1- بعت رسالة لحد بالغلط !! إعمل موبايلك على وضع الطيران ولما تفشل في التسليم تقدر تمسحها ..

2- لما تخلص كتابة مقال إنجليزي انسخه في جوجل ترجمة وشغل الصوت ودي أبسط طريقة لأكثر الأخطاء .

3- لو كتبت في جوجل رقم رحلة طيران ولو الطيارة في الجو هيقولك مكانها فين حالياً ..

4- الموقع والابليكشن دول بتقولهم أنت عندك إيه في ثلاجتك وهما بيقترحوا عليك تطبخ إيه..

http://myfridgefood.com

5- جعان وعاوز تروح !! روح المطعم اللي جنبك وإعمل اوردر دليفري وإركب ورا الطيار لحد البيت ..

6- عاوز تنظف المايكرويف!! إغلي بوله مياه فيه والبخار هيساعدك تزيل الأوساخ اللي فيه..

7- لو حسيت أن الرقم اللي كتبته غلط ، عيده غلط تاني على اللي قالهولك ولو صحح لك يبقي انت كنت كتبته في الأول صح ..

8- لو تليفونك وقع في الماء تقدر تجففه بأنك تحطه في الأرز الابيض وتسيبه هيجف لوحده..

9- لو بتحاول تفتكر حاجة ممكن تقفل أيدك وتفتحتها وده هيساعد مخك في إنه يتذكر وهيدعم نشاطك..

10- الحاجة اللي بتكتبها بالأحمر بتفتكرها أسرع..

11- سطح المكتب بتاع جهازك كل ما كان أقل عدد فايلاته كل ما سرعة الجهاز زادت

12- الشبكة وحشه في موبايلك والنت ضعيف ممكن تعمل الموبايل وضع طيران لمده 30 ثانية وترجعه تاني هتظبط معاك ..

13- اي حاجة بتفضل في أيدك شويه المخ بيعتاد وجودها ومش بتحس انك فقدتها زي كده ما بتنسي الموبايل وكان لسه في أيدك دلوقتي ومش عارف سبته فين ..

14- حاول قدر الإمكان تستخدم عقلك في الحسابات عشان تشغل مخك وتزود معدل ذكائك آو ع الأقل متبقاش غبي وبتعطل من أقل حاجة ..