قرأت نقاش لمستقل بيحكي إنه في بداية عمله كان بيبدأ بأسعار مخفضه بهدف إنه يكتسب خبرة ويكوّن قاعدة عملاء ومع الوقت بدأ يطوّر مهاراته ويشتغل على مشاريع أكتر وأصعب، وفعليًا مستوى شغله اتحسن بشكل واضح.

لكن بعد فترة بدأ يحس إن الأسعار اللي بيشتغل بيها حالياً ما بقتش مناسبة لمستواه الحالي ولا للخبرة اللي اكتسبها مع الوقت. فبدأ يفكر إنه حان الوقت لرفع السعر لكن في نفس الوقت عنده قلق وخوف إنه يخسر بعض العملاء، خصوصًا إن طريقة طرح زيادة السعر نفسها ممكن تكون هي السبب في قبول أو رفض الموضوع.

الموقف ده بيقع فيه كتير مننا كمستقلين، وهو الخوف من تغيير الأسعار حتى بعد ما مستوانا يتطور فعلاً. أحيانًا بنفضل ثابتين على نفس التسعير بدافع الحفاظ على العملاء، لكن في المقابل بنكون مش راضيين عن القيمة اللي بنقدمها مقارنة بالمجهود والخبرة اللي بنكتسبها مع الوقت.