رايت هذا المنشور علي صفحة "اخر الاخبار" على الفيس بوك عندي

فاحببت ان اشاركها معكم

معايا نوتة صغيرة كدا دايما بحب أسجل وأكتب فيها الشكاوى العجيبة اللى بتجيلى كــ دكتور عظام فـي شغلى في المستشفى .... دى عينة بسيطة جدا من الشكاوى والطلبات العجيبة من المرضى على مدار سنتين :

= صوابع أيدى طويلة

= لما بزعق كتير رجلى بتوجعنى ( واحدة ست طبعا)

= أكتبلى مطوّلات تطولنى تلاتة سنتى فى شهرين عشان أعرف أقدم حربية

= فيه وجع مش محسوس فى ركبتى اليمين

= ايه أأمن مكان لضرب الاطفال يا دكتور من فضلك ؟ ( أم عندها حوالى 30 سنة )

= انا حاسس ان الحتة دى فاضية مفيهاش حاجة (بيشاور على منطقة الرسغ الايمن ولا يعانى من وجع أو الم أو تنميل .... كل شكوته انه حاسس ان الحتة دى فاضية, الجسم بتاعه مش مستغلها)

= هو الكسر ممكن يسببلها ترجيع(تقيؤ) يا دكتور ؟ .....- أيوة ممكن من الوجع .... طب هى دلوقتى مرجعتش ، عادى ؟ (زوج مصطحبا أنثاه المصابة بكسر فى الساعد)

= صوباع رجلى التانى اقصر من الصوباع الكبير الاولانى

= بتعملو عمليات مظراب ؟ .... ايه المظراب دا ! ...... مظراب يا دكتور مش عارفه ! .... لا مش عارفه ..... يا دكتور مظراب طبى ! ... مظراب طبى ازاى يعنى ! ( بعد شرح طويل فهمت ان قصده عملية منظار )

= دكتور هو لو دهنت مرهم ع الجبس ، الجبس هيتشربه ويوصل لايدى ولا اخد اقراص وخلاص ؟

= ما تعرفش دكتور عظام كويس أحسن من اللى هنا نروح نجبس عنده ؟ (والد طفلة موجها السؤال لى بعدما قمت بالكشف على الطفلة وعمل اشعة لها وأخبرته ان بها كسر بسيط ويحتاج لعمل جبس)

= عايزة حل لأبنى يا دكتور ، انا عملت اشاعات وتحاليل كتيرة وكلها طبيعية ، أبنى كل ما يقع من ع السلم او من مكان عالى بيتكسر أو بيتعور (أم مصرية من الأكيد أنها معجبة بشدة بسلسلة أفلام سبايدر مان وأكس من و deadpool )

= حسبى الله ونعم الوكيل فيها ( دعاء زوج أصيب ب شرخ فى اليد نتيجة ضربه لزوجته فى وجهها XD)