صلي...
كل النصايح اللي هتسمعها في موضوع الصلاة، وكل الإجابات اللي أنت مستنيها عن أسئلتك هتنحصر -ببساطة شدية- في إنك تصلّي.
هتقرأ كتاب من كذا 100 صفحة، هتتفرج على محاضرة، هتحضر دورة، هتسأل شيخ، هتحكي مع صديق، كل ده هيتلخّص في إنك لازم، حالًا مش كمان شوية، تقوم تصلّي.
أول خطوة للمواظبة على الصلاة إنك تصلّي، أول شيء هيعوّدك إنك متفوتش صلاة إنك تصلّي، توهّم براحتك إن الأمر محتاج ترتيبات وخطوات وتنظيرات مطوّلة ونصايح في ألف مُجلّد، أو خليك واقعي واعرف إن الأمر بيبدأ بيك، هيفضل في النهاية الأمر مختصره إنك تقوم، تتوضى، وتصلّي.
لا هو إدمان هتعاني في التعافي منه، ولا هي علاقة محرمة هتقاوم عشان تنهيها. لا هو شيء هتتكبد له مال، ولا مرتبة محتاجة دراسة أو مجهود شاق، القصة كلها إنك تفتح الحنفية، وتتحرك حركتك العادية، وتأدّي الواجب الأول اللي أنت مخلوق عشانه، واللي من غيره هتلاقي إن كل شيء -بمعنى كل شيء- لا يغنيك لو فرّطت فيه.
صلِّ عشان مفيش أي حاجة تخليك متصلّيش، وعشان كل الحجج واهية، صلِّ عشان هيسألك عنها قبل أي شيء، وعشان أنت اللي محتاج والله، محتاج ثوابها، ونورها، وحمايتها.. وهو الغنيّ العزيز.
التعليقات
لي زميل كل ما أقوله صلي، يغضب ويقاوم، وكأني أقول له ارتكب خطأ والعياذ بالله، رغم لين النصيحة فجئت بيوم قلت له لماذا لا تصلي عندما أذكرك، قال أشعر بغضب شديد، وأقاوم، قلت له وماذا بعد، هذا رد فعل يغرقك ولا ينقذك، فعندما اصطحبك معي لتصلي صلي دون مقاومة، وتذكر أني أفعل ذلك لمصلحتك، وبالفعل تدريجيا بدأ يستجيب
أعتقد أن أحيانًا ترك الصلاة يحدث لأنه يكون مرتبطًا عند ذلك الشخص بثِقل المهمة، وكأن الصلاة شيئًا ثقيلًا لأن لها خطوات يجب الالتزام بها في أوقات معينة بطريقة معينة، كما أنه بالنسبة للبعض الآخر تكون المهمة الأشق هي التركيز في الصلاة.
ليس الموضوع مجرد ثقل في الخطوات أو الالتزام بالأوقات بل أحيانًا يكون السبب أكبر من ذلك بكثير الشيطان يسيطر على قلب الإنسان ويزرع له الكسل والتأجيل ويبعده عن الصلاة ويشغله بالملهيات والأفكار التي تلهيه عن ذكر الله والتركيز فيه لذلك ترك الصلاة ليس مسألة صعوبة في أداء الفعل بل ضعف الروح والإرادة أمام وساوس الشيطان