ويكبر الطفل وهو جوّاه عقدة المثالية. بسبب مين؟ بسببك 😳. إيه؟ مش مصدقاني؟ أيوه، بسببك، بسبب الأم والأب. ليه؟ تعالوا أحكيلكم.
من زمان أوي، في بداية حياة أي طفل، دلوقتي بقى شخص عاقل، مسؤول، ملتزم. بقى الناس مستغربة: هو ليه مش ناجح في حياته؟ أنا أقولك.
أولًا، ومن أول موقف بيحصل مع البنت أو الولد ده، الأم بتفرح أوي وتنبهر. ليه؟ لأنها كل همها تشوف عيالها مثاليين، فتستسلم وتقول: "برافو، إيه ده! إنتِ أحسن من أخوكي الكبير، إنت أعقل من أخوك الوسطاني". كلمة بتتقال قدام أطفال مخلوقين نادرين كأن ربنا زرع من اول يوم فيها المسؤوليه ود حملهم فوق طاقتهم علي المدي البعيد .
ليه نادرين؟ لأنه لازم وحتماً تيجي ظروف ساعدت الطفل ده والأم دي يعملوا الكارثة دي. وهي إيه؟ أولًا بيطلع شايف الأم بتعاني من ابنها اللي مطلع عينها، أو أخته اللي عملتلها مشاكل، فيحس إنه عاوز يبقى أحسن. فمن أول موقف، الأم بتقف تتفرج بذهول، وهي اكيد مش قاصده ولا فاهمه هي بس فرحانه فتجبر الطفل ده، اللي جاي الدنيا عشان يتعلم ويغلط ويفهم، لأ، حطته في فخ: "يا سلام، إنت العوض 😳😂، إنت صبر التعب اللي شوفته مع إخواتك".
ومع أول جملة، البنت أو الولد ده اتربى إنه مثالي، والمثالي مش بيغلط. بس كده؟ لا، ده كمان مينفعش يسمح لحد يدخل حياته ويغلط أصلًا 😅. أمال إنت مفكر ايه ؟
فتلاقيه متأخر في حاجات مهمة، وتلاقيها بترفض عرسان زي الفل، وكل الناس تبرق من دهشة: "إزاي ده؟ ده مهندس 😳، ده محامي، إنتِ مجنونة؟". الفكرة إنها شالت هم كبير من أول موقف، والأم وثقته جو ديرة انت ملاك مبيغلطش زي أخوه أو أخته.
فبقى صنم، لا عارف يعيش ولا فاهم ألوان الحياة اللي ناس كتير من دايرته عاشتها، ويفضل واقف على الباب يتفرج من بعيد عشان يفضل محافظ على القالب اللي شكلته الدنيا والأم والاب والظروف.
تفتكروا لو كل الناس دي عرفت إن حتى النبي نفسه اللي المفروض افضل سلاله بنا كان بيغلط عادي وفضل نبي؟ وهنا مقصدش ولا بشجع على الغلط، أنا بتكلم على الغلط بتاع الناس العادية؛ زي أنه عملو، وفشلوا، وجربوا، وعدّت التجربة وخلاص. إنت مبسوط وإنت واقف مكانك وخايف؟ إنتِ سعيدة وإنتِ عمرك بيعدي ومش عارفة تكملي حياتك زي كل اللي كملوها ونجحوا؟
صحيح مش واخدين جايزة أحسن كذا، بس عاشوا، وجربوا، وفهموا، واتعلموا. وده مغيرش من أي حد هو مين، بالعكس، كبّره وكبّر دايرته ووسعها.
واوعا تلوم ام واب كان كل أملهم ف الحياه ابن كويس،محترم
وبنت عقله وكويسه يمكن مرو بضغط ظروف حياه مبتىسحمش ولا خلت حد منهم يركز انك مجرد بشر وارد واكيد جي تغلط وتتعلم وتفهم عشان بكره تبقي النسخه اللي اي ام واب يتمنوها
لسه بتفكر وخايف
لا يوجد تعليقات بعد، كن أول من يبدأ النقاش