.
لو سألت كل واحد جه على الدنيا دي: "الحب الحقيقي من وجهة نظرك إيه؟"
هتلاقي عشرتلاف إجابة 😅🤝
والغريبة إن كلهم صح.
عارف ليه كلهم صح؟
عشان كل واحد من دول هيبقى صح في ظروفه وفي توقيته اللي مر بيه.
مع إنك لو جبت اتنين بس من العشرتلاف دول هيختلفوا.
مش بس كده، هيحصل جدال واسع: "أنا اللي صح، لا أنا" والجو دا.
بس عارفين الحلو وسط كل وجهات النظر عن الحب إيه؟
غير الاحترام والود؟
إن كل حاجة تبقى حقيقية.
الثقة. الاحترام،، الود ،،الامان،، العطاء،، الرحمه،،، العذر
واحلى حاجة من وجهة نظري هي إن الطرفين ممكن يزعلوا، يتخانقوا، يتشاكلوا.
ممكن يحصل أي حاجة وكل حاجة لدرجة إن ممكن الزعل والخناق والبعد احيانا تطول بنهم.
بس بيجوا عند الفراق وتلاقي كل واحد فيهم بيدور على حل.
كل واحد منهم خايف، لا بجد تخلص.
نزعل، نتخانق، منكلمش بعض... بس إلا دي.
لما توصل للوقت دا بتنسى كنت زعلان قد إيه.
وبتحسو إن حتى زعلكو من بعض ومن مواقفكم سوا تافه قصاد إنه تمشي بشكل أبدي من عالمك
انت والطرف التاني يومها بتتأكدوا أنتم مين لبعض.
وإن في عمر طويل مكمل معاكم.
وإن العلاقات مش بالورد والشوكولاتة والكلمتين الحلوين في التليفون والخروجات.
كل الحاجات دي حلوة صحيح ،بس اللي أهم منها المواقف، الظروف، والاختلاف الحقيقي اللي بتتصدمو بيه في طبع كل واحد منكم. وشخصيته هو عصبي انتي عنيده هو كذا وانتي كذا ورغم كل دا وطباعكم
اللي كنت مستحيل تقبله زمان، بقيت متصالح معاه.
لأنك بقيت عارف حاولت تتأقلم مع الطبع دا ولا إنك تتحرم منه.
في ناس كتير ليها قصص شبه دي، أو مختلفة، أو حتى نادرة.
بس اللي بيجمع الكل إن يوم ما أي علاقة بتتعرض لموقف حقيقي... يا بتكمل يا بتخلص.
هنا هتعرف كنتم عايشين إيه سوا.
واللي بينكم حقيقي ولا مجرد برواز شكله حلو. اه
بس عمره ما كان قد أي محنة تيجي تختبره وتشوف هو أصله صلب ولا مجرد برواز.
لا يوجد تعليقات بعد، كن أول من يبدأ النقاش