عندما يكون مخرج مسلسل رعب نفسي هو "نايت شايمالان" الذي يعد احد ايقونات اخراج افلام الرعب النفسي وافلام الاثاره والتشويق.

فبالتأكيد نحن علي موعد مسلسل رعب نفسي عظيم جدا" شايمالان" هو مخرج افلام ايقونيه كثير في الرعب النفسي او الاثاره والتشويق زي فيلم the sixth sense وسلسلة افلام الابطال الخارقين unbreakable و split و glass ..

مسلسل الخادمة "أسرار عائلية" يحكي عن بنت تبلغ 18 عام تسمي - ليان قام بتوظيفها عيله غنيه جدا لرعاية ابنهم جيريكو العيله تتكون من الاب ..شون .. طاهي محترف ومشهور جدا والام دوريس مذيعة شهيره جدا في التلفزيون بتوافق ليان على رعاية ابنهم جيركيو ولكن في مشكلة صغيره من البداية وهي انه لا يوجد طفل اصلا !! ..

العيله بتربي دمية على هيئة طفل والام مصابة بمرض نفسي بسبب موت ابنها وهو طفل وجالها شلل وانفصال عن الواقع ومرجعتش للواقع تاني الا بعد ما جابولها دمية طفل وقالولها هو دا ابنك جيريكو و الام انفصلت عن الواقع وبقت مقتنعة ان الدمية دي ابنها فعلا !! الغريب في الامر ان المربية ليان ستتعامل مع الامر بإعتيادية وستوافق على الوضع وحتتماشى مع المسرحية لحد ما في يوم حيصحى الاب شون ويلاقي حاجة عجيبة جدا .. الدمية اللي موجودة علشان يضحكو بيها على دورسي بقت طفل حقيقي من لحم ودم وشبه ابنه جدا !!

هل الخادمة هي اللي جابت الطفل دا مكان الدمية ولا عملت وهم لاصحاب البيت ولا هي عندها قدرات سحرية غير معروفة !! ازاي دا حصل ؟!

مع وجود الخادمة ليان في البيت اللي بنكتشف انها شخصية متدينة جدا وبتتبع طقوس دينية عجيبة وانتماءها لاحد الطوائف بتحصل حاجات غريبة في البيت كمان خاصة لشون اللي بيصحى في احد الايام بيلاقي نفسه فقد القدرة على التذوق وبعد كده فقد القدرة على الاحساس بالالم !! ايه السر اللي مخبياه العيله دي وايه السر اللي مخبياه الخادمة ليان هي كمان !!

المسلسل مسلسل عظيم جدا على صعيد الرعب النفسي واجواء الترقب والاثارة وانك تريد معرفة كل كبيرة وصغيره تحدث واسبابها ايه وكمان لعبة الشك المتبعة في المسلسل كانت جميلة جدا كمان تقلب المشاعر والتعاطف مع الشخصيات كان عبقري ..يعني كنت متعاطفه جدًا مع الام المريضة النفسية إلي اخر حلقتين في المسلسل تعاطف كبير جدا ومع الحلقتين الاخيرتين حقيقي كنت أريد أن أقتل دي وكل التعاطف راح نهائي بسبب اسرارها مع الاسف لسه في اسئلة مش حيكون ليها اجابة في الموسم دا لان لسه في موسم تاني حتوضح فيه بعض الامور اكثر مسلسل ممتع جدا...