة المحتوى الي عليه أكثر تفاعل وتحديد المؤثريين الإجتماعيين. موجود في الأداة ميزة بتخليك تعرف قديش التفاعل المتوقع في حال غيرت شي في المحتوى مثلا أضفت عدد مضاعف من الكلمات.

6 _ Hashtagify

تطبيق مختص لدراسة الهاشتاغات المتعلقة بموضوع معين على تويتر ومعرفة الأشخاص الأكثر تأثيرا في هذا الهاشتاغ بالاضافة لمعرفة التغريدات الأكثر انتشارا. ويمكنك معرفة اقتراحات لهاشتاغات نشطة في المجال الي بتبحث عنه.

7 _ What’s Trending

هو موقع بتلاقي فيه كل المحتوى المنتشر بكثرة في الكلام من فيديوهات ومواضيع أغلبها مقاطع تسلية .. لكن عيبه انو المحتوى أجنبي فقط.

8 _ Contentgems

أداة مناسبة جدا لكتاب المحتوى وباستخدامها بتقدر انت ك كاتب محتوى تبحث عن الموضوع والأداة بتطلعلك كل المقالات المشهورة في هذا الموضوع في صفحة وحدة بحيث انت تقدر تكتب مقالك الخاص بالاستعانة بالمقالات المشهورة.

9 _ Social Mention

أداة من خلالها بتلاقي الكلمات المفتاحية في موضوع معين والهاشتاغات المتداولة في الموضوع بالاضافة لأكتر شخص او موقع حكى عن الموضوع.

10 _ Moz Content

أداة لاستخراج المقالات المتدوالة مع ميزة معرفة حجم التفاعل على السوشيال ميديا مع هادي المقالات.

اي من هذه الأدوات تستخدم ؟

المصدر :