انا في اولي كليه تجاره كان نفسي اجيب مجموع وادخل كليه حاسبات بس للاسف مجموعي مجبهاش وانا بحب الكمبيوتر والبرمجه ونفسي اتخصص فيها ويبقي ده مجالي لاني مش عوزه التجاره دي ونفسي اثبت نفسي فحاجه انا بداءت اتعلم من علي الانترنت لغه البايثون وبحاول استمر فيها اهوه بس عوزه اعرف لو فضلت اتعلم من الانترنت ممكن اشتغل بعد كده من غير شهاده جامعيه ولا هيبقوا لازم عوزين شهاده في التخصص الجامعي هل ممكن اقدم في شركه زي جوجل مثلا ولا هيحتاجوا شهاده برجاء الرد وشكرا مقدما
انا في اولي كليه تجاره كان نفسي ادخل حاسبات بس مجموعي مجبش هل كده ضاع حلمي في اني ابقي مبرمجه ؟
لا، حلمك ما ضعش ولا حاجة!
شدي حيلك كده ووازني بين الكلية وبين تعلم البرمجة وإن شااااء الله هتبقي مبرمجة زي الفل في وقت قليل جداً.
ده انتي لو نظمتي وقتك كويس احتمال كبير جداً تبقي مبرمجة محترفة وتشتغلي بيها قبل ما تخلصي الكلية حتى D:
وبالنسبة للشغل، إنتي مش ضروري تشتغلي ف وظيفة أو شركة، أغلب المبرمجين بيشتغلو بشكل مستقل، وده ما يمنعش إن شركات كبيرة زي جوجل مثلاً مش بتشترط شهادة جامعية عشان تشتغلي فيها، بس لازم تثبتي مقدراتك طبعاً.
ملاحظة صغيرة: الجماعة اللي هنا دول بيتكلمو بالعربي الفصحى بس، يعني ما ينفعش تكتبي باللهجة المصرية هنا، وعشان تفهمي، شوفي بقى تعليقي ده هيتقيم بالسالب أد إيه xD
التعليقات