للمخاوف واجهان

بعض الناس سيأتي عليهم وقت ستُدرك حقًا ما هي المخاوف،  

والبعض الآخر سينتهي عمره وهو يحاول أن يستوعب ما هي المخاوف الحقيقية لديه.  

أما آخرون، بل الكثير ،سيُدرك أن كل مخاوفه تكاد أن تكون شبه شبح لا وجود له، ليس ذا فقط بل لا يستطيع أن يكون بمثابة وحش المخاوف الذي يقتل الكثير منا.  

😳 إيه الكلام الكبيرة دا 😅  

سيبك من كل الَلت الفخم دا وركز معايا.  

إنت متخيل أن كل واحد منا عامل مخاوفه لوحش عملاق وهي ممكن تكون أصل شبح ،خيال ، وياريته شبح عليه القيمة من اللي في أفلام الرعب

 😅 بلاوكسه، عارفين بيبقى شبه إيه بالملّي؟  

فاكرين زمان لما كنا نوّطي الإضاءة في الأوضة ونرفع إيدنا نشبكها في بعض على الحيطة ونعمل أشكال، مرة حيّة، شوية ضبع، وحبة كلب كبير؟  

بس الأعظم من كل دا أننا كنا بنصدق نفسنا ونخاف من الحاجات اللي عملناها بأيدينا،، 

ف بجد إنت مركز أن مخاوفك دي حقيقه ،يعني تستاهل تخاف، تستاهل تقلق، تستاهل إنك ممكن توقف حياتك، تسيب شغلك، متروحش المكان دا ،،،عشان دي مخاوف بجد موجودة وممكن تأذيك ف بتتجنبها أحسن؟  

ولا مجرد شبح إنت اللي صنعته بايدك زي الخيال والأوضة المظلمة اللي ياما خوفنا منها وإحنا متأكدين أن دا مجرد خيال؟

؟

*متجري تفتح النور كده وشوفي الوحش اللي مخوفك على حقيقته.*  

*ووقتها بس احكم 

: ده خوف حقيقي، ولا إنتِ اللي صنعتيه بإيدك؟*

---